Ерекше оқу бұзылысы

Оқу бұзылысы — интеллекті қалыпты немесе қалыптан жоғары адамдарда стандартты тесттерде жасы, интеллекті және алған білімі ескерілгенде оқу, математика және жазбаша баяндаудың күтілгеннен едәуір төмен болуымен анықталатын бұзылыс. Оқу бұзылысына оқу бұзылысы, жазбаша баяндау бұзылысы және математика бұзылысы кіреді. Оқу бұзылысы бар балалардың басым бөлігін оқуда қиындығы бар балалар құрайды. Оқу — миға қатысты жоғары кортикалды (миың сыртқы қабаты — қабығы) функция, бұл функциядағы ішінара бұзылыс «дислексия» деп аталады. Оқып отырған адам көрнекі әліпбилік жазуды тілге қатысты ұғымдарға айналдыруы керек. Бұл әріптерді сәйкес дыбыстарға айналдыру дегенді білдіреді. Одан кейін ол әріптердің қағаздағы орналасуын түсінуі керек. Дислексиясы бар балада бұл процестер жеткіліксіз жұмыс істейді.

Белгілері

Оқуды үйренуде қиналады, баяу және қателесіп оқиды, оқығанын түсіне алмайды.

Көрнекі қабылдау мәселелері бар. (b-d, p-q, 6-9 сияқты кейбір таңбаларды кері қабылдау)

Көрнекі фигура мен фонды ажыратуда қиналады (әріп өткізіп кету, жол өткізіп кету)

Көрнекі жадылары әлсіз.

Есту арқылы қабылдау жеткіліксіз, естігенін ажыратуда қиындық көреді.

Сөздердегі әріптерді немесе сандарды шатастырады не кері қабылдайды (не-ең 12-21)

Оқығанда сөз өткізіп кетуі мүмкін.

Буындардың дыбыстарын шатастыру, дауыссыз әріптердің орнын ауыстыру.

Жиі емлелік қате жібереді.

Сөйлеу дамуы кейбір жағынан кешеуілдеген, өздерін білдіруі жеткіліксіз.

Ұйымдастыру бұзылысы бар, уақытты жақсы пайдалана алмайды.

Позицияны қабылдауда қиналады (арқан секіру, доп ұстау).

Бағдар табуда, оң-сол ажыратуда қиындық көреді.

Қозғалыс үйлестіруі әлсіз. Ебедейсіздік және епсіздік байқалуы мүмкін.

Математикадан қиындықтар, көбейту кестесін үйрене алмау, таңбаларды шатастыру байқалуы мүмкін.