Подмладување на кожата без скалпел: нова кожа во новата година

Што да кажете за обновување на вашата кожа, која најмногу го открива вашето стареење и ве тера да објавите војна на вашата биолошка возраст, уште пред да започне новата година? И тоа без скалпел…

Со специјалистот по дерматологија во Hisar Hospital Intercontinental, д-р Funda Ataman, разговаравме за методите на подмладување на кожата без скалпел…

Ако почнавте често да се прашувате зошто мојата кожа толку остарела, корисно е да ја пополните нашата анкета…

-Дали се хранам недоволно и неурамнотежено?

-Дали е време да престанам со пушење и консумирање алкохол?

-Дали претерав со сончање?

-Дали живеам во нездрави услови на околината?

-Дали сум многу под стрес?

-Дали е време да ги проверам моите хормони?

-Дали ових денови сум многу безнадежен, несреќен и песимист?

Ако на неколку од овие прашања одговорите ви се „да“, не паничете! Тоа значи дека дошло време да ја глезнете вашата кожа.

Ако сакате да ги дознаете знаците на стареењето…

Во физичките прегледи на нашите пациенти се обидуваме да ги набљудуваме знаците на стареењето, така што ги разгледуваме следниве точки една по една.

-Ако почнавте да забележувате фини и длабоки брчки,

-Ако вашата кожа почнала да исушува,

-Ако мислите дека вашата кожа ја изгубила еластичноста,

-Ако почна да се појавува повиснување на кожата,

-Ако кога се гледате во огледало, забележувате кафеави, бели и виолетови дамки,

-Ако при допир до кожата чувствувате дека станала груба,

-Ако забележувате дека кожата го изгубила сјајот и станала матна; ако на сите или на неколку од овие прашања одговорот ви е „да“, тоа значи дека кожата дава знаци дека почнала да старее. Не паничете веднаш, но сепак преземете мерки што е можно побргу. Бидејќи стареењето ја менува не само изгледот на вашата кожа, туку и нејзината функција. Заздравувањето на раните станува потешко. Физичките, хемиските и микробиолошките фактори полесно предизвикуваат оштетување на кожата. Ракот на кожата се јавува почесто во периодот на старост.

Ако сакате да се подмладите без скалпел, пробајте ги овие методи...

-Микродермабразија: Постапка на абразија на кожата со користење кристали, како алуминиум оксид и натриум хлорид. Горниот слој на кожата со брчки, дамки и матност се отстранува, при што се стимулира и производството на колаген и еластин. Овој метод се користи и при третман на тетоважи и белези од рани.

-Хемиски пилинг (лушпење): Спроведување на пилинг (лушпење) со нанесување на алфа хидрокси киселини во секоја постапка во сè поголеми концентрации. Употребата на кремови со ретиноева киселина пред и по постапката ја зголемува ефикасноста на методот.

-Ласерски третмани за подмладување на кожата: Различни ласери се користат при третман на брчки, повиснување, дамки и белези. Во нашата болница за оваа цел користиме Pulse-dye ласер.

-Хормонска терапија: Утврдено е дека кремовите што содржат естрадиол и естриол по менопаузата доведуваат до зголемување на бројот на кератиноцити и на дермалната дебелина.

-Полнила: Иако во последниве години стануваат сè пораспространети, полнилата се користат веќе околу 100 години за корекција на контури, отстранување брчки и ожилци, и за зголемување на усните и образите. Како полнила се користат материи како хијалуронска киселина или сопствено масно ткиво на пациентот.

-Ботокс: Ботулински егзотоксин се користи како лесен, брз метод за третман на динамички брчки на лицето и вратот, особено на брчките меѓу веѓите, брчките на челото и брчките на носот (т.н. „зајачки брчки“). Меѓу процедурите за подмладување зазема прво место. Овие методи се комбинираат според потребите на пациентот. На пример, по отстранувањето на брчките што ги создаваат динамичните веѓи со ботокс инјекција, кожата може да се обнови со ласер, а потоа да се направи хемиски пилинг.

Домашни совети за подмладување на кожата

-Ако сакате да ја подмладите кожата: вкиснете млеко, нанесете го на лицето половина час и исплакнете. Познато е дека бањата со вкиснато млеко на Клеопатра имала антиејџинг ефект. Млечната киселина во вкиснатото млеко е алфа хидрокси киселина, а нејзиниот ефект врз подмладувањето на кожата е познат.

-Ако кожата ви е сува: купете глицерин во аптека и истиснете 10 капки лимон во 20 милилитри. Нанесете го на лицето и оставете. Нанесете пред спиење и оставете да стои до утро. Така кожата ќе ја задржи својата природна влажност и ќе има поздрав и посјаен изглед.

-Ако имате масна кожа: измешајте една чинија јогурт и една десертна лажица мед. Нанесете на лицето половина час. Ја враќа во природна состојба прекумерниот и нежелен сјај на кожата предизвикан од масноста.