PET-CT

PET-CT, позитронды-эмиссиялық томография (PET) және компьютерлік томография (CT) үйлесуі арқылы жасалған, озық технологиялық бейнелеу әдісі.

PET-CT құрылғысы;

• Қатерлі ісік

• Диагнозы анықталмаған аурулар

• Инфекциялар

• Жүрек аурулары

• Ми бұзылыстары

• Альцгеймер және деменция ауруын ажырату

сияқты жағдайларда ерте диагностика мен емдеуді жоспарлауда бағыт сілтеуші болып табылады.

Онкологиядағы PET-CT

Онкологиялық ауруларда қатерлі ісіктің ерте диагностикасы, емдеуді жоспарлау, сатысын анықтау, қайталануын анықтау, метастаздарды айқындау, радиотерапия емін жоспарлау және емнің тиімділігін бағалау кезеңдерінде PET-CT құрылғысынан пайдаланылады.

PET-CT ең тиімді болатын қатерлі ісік түрлері мыналар:

• Өкпе қатерлі ісігі

• Сүт безі қатерлі ісігі

• Қалқанша безі қатерлі ісігі

• Бас және мойын қатерлі ісіктері

• Колоректальды қатерлі ісіктер

• Өңеш (Ezofagus) қатерлі ісігі

• Асқазан қатерлі ісігі

• Гинекологиялық қатерлі ісіктер

• Қуық қатерлі ісігі

• Простата безі қатерлі ісігі

• Лимфома

• Меланома

Жүрек ауруларындағы PET-CT

PET-CT, коронарлық артерия бітелістерінен туындаған қан ағымы төмен аймақтарды анықтауда рөл атқарады. Бұл аймақтарды анықтау ангиопластика немесе коронарлық артерияны шунттау операциясының пайда беретінін немесе бермейтінін анықтау тұрғысынан маңызды болып табылады.

Ми ауруларындағы PET-CT

Ми ісіктерін анықтауда, талмаларда, Альцгеймер және деменция ауруларының диагностикасында PET-CT технологиясынан пайдалануға болады.

PET-CT-нің артықшылықтары қандай?

Әдетте дәрігерлер PET және CT зерттеулерінің нәтижелерін бір-бірінің үстіне қойып, аурулардың сипаттамасын анықтап, диагноз қояды. Алайда ол үшін жасалатын екі бөлек зерттеуде пациент толық бірдей жағдайда орналастырылуы тиіс. Мұны әрдайым орындау оңай болмағандықтан, диагностикалық ақпараттың дәлдігі бұзылуы мүмкін.

PET-CT құрылғысы дәрігерлерге пациентті қозғалтпай-ақ, бір сеанста екі зерттеуді де тез жүргізуге мүмкіндік береді. Осылайша PET зерттеуімен алынған метаболикалық деректер мен CT арқылы алынған анатомиялық деректер бір құрылғыдан бір мезетте алынып, басқа бейнелеу әдістеріне қарағанда егжей-тегжейлі әрі дәлірек ақпаратқа қол жеткізіледі.

Пациенттерімізге пайдасы

• Жоғары ажыратымдылық

Біздің ауруханамыздағы PET-CT құрылғысы 400x400 матрицалы реконструкцияда 95 мм3 көрсеткішімен салада бар ең жоғары ажыратымдылықтағы кескінмен пациенттерімізге қызмет көрсетеді. Осылайша басқа құрылғыларда көрінбейтін ең кішкентай бөлшектер де анықталады, бұл диагностика мен емдеу процесіне үлес қосып, қажетсіз хирургиялық араласулар мен биопсиялардың алдын алуға көмектеседі.

• Кеңірек гантри

Артық салмақты және семіз пациенттер ескеріле отырып жасалған құрылғымыз басқа өндірушілерге қарағанда 24 пайызға кеңірек гантриге ие. Кеңірек кеңістік клаустрофобиясы бар адамдар үшін де артықшылық туғызады.

• Төмен радиация, жоғары жылдамдық

Радиацияның төмен дозасымен жұмыс істейтін PET-CT құрылғымыз бір жағынан пациент жайлылығын арттырса, екінші жағынан, максималды жылдамдықпен денenің бүкіл бөлігін дәлдікпен сканерлеп, қатерлі жасушалар сияқты аномалиялардың орнын анықтайды.

• Радиоактивті заттың азырақ мөлшерімен диагностика

Басқа құрылғылармен салыстырғанда, тамыр жолы арқылы берілетін радиоактивті заттың төмен дозасымен жоғары ажыратымдылықтағы кескіндер алынып, зерттеулер жүргізілуі мүмкін.

PET-CT қалай жұмыс істейді?

Зерттеу барысында қадам-қадаммен келесідей жол жүреді:

• PET-CT зерттеуіне дейін 6 сағат аш қарын болу қажет.

• Пациенттің қан глюкозасы өлшенеді. Зерттеу үшін қант деңгейі белгіленген шектен төмен болуы керек.

• Жасушалар сіңірген радиоактивті белгіленген қант молекуласы тамыр жолы арқылы ағзаға енгізіледі.

• Препараттың жасушаларда бекуі үшін шамамен 1 сағат күтіледі.

• Пациент PET-CT құрылғысына орналастырылып, суретке түсіру басталады.

• X-ray көмегімен ағзаның егжей-тегжейлі 3 өлшемді кескіндері түсіріледі.

• Аномальды құрылымдарда немесе қатерлі жасушаларда жиналған қант молекулалары жарқыраған кескіндері арқасында оңай ажыратылады.

• Зерттеу уақыты түсірілетін аймаққа байланысты 20-25 минут алады.

PET-CT-дан кейінгі үдеріс

PET-CT кезінде алынған радиация зәрмен сыртқа шығарылады. Сондықтан, әсіресе зерттеу жүргізілген күні көп су ішу және зәр шыққаннан кейін унитаздың суын бірнеше рет ағызу ұсынылады.

Сонымен қатар, процедура кезінде алынған радиация айналадағылар үшін қауіп туғызбаса да, 12 сағат бойы радиацияға қатысты қауіпті топқа кіретін кішкентай балалар мен жүкті әйелдерден және ұзақ уақытқа жанасудан аулақ болу ұсынылады.