Қатты бас ауруына мән беріңіз!

Кез келген жастағы адамда белгі білдірмей, кенеттен пайда болуы мүмкін аневризмалар күн бойы қатты бас ауруымен бірге адамда жүрек айну, құсу, салдану, көру, сөйлеу және тепе-теңдік бұзылысын туғызуы мүмкін. Миде пайда болған көпіршіктердің жарылуымен адамның өмірінен айырылуына себеп болуы мүмкін ми аневризмаларында уақытында дұрыс араласу арқылы көпіршіктердің қан кетпей тұрып диагностикалануы және емделуі үлкен маңызға ие. Hisar Hospital Intercontinental Ми және жүйке хирургиясы бөлімінің мамандарымен миде пайда болатын аневризмалардың диагностика және емдеу әдістері туралы сөйлестік..

Кез келген жаста кездесуі мүмкін

Ми түбіндегі тамырлардағы туа біткен көпіршіктердің жарылуы нәтижесінде пайда болуы мүмкін аневризмалар өте сирек кездескенімен, адамдардың ең белсенді шағында күш салғаннан кейін пайда болатын жағдай. Шын мәнінде аневризма — туа біткен ауытқу. Бас сүйегі ішіндегі, ми сыртындағы тамырлардың жарылуымен ми айналасындағы кеңістікте болатын қан кетулер. 100 мың адамның 5-інде белгі беруі және қан кетуге әкелуі мүмкін аневризманың алғашқы белгісін қатты бас ауруы құрайды.

Қант диабеті мен гипертонияны бақылауға алыңыз

Аневризмалардың ең қауіпті салдарларының бірі — ми қан кетуіне әкелуі мүмкін. Артериялық жарылу болғандықтан, бас сүйегі ішінде өте жоғары қысымның бірден пайда болуына себеп болады. Бас сүйегі ішіндегі қысымның қан қысымын көтеруі адамда өте қатты бас ауруын туғызады, сонымен қатар санасының жоғалуы да байқалуы мүмкін. Желке ауруы, жүрек айну, құсу, көрудің және тепе-теңдіктің бұзылуы, тіпті санасының жоғалуын да туғызуы мүмкін. Бұл жағдай ең жиі екі алдыңғы миға баратын тамырлардың қосылу жерінде байқалады. Көпіршік 7 мм диаметрге жеткенде қан кетудің сыни шегіне жеткен болады. Осы белгілермен қатар адамда қан қысымы ауруы немесе қант диабеті де болса, міндетті түрде дәрігерге жүгініп, қажетті тексерулерден өту керек. Үнемі бақылау арқылы қауіп факторлары жойылып, аурудың туғызуы мүмкін ми қан кетулерінен едәуір дәрежеде сақтануға болады.

Әр бас ауруы аневризма дегеніміз дұрыс емес!

Бүгінгі күнде аневризмаларды диагностикалау жоғары технологиялық құрылғылармен оңай жүзеге асырылады. Компьютерлік томография, магниттік резонанс (МРТ), сандық ангиография арқылы аурудың диагнозы оңай қойылады. Жетілдірілген диагностикалық әдістермен, ангиография сияқты тәнге ешқандай араласусыз, қан кетпеген аневризмалар да оңай анықталады. Аневризма белгі бергеннен кейін диагнозды ерте қою өте маңызды. Әр бас ауруы аневризма себепті болмағандай, аневризмадан туындаған бас ауруларын да ауырсынуды басатын дәрілермен басуға болмайды. Әсіресе аневризма қан кетуін кешірген адамдарға жүруге, қозғалуға рұқсат берілмеуі керек. Алғашқы 24 сағат ішінде қайталанатын қан кетулер жоғары дәрежеде өмірлік қауіп туғызуы мүмкін.

Көпіршіктерді қан кетпей тұрып емдеу өмірлік маңызды

Аневризмаларды емдеудің екі жолы бар. Қарқынды күтімде толық демалысқа алынған науқас ми хирургиясы бөлімімен бағаланып, аурудың емі туралы шешім қабылданады. Мүмкін болған ең қысқа уақытта хирургиялық араласумен көпіршіктің мойны жабылады. Алғашқы қан кетуден кейін науқастың жағдайы қаншалықты жақсы болса, хирургиялық нәтижеде алынатын жауап соншалықты жақсы болуы мүмкін. Хирургиялық араласудан кейінгі алғашқы 4 күн сыни күндер ретінде өтеді. Аневризманың туғызған ми қан кетулерінде ең қорқынышты асқыну — екінші ми қан кетуінің пайда болуы. Физикалық және психикалық реабилитация арқылы да қанағаттанарлық нәтижелерге қол жеткізуге болады.

Аневризманы емдеу адамның жағдайына қарай анықталады

Науқаста қан кеткен аневризма анықталған сәттен бастап уақыт жоғалтпай, аневризманың орнына және өлшеміне қарай бірқатар емдеу әдістеріне жүгініледі. Анықталған қан кетуді мүмкіндігінше қысқа уақытта хирургиялық немесе эндоваскулярлық әдіспен міндетті түрде емдеу қажет. Хирургиялық араласу алған науқастарда қан кету қаупі едәуір азаяды.

Хирургиялық ем: Анықталған аневризмалар үшін ең көп қолданылатын және ең нақты әдіс. Аневризманың тамырдан шығатын мойын аймағына салынатын аневризма қысқышымен аневризмаға баратын қан ағымын тоқтату.

Эндоваскулярлық (тамыр ішілік) ем: Тамыр ішінен аневризманың ішіне жеткізіліп толтырылатын жабыстырғыш материал немесе металл спиральдер арқылы аневризма ішіндегі ағымды жабу процедурасы.

Ми денсаулығыңыздағы қауіп факторларын елемей, ерте сақтық шараларын қолға алыңыз!

Өте төмен пайыздық құбылыс болғандықтан, әрбір адамды компьютерлік томография мен ангиографиядан өткізу мүмкін емес. Дегенмен қауіп топтарындағы адамдардың арнайы түрде скринингтен өтуі ұсынылуы мүмкін. Отбасында аневризма кездескен адамдарда қалыптыға қарағанда сәл көбірек аневризма анықталуы мүмкін. Адамдардың өміріне, ең белсенді шағында, кенеттен елеулі әсер етуі мүмкін аневризма қан кетуін емдегеннен кейін, адамда тамыр ауруы болмаса, қалыпты ғұмыр жасын толық аяқтайды.