PET-CT

PET-CT është një metodë imazherike e avancuar teknologjikisht, e krijuar nga bashkimi i tomografisë me emision pozitronik (PET) dhe tomografisë kompjuterike (CT).

Pajisja PET-CT;

• Kanceri

• Sëmundje të padiagnostikuara

• Infeksionet

• Sëmundjet e zemrës

• Çrregullimet e trurit

• Dallimi i sëmundjes së Alzheimerit dhe demencës

Në raste të tilla, PET-CT është udhërrëfyes në diagnostikimin e hershëm dhe planifikimin e trajtimit.

PET-CT në onkologji

Në sëmundjet onkologjike, pajisja PET-CT përdoret për diagnostikimin e hershëm të kancerit, planifikimin e trajtimit, përcaktimin e stadit (evrelenmesi), zbulimin e përsëritjeve, identifikimin e metastazave, planifikimin e radioterapisë dhe vlerësimin e suksesit të trajtimit.

Llojet e kancerit ku PET-CT ka efektin më të madh janë:

• Kanceri i mushkërive

• Kanceri i gjirit

• Kanceri i tiroides

• Kanceret e kokës dhe qafës

• Kanceret kolorektale

• Kanceri i ezofagut (i kërcyeshtit)

• Kanceri i stomakut

• Kanceret ginekologjike

• Kanceri i fshikëzës

• Kanceri i prostatës

• Limfoma

• Melanoma

PET-CT në sëmundjet e zemrës

PET-CT luan rol në përcaktimin e zonave ku rrjedha e gjakut është e ulët për shkak të bllokimeve të arterieve koronare. Identifikimi i këtyre zonave është i rëndësishëm për të përcaktuar nëse angioplastia ose by-pass-i kirurgjik i arteries koronare do të sjellin përfitim.

PET-CT në sëmundjet e trurit

Për identifikimin e tumoreve të trurit, krizave epileptike (nöbet), si dhe për diagnostikimin e sëmundjes së Alzheimerit dhe demencës, mund të përdoret teknologjia PET-CT.

Cilat janë avantazhet e PET-CT?

Përgjithësisht, mjekët i përcaktojnë dhe diagnostikojnë sëmundjet duke vendosur njëra mbi tjetrën rezultatet e skanimeve PET dhe CT, të kryera veç e veç. Por, për këtë, dy skanimet e ndara duhet të kryhen me pacientin në të njëjtën pozicion të plotë. Meqenëse kjo nuk është gjithmonë e lehtë për t'u realizuar, saktësia e informacionit diagnostik mund të cenohet.

Pajisja PET-CT u mundëson mjekëve të kryejnë shpejt të dy skanimet në një seancë të vetme, pa qenë nevoja të lëvizin pacientin. Kështu, të dhënat metabolike të marra nga skanimi PET dhe të dhënat anatomike nga CT, të marra njëkohësisht nga një pajisje e vetme, japin informacion më të detajuar dhe më të saktë sesa metodat e tjera imazherike.

Përfitimet për pacientët tanë

• Rezolucion i lartë

Pajisja PET-CT e disponueshme në spitalin tonë, me matricë rekonstruksioni 400x400 dhe 95 mm3, u shërben pacientëve tanë me imazhin me rezolucionin më të lartë në sektor. Kështu, zbulohen edhe detajet më të vogla, që nuk shihen me pajisje të tjera, dhe kontribuon në procesin e diagnostikimit dhe trajtimit, duke ndihmuar në shmangien e operacioneve kirurgjike dhe biopsive të panevojshme.

• Gantri më i gjerë

Pajisja jonë, e zhvilluar duke pasur parasysh edhe pacientët mbipeshë dhe obezë, ka gantri 24 përqind më të gjerë se ato të prodhuesve të tjerë. Hapësira më e gjerë është gjithashtu një avantazh për personat me klaustrofobi.

• Rrezatim i ulët, shpejtësi e lartë

Pajisja jonë PET-CT, që punon me dozë më të ulët rrezatimi, nga njëra anë rrit komfortin e pacientit, nga ana tjetër, duke skanuar me saktësi të gjithë trupin me shpejtësi maksimale, përcakton vendndodhjen e anomalive, siç janë qelizat kanceroze.

• Diagnostikim me më pak substancë radioaktive

Krahasuar me pajisjet e tjera, skanimet mund të kryhen me imazhe me rezolucion të lartë duke përdorur një dozë më të ulët të substancës radioaktive, të dhënë përmes venës.

Si funksionon PET-CT?

Hapat e ndjekur gjatë skanimit janë si më poshtë:

• Para skanimit PET-CT kërkohet agjërim 6 orë.

• Niveli i sheqerit në gjak të pacientit matet. Për skanimin, sheqeri në gjak duhet të jetë nën kufirin e kërkuar.

• Molekula e sheqerit e shënuar me substancë radioaktive, e thithur nga qelizat, injektohet në trup përmes venës.

• Pritet rreth 1 orë që ilaçi të ngjitet në qelizat.

• Pacienti vendoset në pajisjen PET-CT dhe fillon xhirimi.

• Me ndihmën e rrezeve X merren imazhe të detajuara 3-dimensionale të trupit.

• Molekulat e sheqerit të grumbulluara në strukturat anormale ose në qelizat kanceroze dallohen lehtësisht falë imazheve të tyre shkëlqyese.

• Koha e skanimit zgjat 20-25 minuta, në varësi të zonës që do të xhirohet.

Procesi pas PET-CT

Rrezatimi i marrë gjatë PET-CT largohet me urinë. Për këtë arsye, veçanërisht në ditën e skanimit, rekomandohet të konsumohet shumë ujë dhe të shpëlahet tualeti disa herë pas urinimit.

Nga ana tjetër, rrezatimi i marrë gjatë procedurës, megjithëse nuk përbën rrezik për personat përreth, rekomandohet që për 12 orë të shmanget kontakti i zgjatur me fëmijët e vegjël dhe gratë shtatzëna, që bëjnë pjesë në grupin me rrezik ndaj rrezatimit.