PET-CT дегеніміз не?
Екі бөлек құрылғының біріктірілуі арқылы бір құрылғыға айналдырылған озық бейнелеу әдісі PET-CT жүрек және неврологиялық аурулармен қатар, әсіресе онкология саласында белсенді рөл атқарады. Ағзаны басынан аяғына дейін төмен радиациямен және жоғары жылдамдықпен сканерлеу мүмкіндігінің арқасында ол қатерлі ісік ауруларының диагностикасында, емдеу жоспарлауда және емнен кейінгі бағалау үдерістерінде қолданылады.
PET-CT — позитрондық эмиссиялық томография (PET) мен компьютерлік томографияның (CT) біріктірілуі арқылы жасалған озық технологиялық бейнелеу әдісі.
PET-CT құрылғысы;
Қатерлі ісік
Диагнозы анықталмаған аурулар
Инфекциялар
Жүрек аурулары
Ми бұзылыстары
Альцгеймер және деменция ауруын ажырату
сияқты жағдайларда ерте диагностика мен емдеу жоспарлауда жол көрсетуші болып табылады.
Онкологиядағы PET-CT
Онкологиялық ауруларда қатерлі ісіктің ерте диагностикасы, емдеу жоспарлау, сатыларын анықтау (стадиялау), рецидивтерін анықтау, метастаздарды айқындау, радиотерапия емін жоспарлау және емнің тиімділігін бағалау кезеңдерінде PET-CT құрылғысынан пайдаланылады.
PET-CT-ның ең тиімді болатын қатерлі ісік түрлері мыналар:
Өкпе қатерлі ісігі
Сүт безі қатерлі ісігі
Қалқанша без қатерлі ісігі
Бас және мойын қатерлі ісіктері
Колоректальді қатерлі ісіктер
Өңеш (Өзофаг) қатерлі ісігі
Асқазан қатерлі ісігі
Гинекологиялық қатерлі ісіктер
Қуық қатерлі ісігі
Простата безі қатерлі ісігі
Лимфома
Меланома
Жүрек ауруларындағы PET-CT
PET-CT коронарлық артериялардың бітелуінен туындаған қан ағымы әлсіз аймақтарды анықтауда рөл атқарады. Бұл аймақтарды анықтау ангиопластика немесе коронарлық артерияларды шунттау операциясының пайда әкелетінін не әкелмейтінін анықтау тұрғысынан маңызды болып табылады.
Ми ауруларындағы PET-CT
Ми ісіктерін анықтау, талма (ұстама), Альцгеймер және деменция ауруларын диагностикалауда PET-CT технологиясынан пайдалануға болады.
PET-CT-ның артықшылықтары қандай?
Әдетте дәрігерлер PET және CT сканерлеу нәтижелерін бір-бірінің үстіне қойып, ауруларды сипаттап, диагноз қояды. Алайда, ол үшін жасалатын екі бөлек сканерлеуде науқас толық бірдей жағдайда орналасуы қажет. Мұны іске асыру әрқашан оңай бола бермейтіндіктен, диагностикалық ақпараттың дәлдігі бұзылуы мүмкін.
PET-CT құрылғысы болса, дәрігерлерге науқасты қозғалтпай-ақ, бір сеансда екі сканерлеуді де жылдам жүргізуге мүмкіндік береді. Осылайша, PET сканерлеуі арқылы алынған метаболикалық деректер мен CT арқылы келетін анатомиялық деректер бір құрылғыдан бір мезгілде алынып, басқа бейнелеу әдістеріне қарағанда егжей-тегжейлі және дәл ақпаратқа қол жеткізіледі.
Науқастарымызға пайдасы
Жоғары ажыратымдылық
Ауруханамыз құрамындағы PET-CT құрылғысы 400x400 матрицалы реконструкцияда 95 мм3 көрсеткішпен салада бар ең жоғары ажыратымдылықтағы кескінмен науқастарымызға қызмет көрсетеді. Осылайша, басқа құрылғыларда көрінбейтін ең ұсақ бөлшектер де анықталып, диагностика мен емдеу үдерісіне үлес қосып, қажетсіз хирургиялық операциялар мен биопсиялардың алдын алуға көмектеседі.
Кеңірек гантри
Артық салмағы бар және семіз науқастар да ескеріле отырып жасалған құрылғымыз басқа өндірушілердікіне қарағанда 24 пайызға кең гантриге ие. Кеңірек кеңістік клаустрофобиясы бар адамдар үшін де артықшылық туғызады.
Төмен радиация, жоғары жылдамдық
Радиацияның төменгі дозасымен жұмыс істейтін PET-CT құрылғымыз бір жағынан науқастың жайлылығын арттырса, екінші жағынан ең жоғары жылдамдықпен ағзаның барлық бөлігін дәлдікпен сканерлеп, қатерлі жасушалар сияқты аномалиялардың орнын анықтайды.
Аз мөлшердегі радиоактивті заттармен диагностика
Басқа құрылғылармен салыстырғанда, тамыр жолы арқылы берілетін радиоактивті заттың төменгі дозасы арқылы жоғары ажыратымдылықтағы кескіндер алынып, сканерлеулер жүргізілуі мүмкін.
PET-CT қалай жұмыс істейді?
Сканерлеу барысында сақталатын жол қадамдап мынадай:
PET-CT сканерлеуінен бұрын 6 сағат аш қарын болу қажет.
Науқастың қан қанты өлшенеді. Сканерлеу үшін қан қантының белгіленген шектен төмен болуы қажет.
Жасушалар сіңірген радиоактивті белгіленген қант молекуласы тамыр жолы арқылы ағзаға енгізіледі.
Препараттың жасушаларда бекітілуі үшін шамамен 1 сағат күтіледі.
Науқас PET-CT құрылғысына орналастырылып, түсіруге кірісіледі.
X-ray көмегімен ағзаның егжей-тегжейлі 3 өлшемді кескіндері түсіріледі.
Аномальды құрылымдарда немесе қатерлі жасушаларда жиналған қант молекулалары жарқын кескіндері арқасында оңай ажыратылады.
Сканерлеу ұзақтығы түсірілетін аймаққа қарай 20-25 минутқа созылады.
PET-CT-дан кейінгі үдеріс
PET-CT барысында алынған радиация зәр арқылы сыртқа шығарылады. Сондықтан, әсіресе сканерлеу жасалған күні көп су ішу және зәр шығарғаннан кейін судың ағызғышын бірнеше рет тартып қою ұсынылады.
Өзге жағынан, процедура барысында алынған радиация айналадағылар үшін қауіп туғызбағанымен, 12 сағат бойы радиацияға қарсы қауіпті топқа кіретін кішкентай балалар мен жүкті әйелдермен ұзақ уақыт жанасудан аулақ болу ұсынылады.
