PET-CT

PET-CT არის მოწინავე ტექნოლოგიური გამოსახულების მეთოდი, რომელიც შექმნილია პოზიტრონული ემისიური ტომოგრაფიისა (PET) და კომპიუტერული ტომოგრაფიის (CT) გაერთიანებით.

PET-CT აპარატი;

• კიბო

• დიაგნოზდაუდგენელი დაავადებები

• ინფექციები

• გულის დაავადებები

• ტვინის დარღვევები

• ალცჰაიმერისა და დემენციის დაავადების დიფერენცირება

ისეთ შემთხვევებში, როგორიცაა ზემოთ ჩამოთვლილი, ადრეული დიაგნოსტიკისა და მკურნალობის დაგეგმვაში იგი სახელმძღვანელო როლს ასრულებს.

ონკოლოგიაში PET-CT

ონკოლოგიურ დაავადებებში კიბოს ადრეული დიაგნოსტიკის, მკურნალობის დაგეგმვის, სტადიების განსაზღვრის, რეციდივების გამოვლენის, მეტასტაზების დადგენის, რადიოთერაპიის დაგეგმვისა და მკურნალობის წარმატების შეფასების ეტაპებზე გამოიყენება PET-CT აპარატი.

PET-CT-ის ყველაზე ეფექტური კიბოს სახეობებია:

• ფილტვის კიბო

• ძუძუს კიბო

• ფარისებრი ჯირკვლის კიბო

• თავისა და კისრის კიბოები

• კოლორექტალური კიბოები

• საყლაპავის (ეზოფაგუსის) კიბო

• კუჭის კიბო

• გინეკოლოგიური კიბოები

• შარდბუშტის კიბო

• პროსტატის კიბო

• ლიმფომა

• მელანომა

გულის დაავადებებში PET-CT

PET-CT მონაწილეობს კორონარული არტერიების დახშობით გამოწვეული, სისხლის ნაკადით დაბალი მქონე არეების დადგენაში. ამ არეების გამოვლენა მნიშვნელოვანია იმის დასადგენად, მოუტანს თუ არა სარგებელს ანგიოპლასტიკა ან კორონარული არტერიის შუნტირების ქირურგიული ოპერაცია.

ტვინის დაავადებებში PET-CT

ტვინის სიმსივნეების გამოვლენაში, კრუნჩხვითი შეტევების, ალცჰაიმერისა და დემენციის დაავადებების დიაგნოსტიკაში შესაძლებელია PET-CT ტექნოლოგიის გამოყენება.

რა უპირატესობები აქვს PET-CT-ს?

ჩვეულებრივ, ექიმები ცალ-ცალკე ჩატარებული PET და CT სკანირების შედეგებს ერთმანეთზე ადებენ, განსაზღვრავენ დაავადებას და სვამენ დიაგნოზს. თუმცა, ამისთვის საჭიროა, რომ ორი ცალკეული სკანირების დროს პაციენტი სრულიად იდენტურ პოზიციაში იყოს განთავსებული. ამის განხორციელება ყოველთვის არ არის მარტივი, რის გამოც დიაგნოსტიკური ინფორმაციის სიზუსტე შეიძლება დაირღვეს.

PET-CT აპარატი კი ექიმებს საშუალებას აძლევს, პაციენტის გადაადგილების აუცილებლობის გარეშე, ერთ სეანსში სწრაფად ჩაატარონ ორივე სკანირება. ამგვარად, PET სკანირებით მიღებული მეტაბოლური მონაცემები და CT-ით მიღებული ანატომიური მონაცემები ერთი აპარატიდან ერთდროულად მიიღება, რაც სხვა გამოსახულების მეთოდებთან შედარებით უფრო დეტალურ და ზუსტ ინფორმაციას იძლევა.

ჩვენი პაციენტებისთვის სარგებელი

• მაღალი გარჩევადობა

საავადმყოფოში არსებული PET-CT აპარატი, 400x400 მატრიცის რეკონსტრუქციით 95 mm3-ით, სექტორში არსებული უმაღლესი გარჩევადობის გამოსახულებით ემსახურება ჩვენს პაციენტებს. ამგვარად, სხვა აპარატებზე შეუმჩნეველი უმცირესი დეტალებიც კი გამოვლინდება და დიაგნოსტიკისა და მკურნალობის პროცესში წვლილის შეტანით ხელს უწყობს გაუმართლებელი ქირურგიული ჩარევებისა და ბიოფსიების თავიდან აცილებას.

• უფრო ფართო განტრი

სიმსუქნის მქონე და ზედმეტი წონის პაციენტებიც რომ გავითვალისწინოთ, ჩვენი აპარატი შემუშავებულია ისე, რომ სხვა მწარმოებლების აპარატებთან შედარებით 24 პროცენტით უფრო ფართო განტრი აქვს. უფრო ფართო სივრცე კლაუსტროფობიის მქონე ადამიანებისთვისაც უპირატესობას ქმნის.

• დაბალი რადიაცია, მაღალი სიჩქარე

უფრო დაბალი დოზის რადიაციით მომუშავე PET-CT აპარატი, ერთი მხრივ, ზრდის პაციენტის კომფორტს, ხოლო, მეორე მხრივ, მაქსიმალური სიჩქარით და სიზუსტით სკანირებს სხეულის მთელ ნაწილს და ადგენს ანომალიების, მაგალითად, კიბოს უჯრედების ადგილმდებარეობას.

• ნაკლები რადიოაქტიური ნივთიერებით დიაგნოსტიკა

სხვა აპარატებთან შედარებით, სისხლძარღვის გზით მიწოდებული უფრო დაბალი დოზის რადიოაქტიური ნივთიერებით მაღალი გარჩევადობის გამოსახულებების მიღებით სკანირებების ჩატარება შესაძლებელია.

როგორ მუშაობს PET-CT?

სკანირების დროს მიყოლილი გზა ნაბიჯ-ნაბიჯ ასეთია:

• PET-CT სკანირებამდე საჭიროა 6 საათის მოშიება.

• პაციენტის სისხლში შაქრის დონე იზომება. სკანირებისთვის სისხლში შაქრის დონე საჭირო ზღვრის ქვემოთ უნდა იყოს.

• უჯრედების მიერ შეწოვილი რადიოაქტიურად მონიშნული შაქრის მოლეკულა სისხლძარღვის გზით შეჰყავთ ორგანიზმში.

• პრეპარატის უჯრედებში დასამაგრებლად დაახლოებით 1 საათი ელოდებიან.

• პაციენტი PET-CT აპარატში შეჰყავთ და იწყება გადაღება.

• X-ray-ის დახმარებით იღება სხეულის დეტალური სამგანზომილებიანი გამოსახულებები.

• ანომალურ სტრუქტურებში ან კიბოს უჯრედებში დაგროვილი შაქრის მოლეკულები მათი კაშკაშა გამოსახულებების წყალობით იოლად გამოირჩევა.

• სკანირების ხანგრძლივობა, გადასაღები არიდან გამომდინარე, 20-25 წუთს გრძელდება.

PET-CT-ის შემდგომი პროცესი

PET-CT-ის დროს მიღებული რადიაცია შარდით გამოიყოფა. ამიტომ, განსაკუთრებით სკანირების ჩატარების დღეს, რეკომენდებულია ბევრი წყლის დალევა და შარდვის შემდეგ ტუალეტის სიფონის რამდენჯერმე ჩამორეცხვა.

მეორე მხრივ, პროცედურის დროს მიღებული რადიაცია, მიუხედავად იმისა, რომ გარშემომყოფებისთვის რისკს არ წარმოადგენს, 12 საათის განმავლობაში რეკომენდებულია, რომ რადიაციის მიმართ რისკის ჯგუფში შემავალ პატარა ბავშვებსა და ორსულ ქალებთან ხანგრძლივი კონტაქტისგან თავი შეიკავოთ.