ლაზერული ეპილაცია

ლაზერული ეპილაცია არის ერთ-ერთი ტექნოლოგიური მიღწევა, რომელიც გამოიყენება არასასურველი თმის მუდმივად ან ხანგრძლივი ვადით მოსაშორებლად. ლაზერული ეპილაციის ეს ეფექტი პირველად FDA-მ (ამერიკის სურსათისა და მედიკამენტების ადმინისტრაცია) 1997 წელს დაამტკიცა და იმ დროიდან მოყოლებული მთელ მსოფლიოში ფართოდ გამოიყენება. ლაზერული ეპილაციით ეფექტური შედეგები ღია კანის ტიპისა და მუქი ფერის თმის სტრუქტურის მქონე პირებში მიიღწევა. ლაზერული ეპილაციის პროცედურაში თითოეული პაციენტისთვის, არისა და კანის ტიპის მიხედვით, იცვლება არჩეული ლაზერული სისტემა, ენერგია, ტალღის სიგრძე და ა.შ. ამის საშუალებით მუშაობენ ისეთი სიმძლავრით, რომელიც თმის ფესვებზე იმოქმედებს, მაგრამ კანს არ დააზიანებს, რათა მკურნალობა მოკლე დროში დასრულდეს.

ლაზერული ეპილაცია რა არის?

ლაზერული სისტემები მუშაობენ შერჩევითი თერმული დაზიანების პრინციპით. ლაზერული ეპილაციისას ლაზერის სხივი თმის ფესვებში არსებულ, ფერს მინიჭებელ პიგმენტს, მელანინს ემიზნება. მილიწამების განმავლობაში კანზე მიმართული ლაზერის სხივი კანის უჯრედებს არ აზიანებს, გადის და თმის ფესვში არსებული ფერის პიგმენტები შთანთქავენ. გამოყოფილი ენერგია სითბოდ გარდაიქმნება და თმის ფესვს ანადგურებს; თმის ფესვის თმის წარმოქმნის უნარი იკარგება ან იზღუდება. გადაცხელებული თმის ღეროს მიერ გარშემო ქსოვილების დაზიანების თავიდან ასაცილებლად, პროცედურის დროს კანი ცივი ჰაერით გრილდება.

რამდენი სეანსის ჩატარებაა საჭირო?

ლაზერის სხივი ზრდის ფაზაში მყოფ თმის ფესვებზე მოქმედებს. ყველა თმის ფესვი ერთდროულად არ იმყოფება ზრდის ფაზაში, ამიტომ თითოეული სეანსის შემდეგ მოსალოდნელია %10-25-იანი შემცირება და ლაზერული ეპილაციის პროცედურები გარკვეული ინტერვალებით გამეორებული სეანსებისგან შედგება. ზოგადად, სხეულის არეებში ლაზერული ეპილაციის სეანსებს შორის ინტერვალი 6-8 კვირაა, სახის არეში კი – 4-6 კვირა. მკურნალობა შესაბამისი კანის სტრუქტურის მქონე პირებში საშუალოდ 5-8 სეანსში სრულდება. თმების ფერისა და ზრდის ციკლებში არსებული ცვლილებების გამო ლაზერული ეპილაციის სეანსების რაოდენობა პირის მიხედვით, ხოლო იმავე პირში – სხეულის სხვადასხვა არის მიხედვით იცვლება. გამეორებული სეანსების შემდეგ, კანისა და თმის სტრუქტურის შესაბამისობის შემთხვევაში, ქალებში პროცედურის ჩატარებულ არეში თმების % 70-90, ხოლო მამაკაცებში % 60-80 მუდმივად იშლება. დარჩენილი თმები კი წვრილი, ღია ფერის და კოსმეტიკური თვალსაზრისით ნაკლებად მნიშვნელოვანია.

ერთი სეანსი რამდენ ხანს გრძელდება?

სეანსის ხანგრძლივობა გამოყენებული აპარატურის მახასიათებლების მიხედვით იცვლება, თუმცა სახისთვის საშუალოდ 5-6 წუთს, ფეხებისთვის კი 45 წუთიდან 1 საათამდე გრძელდება.

ლაზერული ეპილაციის გვერდითი მოვლენები რა არის?

პროცედურის შემდეგ შესაძლოა გაწითლება და თმის ფესვების არეში მსუბუქი აწეულობა გაჩნდეს. ეს მოვლენა მალევე გაივლის. იშვიათად შესაძლოა ქერქის წარმოქმნა, პროცედურის არეში ღია ან მუქი ფერის ცვლილება გამოჩნდეს. ლაზერული ეპილაცია, ზოგადად, მტკივნეული პროცედურა არ არის. პროცედურის დროს ტკივილის შეგრძნების შესამცირებლად ცივი ჰაერით გრილდება.

ეპილაციის მიზნით გამოყენებული ლაზერები რა არის?

გამოიყენება ალექსანდრიტის, დიოდის, Nd Yag ლაზერები და არსებობს მრავალი ბრენდი. Ipl (Intense pulse light/ინტენსიური იმპულსური სინათლე) სისტემა, მიუხედავად იმისა, რომ ლაზერი არ არის, ეპილაციაში გამოიყენება. ლაზერული ეპილაციის ტექნოლოგიაში მუდმივი განვითარება და ცვლილება შეინიშნება. ბოლო პერიოდში როგორც მოსახლეობაში, ისე ექიმებს შორის ფართოდ არჩეული ლაზერი ალექსანდრიტის ლაზერია.

ლაზერული ეპილაციამდე რა გარემოებებს უნდა მიექცეს ყურადღება?

სხეულზე თმის განაწილებაზე გავლენას ახდენს ასაკი, რასა, მედიკამენტები, ჰორმონული დარღვევები და სხეულის არეების თავისებურებები. ამიტომ, უპირველეს ყოვლისა, ფასდება პირი, ირკვევა თმის ზრდის მიზეზი და საჭიროებისამებრ ტარდება ანალიზები და გამოკვლევები. პროცედურამდე განისაზღვრება, შეესაბამება თუ არა კანის ტიპი და თმის ფერი მკურნალობას, რომელი ლაზერი იქნება გამოყენებული და შესაბამისი დოზა. ფასდება, არსებობს თუ არა დაავადება ან მედიკამენტის გამოყენება, რომელიც ლაზერული მკურნალობის შეფერხებას გამოიწვევს. ლაზერული ეპილაცია იმ არეებში უნდა ჩატარდეს, რომლებიც მზის სხივებით ან სოლარიუმით არ არის გარუჯული და სეანსის დროს პირის ნამდვილი ტენის ფერთან ახლოს უნდა იყოს. ლაზერული ეპილაციის არეებში არსებული თმები ბოლო 1 თვის განმავლობაში ფესვიდან არ უნდა იყოს ამოღებული (დაფხვნა, ცვილი, პინცეტი, ეპილატორი, ძაფი და სხვა მსგავსი მეთოდებით), არც გაღიავებული და არც შეღებილი არ უნდა იყოს. გაზრდილი თმები სეანსამდე 1-2 დღით ადრე მოიკლება. თუ გამოიყენება კანის მაქერცლავი პროდუქტი (პილინგი) (როგორიცაა რეტინოის მჟავა, გლიკოლის მჟავა), მისი გამოყენება 1 კვირით ადრე უნდა შეწყდეს და ეს უნდა იყოს აღნიშნული. ლაზერული პროცედურის ჩასატარებელი არე სუფთა უნდა იყოს, კანზე მაკიაჟის მასალა, დეზოდორანტი და სხვა საშუალებები არ უნდა იყოს.

ლაზერული ეპილაციის დროს და შემდეგ რაზე უნდა იყოს ყურადღება?

• პროცედურის დროს აუცილებლად გამოიყენება დამცავი სათვალე.
• პროცედურის შემდეგ რეკომენდებულია, არ მიიღოთ ძალიან ცხელი შხაპი და არ გააღიზიანოთ ეს არე.
• 1 თვის განმავლობაში საჭიროა მზისგან დაცვა და სოლარიუმში არ შესვლა.
• ჩატარებული პროცედურის თმები 1-3 კვირაში ცვივა. სეანსებს შორის ამოსული თმები სამართებლით, მაკრატლით და სხვა მეთოდებით შეიძლება შემოკლდეს.