Djersitni shumë? Veçanërisht duart, këmbët dhe sqetullat tuaja djersiten? Sqetullat e rrobave tuaja janë gjithmonë të lagura? Keni turp të ngrini krahun? Nga këto dhe nga shumë probleme të ngjashme mund të çliroheni me aplikimin e Botoksit...
Djersitja e tepërt (Hiperhidroza) është, për shumë vite, një problem kozmetik dhe social shqetësues si për gratë ashtu edhe për burrat, për shkak të punës së tepërt të gjëndrave djerse, që rezulton me rritjen e djersës së lëshuar në sipërfaqen e lëkurës. Ky problem shfaqet te 1' e popullsisë; veçanërisht në sqetulla, pëllëmbët e duarve dhe tabanet e këmbëve. Djersitja e tepërt mund të shfaqet edhe në fytyrë. Meqenëse sasia e djersës ndryshon nga një person në tjetrin, është shumë e rëndësishme që diagnoza të vendoset pas vlerësimit të djersitjes.
Qasja në trajtimin e djersitjes
Para se të fillohet trajtimi i djersitjes, hetohen shkaqet e djersitjes. Edhe nëse djersitja shkakton probleme serioze për personin, opsionet e trajtimit janë mjaft të kufizuara. Pudrat, kremrat ose spraytë e përdorur për trajtim nuk kanë vetinë të ndalojnë plotësisht djersitjen. Megjithatë, mund ta vonojnë atë për një kohë të shkurtër. Ndërsa me Botoksin keni në dorë një efekt shumë efektiv dhe të qëndrueshëm për kohë të gjatë.
Çfarë është Botoksi (Botox)?
Botoksi, i përdorur me siguri për rreth 30 vjet, është një toksinë e sekretuar nga bakteri i quajtur 'Clostridium Botulinum'. Meqenëse fijet nervore aktivizojnë gjëndrat djerse, transmetimi midis gjëndrave djerse dhe skajeve nervore mund të ndalohet me proteinën që përmban Botoksi, duke zvogëluar kështu punën e gjëndrave djerse.
Si kryhet aplikimi i Botoksit?
Trajtimi me Botoks është një nga metodat që mund të zbatohen për djersitjen e tepërt. Botoksi, që mund të aplikohet brenda një kohe të shkurtër prej rreth 30 minutash, përdoret veçanërisht për djersitjen në sqetulla, pëllëmbë dore dhe taban këmbësh. Aplikimi në sqetulla është më i lehtë dhe shkakton shumë pak dhimbje krahasuar me aplikimin në dorë dhe taban këmbësh. Meqenëse aplikimi në dorë dhe taban këmbësh është i dhimbshëm, zakonisht duhet përdorur anestezi e shkurtër.
Çfarë duhet bërë para aplikimit të Botoksit
Para kryerjes së procedurës Botoks, bëhet test iod-niseshte në zonat ku ka ankesë pacienti. Me rezultatin e testit, përcaktohen zonat aktive që shkaktojnë djersitje të tepërt; në këto zona, Botoksi injektohet nën lëkurë, në thellësi rreth 2 mm, me gjilpëra me majë jashtëzakonisht të hollë. Në këtë aplikim që nuk kërkon anestezi, te pacientët shumë të ndjeshëm mund të përdoret para procedurës një krem me efekt lokal. Procedura kryhet me intervale të gjata si 6-8 muaj. Menjëherë pas procedurës që zgjat 10-15 minuta, mund tëktheheni në jetën tuaj të përditshme. Rezultatin e këtij aplikimi, që mund ta përfitojë çdo person në moshën 18-65 vjeç, mund ta shihni brenda 2-4 ditëve.
Kujt nuk i bëhet Botoks?
Grave shtatzëna,
Nënave që po ushqejnë me gji,
Pacientëve me infeksion mbi lëkurë,
Personave me sëmundje neurologjike si Myasthenia Gravis (dobësi muskulore e veçanërisht e dukshme te muskujt),
Personave që përdorin antibiotikë të tipit aminoglikozid,
Pacientëve me artrit reumatoid që përdorin penicillamin,
Pacientëve që përdorin Cyclosporin, si ilaç që dobëson sistemin imunitar, dhe chloroquine, si ilaç kundër malaries, nuk i bëhet aplikimi i Botoksit.
Kjo metodë, që mund të zbatohet si te gratë ashtu edhe te burrat, në shumë grupmosha, duhet të kryhet vetëm nga një mjek specialist i ndërgjegjshëm për këtë fushë.
Përditësuar më 18.05.2015.
