ОПЕРАЦИЯЛЫҚ БӨЛМЕЛЕРІМІЗ ЖӘНЕ ҚАУІПСІЗ ХИРУРГИЯ
Біз жылдар бойы жиналған тәжірибемізді емханамыздың барлық саласында ұтымды пайдалану арқылы денсаулыққа қатысты мәселелерді тезірек шешуді ұсынамыз. Hisar Hospital Intercontinental-дың барлық филиалдары заманауи медициналық жабдықтармен және пациент пен қызметкерлердің қауіпсіздігін қамтамасыз ететін операциялық бөлмелермен қамтылған.
Біздің операциялық бөлмелерде қолданылатын орталық зарарсыздандыру жүйесі, желдету жүйесі және ең жаңа технологиялық құрылғылар пациенттің қауіпсіздігі үшін тамаша жағдай қалыптастырады. Барлық оталар, соның ішінде микроскопиялық, эндоскопиялық артроскопиялық және лапароскопиялық оталар біздің операциялық бөлмелерде сәтті орындалады.
Операциялық бөлмелерде қандай оталар жасалады?
- Алгология
- Ми хирургиясы
- Балалар хирургиясы
- Гастроэнтерологиялық хирургия
- Жалпы хирургия
- Кеуде хирургиясы
- Көз
- Гинекология және акушерлік
- Жүрек-қан тамырлары хирургиясы
- Оториноларингологиялық хирургия
- Онкологиялық хирургия
- Ортопедия және травматология
- Эстетикалық пластикалық және қалпына келтіру хирургиясы
- Урология
- Жаңа туған нәрестелер хирургиясы
Қауіпсіз хирургия деген не?
Біз ең жақсы жағдайда жасалатын операцияға және топтық жұмысқа аса көп мән береміз. Елімізде және әлемде хирургиялық әдістер дамыған уақытта, қауіпсіз хирургиялық процедуралар міндетті болып табылады. Сондықтан ең күрделі және проблемалы операцияларды қауіпсіз жасау үшін көптеген сақтық шараларын қолдану қажет. Бұл хирургиялық жарақаттануды азайту, науқас үшін де, дәрігер үшін де асқынуды төмендету және қауіпсіз операция сияқты артықшылықтарды береді.
Қауіпсіз хирургиядағы қолдану салалары
Қате сала, қате процедура және қате пациент операцияларынан туындайтын ауыр жарақаттар сияқты жағымсыз жағдайлар емханаларды алаңдататын өзекті проблемалардың бірі. Мұндай қателіктер хирургиялық / инвазивті топ мүшелері арасындағы пайдасыз немесе жеткіліксіз байланыс, процедура аймағын белгілеу процесінің болмауы және пациентпен процесті бөліспеуден туындайды. Мұнымен қатар, науқасты дұрыс бағаламау, медициналық карталарды тиісті деңгейде қарамау және хирургиялық топ мүшелері арасында ашық қарым-қатынасты қамтамасыз ететін мәдениеттің болмауы жиі қателіктерге әкеп соғатын факторлар болып табылады.
Емханамызда Дүниежүзілік денсаулық сақтау ұйымы мен JCI стандарттарына сәйкес осы мәселелер бойынша егжей-тегжейлі зерттеулер жүргізілді.
Әр операцияның алдында негізгі 8 қадаммен жіті бақылау жүргізіледі:
- Науқастың мәліметтерін дұрыс анықтау,
- Сала анықтау,
- Операция алдындағы клиникалық бақылау,
- Пациент талаптары,
- Операция бөлмесіне науқастарды жеткізу,
- Анестезияны клиникалық бақылау,
- Time Out,
- Sign Out,
Топтағы адамдар өздерін аты-жөні, тегі және міндеттері бойынша таныстырады.
Топтың бір мүшесі дауыстап:
- Пациенттің аты-жөнін, туған күні / айы / жылын,
- Операция саласын,
- Жасалатын операцияны растайды.
Ескерту: Топтың әрбір мүшесі ештеңемен шұғылданбай, тайм-аутқа қатысады.
Тайм-аут процесі операция басталар алдында, барлық топ мүшелерінің дайын тұруымен:
а) Науқастың сол адам болғаны
ә) Жасалатын процедураның дұрыс болғаны
б) Хирургиялық / инвазивті процедураның дұрыс екендігіне түгелдей көз жеткізу және үдерісті тіркеу.
Sign Out процесі; Дүниежүзілік денсаулық сақтау ұйымының (ДДСҰ) қауіпсіз хирургиялық бақылау формасында көрсетілгендей бұл пациент процедура жасалатын аймақтан шыққанға дейін жасалуы керек үдеріс. Sign Out кезінде;
d) Жазылған хирургиялық / инвазивті процедураның атауы
e) Құрал, губка және ине санау амалдары аяқталғаны (егер ондай амал бар болса) жөнінде келісіліп, үдеріс тіркеледі.
«Joint Commission»-ның (АҚШ) Universal Protocol for Preventing Wrong Site, Wrong Procedure, Wrong Person Surgery™ (Қате сала, қате процедура және қате пациент операцияларының алдын алуға бағытталған әмбебап хаттама) атты жұмыстары, әр уақытта дұрыс пациент, дұрыс процедура және дұрыс саланы таңдауға бағытталып, әртүрлі стратегияларды қолдану принципіне негізделген.