Pranvera erdhi. Dielli filloi ngadalë-ngadalë t'i shfaqë fytyrën. Por alergjia që shfaqet për shkak të kalimit të stinëve mund t'ju prishë qetësinë. Nëse keni një ankesë të tillë, me trajtimin Rhinolight mund të çliroheni nga kjo makth…
Rreth trajtimit Rhinolight, i cili përfshihet ndër opsionet moderne të trajtimit të ditëve tona, ia kemi bërë pyetjet Prof. Dr. Tayfun Apuhan-it, Specialist i Sëmundjeve të Veshit, Hundës dhe Fytit të Hisar Hospital Intercontinental.
Çfarë është trajtimi Rhinolight?
Është aplikimi brenda hundës i një drite me intensitet të lartë, me një përmbajtje të veçantë, e përdorur në trajtimin e rinitit alergjik sezonal (ethe e sanës – rinit alergjik). Te pacientët me rinit alergjik, me Rhinolight ulen me sukses ankesat e shkaktuara nga alergjia në hundë, si kruajtja, bllokimi dhe teshtitjet.
Si aplikohet trajtimi Rhinolight?
Efektet e trajtimit me dritë Rhinolight janë të shpejta dhe me efekt të gjatë. Periudhat e përmirësimit ndryshojnë nga personi te personi, por te pacientët sjell një përmirësim të lartë të ankesave. Sipas nivelit të ankesave, mund të jetë e nevojshme që kurat e trajtimit të përsëriten disa herë gjatë vitit. Rhinolight te pacientët me alergji sezonale aplikohet gjithsej 6 seanca, ndërsa te pacientët me alergji gjatë gjithë vitit aplikohet gjithsej 8 seanca. Te alergjia sezonale aplikohen nga tri trajtime në dy javë radhazi, ndërsa te pacientët me rinit alergjik që vazhdon gjatë gjithë vitit, pas tre trajtimeve të bëra javën e parë, aplikohet një herë në javë për 5 javë. Efekti i trajtimit me dritë zgjat 1 vit; në fund të kësaj periudhe mund të jetë e nevojshme të përsëritet.
Kujt mund t'i aplikohet trajtimi Rhinolight?
Pacientëve të cilëve ankesat e rinitit alergjik nuk mund t'i kontrollojnë me ilaçe të përdorura vetëm ose në kombinim,
Pacientëve me rinit alergjik te të cilët përdorimi i ilaçeve paraqet pengesa, si shtatzënia, ushqyerja me gji, stërvitja aktive në sport, insuficienca hepatike ose renale,
Pacientëve, ilaçet e të cilëve për një sëmundje tjetër mund të ndërveprojnë me ilaçet antialergjike.
Pacientëve që preferojnë të mos përdorin ilaçe për periudha të gjata,
Pacientëve që kërkojnë mbështetje për trajtimin e alergjisë që po ndjekin, janë kandidatë për trajtimin Rhinolight.
Kujt nuk i këshillohet përdorimi i Rhinolight?
Pacientëve që nuk mund të përfitojnë nga trajtimet standarde për shkak të devijimit të theksuar (kurbaturës) të septumit të hundës,
Pacientëve me rinit alergjik, por edhe me inflamacion akut viral ose bakterial të hundës,
Pacientëve me tumore brenda hundës ose në rinofaringë,
Pacientëve me tharje të theksuar të hundës dhe krustë brenda hundës,
Pacientëve që kanë patur më parë probleme serioze gjatë trajtimit me dritë për lëkurën.
Trajtimi Rhinolight nuk këshillohet te pacientët nën 14 vjeç, pasi nuk ka njohuri të mjaftueshme klinike për përdorimin e trajtimit me dritë në këtë moshë.
