PET-CT

PET-CT е напредна медицинска метода за снимање, создадена со комбинација на позитронска емисиона томографија (PET) и компјутеризирана томографија (CT).

PET-CT уредот;

• Карцином

• Заболувања за кои дијагнозата не е утврдена

• Инфекции

• Срцеви заболувања

• Мозочни нарушувања

• Разликување на Алцхајмерова болест и деменција

во состојби како овие, е водич за раната дијагноза и планирањето на лекувањето.

PET-CT во онкологијата

Кај онколошките заболувања, PET-CT уредот се користи при раната дијагноза на карциномот, планирањето на лекувањето, стадиумското утврдување, откривањето на рецидиви, утврдувањето на метастази, планирањето на радиотерапијата и проценката на успехот на лекувањето.

Типовите карцином кај кои PET-CT е најефикасен се следниве:

• Карцином на белите дробови

• Карцином на дојка

• Карцином на тироидната жлезда

• Карциноми на глава и врат

• Колоректални карциноми

• Карцином на хранопроводникот (езофагус)

• Карцином на желудникот

• Гинеколошки карциноми

• Карцином на мочниот мехур

• Карцином на простатата

• Лимфом

• Меланом

PET-CT кај срцевите заболувања

PET-CT има улога при утврдувањето на области со намален проток на крв, кои се последица на опструкции на коронарните артерии. Утврдувањето на овие области е важно за да се одреди дали ќе има корист од ангиопластика или хируршка коронарна бајпас операција.

PET-CT кај мозочните заболувања

PET-CT технологијата може да се користи за откривање на мозочни тумори, напади, и при дијагностицирање на Алцхајмерова болест и деменција.

Кои се предностите на PET-CT?

Обично, лекарите ги дефинираат и дијагностицираат заболувањата со наслагување на резултатите од посебно направените PET и CT скенирања. Меѓутоа, за тоа се потребни две одделни скенирања, при што пациентот мора да биде во потpolно иста положба. Тоа не е секогаш лесно да се постигне, па точноста на дијагностичките информации може да се наруши.

PET-CT уредот, пак, им овозможува на лекарите да ги направат двете скенирања брзо, во една сесија, без да мораат да го поместуваат пациентот. Така, метаболичките податоци добиени со PET скенирање и анатомските податоци добиени со CT се земаат истовремено од еден уред, со што се добиваат подетални и попрецизни информации во однос на другите методи на снимање.

Придобивки за нашите пацијенти

• Висока резолуција

PET-CT уредот со кој располага нашата болница, со матрица за реконструкција 400x400 и 95 mm3, им служи на нашите пациенти со најголемата резолуција на сликата на пазарот. Така, се откриваат и најситните детали што не можат да се видат со другите уреди, со што се придонесува за процесот на дијагноза и лекување и се помага да се избегнат непотребни хируршки зафати и биопсии.

• Поширок гантри

Нашиот уред, развиен со оглед на пациентите со прекумерна телесна тежина и дебелина, има гантри кој е за 24 проценти пошироки од оние на другите производители. Поширокиот простор е предност и за лицата со клаустрофобија.

• Ниско зрачење, голема брзина

Нашиот PET-CT уред, кој работи со помала доза на зрачење, од една страна го зголемува комфортот на пациентот, а од друга страна со максимална брзина го скенира целото тело со прецизност и ја одредува локацијата на абнормалности, како што се карциномските клетки.

• Дијагноза со помала количина радиоактивна супстанца

Во споредба со другите уреди, со помала доза радиоактивна супстанца, дадена преку крвен сад (вена), може да се добијат слики со висока резолуција и да се изведат скенирања.

Како функционира PET-CT?

Редоследот на постапката за време на скенирањето е следниов:

• Пред PET-CT скенирањето е потребно 6 часа гладување.

• Се мери шеќерот во крвта на пациентот. За скенирање, шеќерот во крвта мора да биде под пропишаната граница.

• Радиоактивно обележаниот молекул на шеќер, кој го апсорбираат клетките, се инјектира во телото преку вена.

• Се чека околу 1 час лекот да се задржи во клетките.

• Пациентот се става во PET-CT уредот и започнува снимањето.

• Со помош на рендген се снимаат детални тридимензионални слики на телото.

• Молекулите на шеќер што се акумулираат во абнормалните структури или во карциномските клетки лесно се распознаваат благодарение на светлите слики.

• Времетраењето на скенирањето, во зависност од областа што се снима, трае 20-25 минути.

Процес по PET-CT

Зрачењето примено за време на PET-CT се излачува со урината. Затоа, особено на денот на скенирањето, се препорачува да се пие доволно вода и по уринирање неколку пати да се испланира тоалетот.

Од друга страна, иако зрачењето примено за време на постапката не претставува ризик за околните, се препорачува во текот на 12 часа да се избегнува подолг контакт со мали деца и бремени жени, кои се во групата изложена на ризик од зрачење.