Што е млечна краста (конак) кај бебињата? Симптоми, причини и третман

Млечна краста кај бебињата

Млечната краста кај бебињата е мошне востапена состојба денес. Иако станува збор за безопасна кожна болест, таа може да ги загрижи родителите и важно е да се третира. Со редовно чистење на кожата, во повеќето случаи поминува сама по себе.

Што е млечна краста кај бебињата?

Позната во медицината како инфантантен себороичен дерматитис; тоа е хронична, воспалителна и лушпеста болест на кожата која предизвикува црвенило и масен осип на кожата кај бебињата и малите деца. Најчесто се забележува на кожата на главата, иако почесто се јавува на деловите од телото каде што кожата се трие една со друга, кои се покриени со влакна и имаат повеќе жлезди лојници. Ретко, може да се забележи и на веѓите, зад ушите, на деловите од кожата каде што се допира пелената и под пазувите.

Кои се симптомите на млечната краста кај бебињата?

Крастите не чешаат и не се болни. Затоа бебињата со млечна краста обично не се свесни за оваа состојба. Сепак, родителите можат да забележат одредени симптоми;

Жолто/бело лупење на кожата на главата,

Масни и дебели наслаги на кожата на главата,

Благ црвено и промени во бојата на местата каде што се формирала крастата,

Сувост на кожата, ретко пукање или лупење,

Во одредени случаи благ мирис во подрачјето со красти.

Кои се причините за појава на млечна краста кај бебињата?

Иако причината за појавата на себороичниот дерматитис кај бебињата не е целосно разјаснета, се смета дека постојат неколку фактори кои придонесуваат за развојот на оваа состојба:

Хормони пренесени од мајката: Себороичниот дерматитис кај бебињата се поврзува со хормоните што мајката му ги пренела на бебето за време на бременоста. Овие хормони може да предизвикаат прекумерна активност на лојните жлезди во првите месеци по раѓањето на бебето. Прекумерната работа на лојните жлезди може да доведе до создавање на масни, лушпести лезии на скалпот и кожата.

Габичката Malassezia на кожата: Габичката Malassezia, која е вид на квасец што природно се наоѓа на кожата, може да има улога во развојот на млечната краста (себороичен дерматитис). Прекумерното размножување на оваа габичка може да доведат до воспаление и лупење на кожата. Меѓутоа, и покрај тоа што овој квасец го има кај секое бебе, фактот што млечна краста се развива само кај некои од нив покажува дека влијание имаат и други фактори. Научните истражувања утврдиле многу поголем процент на габичката Malassezia кај бебињата со млечна краста во споредба со оние кои ја немаат оваа болест.

Развој на имунолошкиот систем: Бидејќи имунолошкиот систем на бебињата сè уште не е целосно созреан, тие може да бидат почуствителни на микроорганизмите на површината на кожата и на факторите од околината. Оваа состојба може да доведе до воспалителни реакции на кожата како што е млечната краста. Забележано е дека себороичниот дерматитис е почест кај бебињата со заболувања на имунолошкиот систем. Едно научно истражување утврди дека оваа болест е почеста кај HIV-позитивните пациенти.

Тип на кожа и маснотии: Типот на кожа и производството на природни маснотии на кожата кај бебињата исто така можат да влијаат врз ризикот од млечна краста. Кожата на некои бебиња е помрсна, што може да ја поттикне појавата на млечна краста. Исто така, студените и суви временски услови може да предизвикаат влошување на симптомите на болеста кај бебињата.

Како се дијагностицира млечната краста кај бебињата?

Дијагнозата за млечна краста кај бебињата може да ја постават специјалисти лекари, а можат да ја препознаат и родителите. Најчесто нема потреба од специфично одреден тест за дијагноза. Карактеристичните жолтеникави, масни и лушпести осипи кои се најизразениот знак на болеста на главата на бебето или на другите делови кои можат да бидат зафатени од млечната краста, најчесто се доволни за поставување дијагноза.

Како се третира млечната краста кај бебињата?

Млечната краста на бебешката коса обично може да се стави под контрола со интервенции од домашен тип. Во овој поглед, во зависност од препораките на лекарот, може да се прибегне кон следниве постапки;

Нежно миење со шампон: Употребата на шампони со чиста содржина кои се специјално формулирани за третман на млечна краста кај бебиња помага во олеснување на симптомите на млечна краста. Овие шампони ги чистат масните лушпи и корички без да ја оштетат чувствителната кожа на бебето. Редовното миење на косата и скалпот на бебињата со овие шампони (се препорачува 2-3 пати неделно) помага во отстранување на лушпите и одржување на здравиот скалп. Доколку симптомите на млечна краста се сериозни, со препорака од лекар може да се користат медицински шампони кои содржат салицилна киселина или кетоконазол. Ваквите шампони помагаат во контролата на растот на габичките и намалувањето на масните корички.

Нега со природни масла: Бебешкото масло или маслиновото масло, кога се нанесуваат на подрачјата со млечна краста, можат да помогнат во омекнувањето на лушпите. овие масла овозможуваат по лесно опаѓање на коричките и го навлажнуваат скалпот. Кокосовото масло може да биде ефективно во третманот на млечна краста благодарение на неговите природни антифунгални својства. Се применува на тој начин што маслото се нанесува со нежна масажа, а потоа се мие со шампон. Меѓутоа, според студиите, доколку појавата на млечна краста е предизвикана од неконтролирано зголемување на количината на габички на кожата, користењето масла како маслиновото масло може да предизвика зголемување на овие габички. Исто така, овие масла можат да доведат до појава на алергиски реакции на кожата. Важно е да се консултирате со лекар пред да користите природни масла.

Четкање со четка со меки влакна: Нежното четкање на скалпот со помош на бебешка четка за млечна краста со меки влакна за чистење на млечната краста кај бебињата овозможува поефикасно чистење на лушпите и коричките. Се препорачува четкањето да го правите по нанесувањето на маслото. Важно е да бидете нежни за време на процесот на четкање. Преголемата грубост може да ја оштети кожата и да предизвика иритација.

Хидратантни креми: За да го одржите скалпот на вашето бебе влажен, може да се користат хидратантни креми соодветни за третман на млечна краста кај бебиња. Овие креми спречуваат сушење на кожата и го намалуваат лупењето. Може да се претпочитаат и природни хидратанти кои содржат алое вера или авокадо. Овие производи ја смируваат кожата и обезбедуваат удобност, но задолжително треба да се консултирате со лекар пред да ги користите ваквите хидратанти со природна содржина.

Исхрана и диета: Мајчиното млеко позитивно влијае врз здравјето на кожата поддржувајќи го имунолошкиот систем на бебето. Симптомите може да бидат поблаги кај бебињата кои се хранат со мајчино млеко. Кај бебињата кои преминале на дополнителна исхрана, рамнотежната исхрана е важна. Внимавањето на режимот на исхрана може да го поддржи здравјето на кожата. Позитивните влијанија на пробиотиците врз имунолошкиот систем се исто така важни за здравјето на кожата. Можете да добиете информации за пробиотските додатоци со консултација со Вашиот лекар. Биотинот е дел од ензимите кои учествуваат во метаболизмот на мастите и јаглехидратите и го овозможува растот на клетките, вклучително и клетките на кожата. Постојат студии кои тврдат дека болеста млечна краста е симптом на дефицит на биотин и дека поради тоа биотинот е метод на лекување, но целосниот механизам на дејствување не е целосно познат.

Медицински третмани: Локалните антифунгални лекови кои се мачкаат врз кожата и го спречуваат создавањето габички се првиот избор на лекарите во медицинскиот третман на себороичниот дерматитис. Во случаи на тешка млечна краста, лекарите може да препорачаат кортикостероидни креми со ниска доза. Овие креми ја намалуваат инфекцијата околу млечната краста и ги ублажуваат симптомите на истата. Сепак, ваквите креми треба да се користат само по препорака на лекар со цел да се заштитите од несаканите ефекти. Доколку бебето има знаци на габична инфекција, лекарите можат да препишат антифунгални креми. Овие креми го ставаат под контрола растот на габичките. Млечната краста кај бебињата има тенденција да се повторува по третманот. Со цел да се избегне појавата на повторлива млечна краста, по завршувањето на третманот се препорачува скалпот на бебето одвреме-навреме да се навлажнува со масла или креми со природна содржина кои не предизвикуваат алергии. Редовното перење на облеката и чаршафите на бебето и користењето хипоалергени детергенти спречува акумулација на иритирачки материи на кожата. Исто така, облекувањето памучна и широка облека која му овозможува на бебето да ја дише кожата помага во одржувањето на рамнотежата на влажноста на кожата.

Често поставувани прашања за млечната краста

Причината за појавата на млечна краста на главата кај бебињата е прекумерното производство на маснотии од лојните жлезди на кожата на новороденчињата. Оваа состојба доведува до акумулација и лупење на мртвите клетки на кожата, особено во подрачјето на скалпот. Млечната краста е генерално безопасна и со тек на време може да помине сама по себе. Најчесто, млечната краста кај бебињата се јавува во првите 3 месеци од нивниот живот, со застапеност од 71%. Застапеност од 44.5% се забележува кај децата под една година, додека кај децата на возраст меѓу 12 и 23 месеци застапеноста паѓа на 7.5%. Млечната краста обично се поправа сама по себе, но во одредени случаи може да биде потребна медицинска интервенција. Доколку симптомите на млечна краста траат долго време; доколку има црвенило, оток или воспаление на кожата, ова може да биде знак за инфекција и може да биде потребна медицинска помош. Се препорачува да се консултирате со Вашиот лекар доколку кај бебињата со млечна краста постојат знаци на немир, чешање или непријатност. За време на капењето, може да се претпочитаат шампони со хидратантна содржина кои спречуваат појава на млечна краста. Нежното масирање на скалпот на бебето за време на нанесувањето на шампонот ја зголемува циркулацијата на крвта и помага во полесно отпаѓање на мртвата кожа на скалпот, спречувајќи ја појавата на млечна краста. Користењето соодветни хидратантни креми по капењето може да ја спречи појавата на млечна краста. Во случај на постоење на млечна краста на скалпот кај бебињата, редовното и нежно четкање на кожата со четка со меки влакна помага во чистењето на мртвата кожа. Оваа постапка исто така спречува формирање на нови лушпи. Во напредните случаи на млечна краста, таа обично се појавува на лицето кај бебињата (особено рабовите на носот и околината на ушите), на подрачјата каде што лојните жлезди се густи, како што се градите и грбот. Исто така, во напредните случаи може да се забележи и млечна краста на веѓите кај бебињата. Во наредните процеси, млечната краста кај бебињата може да доведе и до опаѓање на косата. Важно е навремено да се интервенира со цел да се спречи напредувањето на болеста. Како што бебињата стареат, се намалува сериозноста на проблемот со млечната краста. Тегобата во повеќето случаи поминува сама по себе со правилни интервенции на родителите. Во тешки случаи, со медицинските третмани кои ќе се применат под лекарска контрола, се забележува подобрување кај себороичниот дерматитис. Млечната краста е болест која најчесто поминува сама по себе и не е опасна сè додека не трае долго време. Таа е поврзана со нарушувањето на рамнотежата на природните маснотии на кожата и не се пренесува на други лица. Сепак, во случај на долготрајност, може да биде потребно медицинско помагало.

Мошне е важно редовно да го проверувате скалпот на Вашето бебе и да интервенирате кога ќе забележите симптоми на млечна краста. Доколку симптомите на млечна краста често се повторуваат кај Вашето бебе или пак имате други кожни проблеми, можете да закажете термин кај дерматолозите во нашата болница и да добиете информации за превентивни мерки. Кликнете веднаш за да закажете термин или пополнете го формуларот подолу.