Тым көп терлейсіз бе? Әсіресе қолдарыңыз, аяқтарыңыз және қол астарыңыз терлей ме? Киімдеріңіздің қол астысы әрдайым дымқыл ма? Қолыңызды көтеруге ұяласыз ба? Осы және осыған ұқсас көптеген мәселелерден Ботокс қолдану арқылы құтылуыңыз мүмкін...
Аса көп терлеу (гипергидроз) — негізінен тер бездерінің тым белсенді жұмыс істеуіне байланысты теріге бөлінетін тердің көбеюі — ер адамдар мен әйелдер үшін ұзақ уақыттан бері ыңғайсыз косметикалық және әлеуметтік мәселе. Халықтың 1%-ында кездесетін бұл мәселе әсіресе қол астында, алақанда және табан терісінде көрінеді. Бетте де аса көп терлеу болуы мүмкін. Тер мөлшері адамнан адамға өзгеретіндіктен, терлеуді бағалап, диагноз қою өте маңызды.
Терлеуді емдеуге көзқарас
Терлеуді емдеуді бастамас бұрын терлеудің себептері зерттеледі. Терлеу адам үшін едәуір қиындық туғызса да, емдеу нұсқалары едәуір шектеулі. Емдеу мақсатында қолданылатын ұнтақтар, кремдер немесе спрейлер терлеуді толық тоқтату қасиетіне ие емес. Бірақ қысқа мерзімге кешіктіре алады. Ал Ботокспен өте тиімді және ұзақ мерзімді нәтиже алу сіздің қолыңызда.
Ботокс (Botox) дегеніміз не?
Шамамен 30 жыл бойы сенімді қолданылып келе жатқан Ботокс — 'Clostridium Botulinum' деп аталатын бактерияның бөлетін уыты. Жүйке талшықтары тер бездерін іске қосатындықтан, Ботокстағы ақуызбен тер бездері мен жүйке ұштары арасындағы берілісті тоқтату арқылы тер бездерінің жұмысын азайтуға болады.
Ботокс қолдану қалай жасалады?
Ботокс емі аса көп терлеуде қолдануға болатын әдістердің бірі. 30 минут сияқты қысқа уақытта жасалатын Ботокс әсіресе қол астында, алақанда және табан терлеуінде қолданылады. Қол астына жасалатын ем қол мен табанға жасалатын емге қарағанда оңайырақ және аз ауыратын. Қол мен табанға жасалатын ем ауыратындықтан, әдетте қысқа мерзімді анестезия қолдану қажет болады.
Ботокс қолданар алдында не істелуі керек
Ботокс процедурасы жасалмас бұрын науқастың шағымы бар аймақтарда йод-крахмал сынағы жүргізіледі. Сынақ нәтижесінде аса көп терлеуге себеп болатын белсенді аймақтар анықталып, бұл аймақтарға өте жұқа ұшты инелер арқылы шамамен 2 мм тереңдікте терінің астына Ботокс препараты енгізіледі. Анестезияны қажет етпейтін бұл емдеуде өте сезімтал науқастарда процедурадан бұрын жергілікті әсерлі крем қолдану қажет болуы мүмкін. Жасалған процедура 6-8 ай сияқты ұзақ аралықпен қайталанады. 10-15 минут сияқты созылатын процедурадан бірден кейін күнделікті өміріңізге оралуға болады. 18-65 жас аралығындағы барлық адам пайдалана алатын бұл емнің нәтижесін 2-4 күн ішінде көруіңіз мүмкін.
Кімдерге Ботокс жасалмайды?
Жүкті әйелдерге,
Емізетін аналарға,
Терісінде инфекциясы бар науқастарға,
Myasthenia Gravis (әсіресе бұлшықеттерде байқалатын бұлшықет әлсіздігі) сияқты неврологиялық аурулары бар адамдарға,
Аминогликозид тобындағы антибиотик қабылдайтын адамдарға,
Пеницилламин қабылдайтын ревматоидты артриті бар науқастарға,
Иммун жүйесін әлсірететін Cyclosporin сияқты және chloroquine сияқты безгек дәрісін қабылдайтын науқастарға Ботокс жасалмайды.
Ер адамдар мен әйелдерде, көптеген жас топтарында қолдануға болатын бұл әдісті тек осы мәселеге сауатты, маман дәрігер жүргізуі керек.
18.05.2015 жылы жаңартылған.
