Семіздік қазіргі заман ауруларының басында тұрады және емделмеген жағдайда ағзаның дерлік барлық мүшесіне теріс әсер ететін, күн сайын өсіп келе жатқан індет түріндегі обезитаске айналып отыр… Диета, жаттығу және дәрігер бақылауында қолданылатын дәрі-дәрмектермен арықтау жеткіліксіз болғанда интервенциялық және хирургиялық әдістер ауруды емдеуде өте маңызды орын алады.
Семіздікті емдеудегі интервенциялық және хирургиялық әдістерді Hisar Hospital Intercontinental Гастроэнтерогепатология бөлімінің мамандарынан және Жалпы хирургия бөлімінің мамандарынан білдік.
Хирургиялық араласудан бұрын қолданылатын интервенциялық әдістердің ішінде ас қазан шарын орнату бастапқы орында тұратынын атап өткен мамандар: ‘Жанама әсерлері өте сирек, сонымен бірге салмақ тастауда өте тиімді ас қазан шары эндоскопия тексеруі кезінде орнатылатындықтан, семіздікпен емделіп жатқан науқастарымыздың ең көп таңдайтын әдістерінің біріне айналды.’ деп мәлімдеді.
Эндоскопиялық процедура кезінде ас қазан шарын орнатуға болады…
Ас қазан шары – қалыпты эндоскопиялық сеанс кезінде науқас ұйықтап жатқанда эндоскоп арқылы ас қазанға орнатылатын силикон шар. Жанама әсерлері өте сирек, сонымен бірге салмақ тастауда өте тиімді әдіс болып табылады. Ас қазан шарының мақсаты – ас қазанда тоқ сезім туғызып, орын алуды және тамақ мөлшерін азайту. Ас қазан ішіндегі шарды шамамен 500-700 куб см ауамен немесе физиологиялық ерітіндімен толтырады. Шар ас қазанда қалдырылып, эндоскопиялық процедура аяқталады. Ас қазан шарының ас қазанда қалу мерзімі 6 ай мен 1 жыл. Кейбір шарлар реттелетін түрде өндірілген. Науқасымыздың жағдайына қарай оны толтыруға немесе бос қалдыруға болады. Орташа есеппен 10-40 келі салмақ түсіреді. Ас қазан шары орнатылғаннан кейінгі алғашқы бірнеше күнде жүрек айну және құсу болуы мүмкін. Бұл жағдай дәрілермен бақылауға алынады. Өте сирек кездесетін жанама әсерлердің арасында шардың бос қалуы және ішек өтімсіздігі бар, бірақ бұл жағдай жаңа жүйемен өндірілген шарларда жойылған. Шар бос қалған кезде ас қазанда қалады, бірақ ішек өтімсіздігін тудырмайды. Шарды 6-12 айдан кейін седация аясында эндоскопия арқылы шығарады.
Ас қазан шарын орнатуды таңдамайтын науқастар үшін хирургиялық нұсқалар қолданылған кезде, қолданылатын әдістерді Hisar Hospital Intercontinental Жалпы хирургия бөлімінің мамандары төмендегідей түсіндірді.
Ас қазан көлемін кішірейту мақсаты негізгі болып табылатын семіздік хирургиясы тек шағын кесінділер арқылы орындалатын лапароскопиялық хирургия арқылы науқастарға ашық хирургиямен салыстырғанда әлдеқайда жайлы емделу кезеңін ұсынады. Біз қолданатын үш әдіс бар. Олар:
Gastrik Bant (Ас қазан таспасы): Халық арасында ас қазан қысқышы деп те белгілі реттелетін силикон gastrik таспа әдісімен өңеш пен ас қазанның қосылатын жеріне силикон таспа салу арқылы; осы таспаның көмегімен науқастың тамақ қабылдауын азайтамыз. Лапароскопиялық әдіспен орындалатын ас қазан таспасы шағын кесінділер арқылы жасалғандықтан, науқас өте қысқа уақытта күнделікті өміріне оралып, 18-24 ай ішінде артық салмағының 60-80%-ын жоғалтуы мүмкін. Таспада мәселе болмаған жағдайда, науқастың қайта салмақ алу қаупі айтарлықтай аз.
Gastrik Sleeve (Ас қазанды жіңішкерту): Ас қазанның көлемін кішірейту арқылы науқастың өте аз тамақпен тоқ сезінуі көзделеді. Бұл мақсатпен ас қазанның белгілі бір бөлігі хирургиялық жолмен алынып, орнында түтік тәрізді ас қазан қалдырылады. Сонымен қатар ас қазанның аштық гормонын бөліп шығаратын бөлігі алынғандықтан, науқаста аштық сезімі пайда болмайды. Тек қабылданатын тамақ мөлшері шектелгендіктен және тағамдардың сіңірілуі бұрынғыша жалғасатындықтан, науқасқа сырттан дәрумен және минерал қосымшалары қабылдау қажет емес. Лапароскопиялық әдіспен орындалатын бұл операция шағын кесінділер арқылы жасалғандықтан, науқас өте қысқа уақытта күнделікті өміріне оралуы мүмкін. Операциядан кейін аз көлемде тамақ қабылдау арқылы науқастар оңай тоқ сезіне алады, ал біраз уақыттан кейін бұл аппетиттің төмендеуіне айналады. Операциядан кейінгі бірнеше жыл ішінде артық салмақтың 80-90%-ын жоғалтуы мүмкін.
Gastrik By-pass (Ас қазанды айналып өту): Ас қазанның үлкен бөлігі айналып өтіліп, шағын көлемді ас қазан жасалады және жіңішке ішекке тігіледі. Осылайша тағамның қалыпты жолмен өтуі бөгеліп, саналы түрде сіңірудің бұзылысы туғызылады. Мұндай операциялардан кейін науқасқа қажетті дәрумен және минерал қосымшалары тағайындалып, үш-төрт күн ішінде үйіне қайтуы қамтамасыз етіледі.
