ბევრს ოფლიანობთ? განსაკუთრებით ოფლიანობს თქვენი ხელები, ფეხები და მკლავქვეშ ადგილები? თქვენი ტანსაცმლის მკლავქვეშა ნაწილი ყოველთვის სველია? გრცხვენით ხელის აწევა? ამ და ამის მსგავსი მრავალი პრობლემისგან ბოტოქსის გამოყენებით თავის დაღწევა შესაძლებელია...
ზედმეტი ოფლიანობა (ჰიპერჰიდროზი) წლების განმავლობაში როგორც ქალებისთვის, ისე მამაკაცებისთვის არაკომფორტულ კოსმეტიკურ და სოციალურ პრობლემას წარმოადგენს, რაც ძირითადად ოფლის ჯირკვლების გადაჭარბებული მუშაობის შედეგად კანის ზედაპირზე გამოყოფილი ოფლის მატებას უკავშირდება. მოსახლეობის 1%-ს ეს პრობლემა აწუხებს; ის განსაკუთრებით მკლავქვეშ ადგილებში, ხელის გულებსა და ფეხის ძირებში ვლინდება. შესაძლებელია ზედმეტი ოფლიანობა სახეზეც. ოფლის რაოდენობა ადამიანიდან ადამიანამდე განსხვავდება, ამიტომ ოფლიანობის შეფასება და დიაგნოზის დასმა ძალიან მნიშვნელოვანია.
ოფლიანობის მკურნალობის მიდგომა
ოფლიანობის მკურნალობის დაწყებამდე ზუსტდება ოფლიანობის მიზეზები. ოფლიანობა პაციენტისთვის სერიოზულ შეწუხებას ქმნის, თუმცა მკურნალობის ვარიანტები საკმაოდ შეზღუდულია. მკურნალობის მიზნით გამოყენებული ფხვნილები, კრემები თუ სპრეი ოფლიანობას მთლიანად შეწყვეტის უნარს არ ფლობს, თუმცა მოკლე ხნით შეუძლია მისი შეფერხება. ბოტოქსით კი თქვენს ხელშია ძალიან ეფექტური და ხანგრძლივი მდგრადობის უზრუნველყოფა.
რა არის ბოტოქსი (Botox)?
დაახლოებით 30 წელია უსაფრთხოდ გამოყენებადი ბოტოქსი — 'Clostridium Botulinum'-ის სახელით ცნობილი ბაქტერიის მიერ გამოყოფილი ტოქსინია. ნერვული ბოჭკოები ააქტიურებენ ოფლის ჯირკვლებს, ამიტომ ბოტოქსში არსებული ცილით ოფლის ჯირკვლებსა და ნერვულ ბოლოებს შორის გადაცემა შეწყდება და ოფლის ჯირკვლების მუშაობა შემცირდება.
როგორ ტარდება ბოტოქსის ინექცია?
ბოტოქსის მკურნალობა ზედმეტი ოფლიანობის დროს გამოსაყენებელ მეთოდებს შორის ერთ-ერთია. 30 წუთის მსგავს მოკლე დროში ჩასატარებელი ბოტოქსი განსაკუთრებით მკლავქვეშ, ხელის გულსა და ფეხის ძირის ოფლიანობის დროს გამოიყენება. მკლავქვეშ ინექცია ხელისა და ფეხის ძირზე ჩატარებულ მანიპულაციასთან შედარებით უფრო ადვილი და ნაკლებად მტკივნეულია. ხელისა და ფეხის ძირის ინექცია მტკივნეულია, ამიტომ, როგორც წესი, მოკლევადიანი ანესთეზიის გამოყენება საჭირო ხდება.
ბოტოქსით მკურნალობამდე საჭირო ღონისძიებები
ბოტოქსის პროცედურის ჩატარებამდე პაციენტის საჩივრის არეებზე ტარდება იოდ-სახამებლის ტესტი. ტესტის შედეგის მიხედვით განისაზღვრება ოფლიანობის გამომწვევი აქტიური არეები, რის შემდეგაც ამ არეებში წვრილი წვერის მქონე ნემსებით დაახლოებით 2 მმ სიღრმეზე კანქვეშ შეჰყავთ ბოტოქსის პრეპარატი. ანესთეზიას არ საჭიროებს ეს პროცედურა; ძალიან მგრძნობიარე პაციენტებში პროცედურამდე შესაძლოა ადგილობრივად მოქმედი კრემის გამოყენება იყოს საჭირო. ჩატარებული პროცედურა 6-8 თვიან ინტერვალებში მეორდება. 10-15 წუთის განმავლობაში მიმდინარე პროცედურის დასრულებისთანავე შეგიძლიათ დაუბრუნდეთ ყოველდღიურ ცხოვრებას. 18-65 წლის ასაკის ყველა ადამიანისთვის ხელმისაწვდომი ამ პროცედურის შედეგს 2-4 დღეში შეამჩნევთ.
ვის არ უტარდება ბოტოქსი?
ორსულებს,
მაძიძე დედებს,
კანზე ინფექციის მქონე პაციენტებს,
ნევროლოგიური დაავადებების მქონე პირებს, მაგალითად, Myasthenia Gravis-ით (განსაკუთრებით კუნთებში გამოვლენილი კუნთების სისუსტე);
ამინოგლიკოზიდური ტიპის ანტიბიოტიკების მიმღებ პირებს,
პენიცილამინის მიმღებ რევმატოიდული ართრიტის მქონე პაციენტებს,
იმუნური სისტემის დამთრგუნველი Cyclosporin-ისა და მალარიის საწინააღმდეგო chloroquine-ის მიმღებ პაციენტებს ბოტოქსით მკურნალობა არ უტარდებათ.
ეს მეთოდი, რომელიც როგორც ქალებში, ისე მამაკაცებში, ასაკობრივი ჯგუფების მრავალფეროვნებაში შეიძლება გამოიყენებოდეს, მხოლოდ ამ საკითხში ინფორმირებულმა, კვალიფიციურმა ექიმმა უნდა ჩაატაროს.
განახლებულია 18.05.2015-ში.
