Пулсен Боја Ласер

Пулсен боја ласер (pulsed dye laser–PDL) е првиот ласер развиен со цел лекување на васкуларни проблеми. Со текот на времето, со развојот на ласерските технологии се појавија нови видови ласери за васкуларни проблеми, но ниеден од нив не успеа да го замени PDL.

Како делува пулсен боја ласер?

PDL светлината дејствува на црвената боја во структурата на крвните садови и предизвикува уништување на садовите во кожата. Притоа не предизвикува оштетување на околното ткиво. Апликацијата со боја ласер, во зависност од начинот на изведување, може да предизвика промени на кожата во подрачјето на третманот, како црвенило и модринки. Сепак, ниедна од овие несакани последици не е трajна и во кратко време се повлекуваат без да остават белег. За време на постапката, за да се спречат непријатноста кај пациентот и термичкото оштетување, се користат системи за ладење на кожата (ладен воздух).

Со која фреквенција се применува пулсен боја ласер?

Интервалите помеѓу сесиите на третманот може да се разликуваат во зависност од кожниот проблем што се третира. Кај вродени васкуларни проблеми се препорачуваат просечни интервали од 6 недели, додека кај други кожни заболувања се препорачува третман со интервали од 3-4 недели.

При третман на кои проблеми се користи?

Покрај васкуларните проблеми, се постигнуваат позитивни резултати и кај многу инфламаторни кожни заболувања, а со козметичка примена се создава многу широко поле на третман.

Најефикасен ласер за вродени белези.

Белегот од порто вино се јавува кај 0,4% од бебињата и е васкуларен вроден белег. Белезите што растат заедно со развојот на детето не се повлекуваат спонтано и можат да предизвикаат интензивен психосоцијален стрес. Бидејќи пулсниот боја ласер е болна метода, за удобноста на пациентот и успехот на третманот, особено кај детските пациенти, корисно е да се применува со анестезија. Пулсниот боја ласер е златен стандард, метода со докажана ефикасност и безбедност при третман на вродени белези, како кај деца, така и кај возрасни пациенти. Покрај белегот од порто вино, многу е ефикасен и кај површински хемангиоми, телеангиектазии, розацеа (болест на црвенилото) и други црвенила на кожата што се јавуваат на лицето. Кожните заболувања што се манифестираат со проширување на капиларите, исто така, можат да се лекуваат со PDL. Ефикасна е метода за проширени капилари на лицето, вратот и нозете. Се користи при лекување на келоиди и хипертрофични ожилци што се развиваат по повреди, изгореници или хируршки интервенции. Многу е ефикасен во намалувањето на овие испакнати, сврбежливи и ружни рани што настануваат по операции и изгореници. Исто така, PDL е многу ефикасна алтернатива за отстранување брадавици отпорни на третман. Во областа на козметичката примена, пак, овозможува намалување на фините брчки и дамки на лицето.