Stresi, mungesa e lëvizjes dhe ushqyerja e pashëndetshme, që rriten gjatë gjithë ditës në jetën e qytetit, si dhe çrregullimet e gjumit, shkaktojnë shumë pasoja negative. Një prej tyre është bruksizmi, i njohur si çrregullim i nyjës temporomandibulare. Bruksizmi, që shfaqet me shtrëngim dhëmbësh ose kërcitje gjatë gjumit, me kalimin e kohës shkakton pamundësi për ta hapur nofullën, vështirësi në ngrënie dhe përtypje, si dhe pagjumësi, e cila manifestohet gjatë ditës me dhimbje koke të fortë. Si duhet ta luftojmë bruksizmin?
Specialistët e Departamentit të Neurologjisë së Hisar Hospital Intercontinental informuan për «metodat e trajtimit të aplikuara në sëmundjen e bruksizmit».
Nëse zgjoheni në mëngjes me dhimbje nofulle..
Bruksizmi është gjendja e shtrëngimit të nofullës dhe kërcitjes së dhëmbëve, veçanërisht gjatë natës, por edhe gjatë ditës, e shkaktuar nga kontraktimi i fortë dhe i pavullnetshëm i muskujve përtypës rreth gojës. Mund të lindë nga probleme anatomike të dhëmbëve dhe nofullës, por sot shfaqet më shpesh nga shkaqe psikogjene që shoqërojnë jetën intensive dhe stresuese. Shihet shpesh te të rriturit, po ashtu edhe te grupmosha e fëmijëve.
Me kalimin e kohës shkakton kufizim të lëvizjeve të nofullës dhe dhimbje koke
Nëse bruksizmi nuk trajtohet, mund të shfaqen shenja të konsumimit, thyerjes, ndjeshmërisë dhe tërheqjes së gingivës, si dhe lëkundje të dhëmbëve. Puna e tepërt e muskujve të faqes dhe tëmthit mund të shkaktojë dhimbje muskulore dhe dhimbje koke në këto zona. Te personat me migrenë dhe dhimbje koke të tipit tensional, që janë ndër llojet më të shpeshta të dhimbjes, prania e bruksizmit mund të shkaktojë që dhimbjet të bëhen kronike dhe të rënda, si dhe marrje më e madhe e barnave se sa nevojitet.
Trajtimi i bruksizmit vetëm me pllaka nate dhe barna mund të mos jetë i mjaftueshëm
Bruksizmi, në përgjithësi, është sëmundje e trajtueshme. Diç problemesh anatomike të dhëmbëve duhet trajtuar sa de mundësohet, shmangia e stresit, përdorimi i pllakave të natës për dhëmbët, përdorimi i barnave qetësuese për gjumin e natës dhe i relaksuesve muskulorë janë metoda trajtimi të disponueshme, por mbrojtësit e natës vetëm mund të mos jenë të mjaftueshëm. Trajtimet me barna gjithashtu nuk arrijnë suksesin maksimal, prandaj këto metoda trajtimi nuk preferohen shumë.
Në vend të barnave, metoda botox siguron sukses të lartë në trajtim
Sot, trajtimi me toksinë botulinike (botox) përdoret shumë gjerësisht. Me trajtimin botox shmangen barnat e tepërta dhe arrihet një përqindje suksesi shumë më e lartë se metodat e tjera të trajtimit. Me injeksionin e botox-it, pa dëmtuar muskujt dhe pa probleme me përtypjen, eliminohen stresi dhe forca e tepërt e përtypjes në muskuj dhe arrihet relaksimi i muskulit. Toksina botulinike (botox) bllokon nervat në indin muskular, pengon kontraktimin e muskulit dhe parandalon arritjen e sinjalit të nevojshëm për kontraktimin te muskuli, duke parandaluar kështu kontraktimin e tepërt të muskujve.
Aplikimi i botox-it kryhet në kohë të shkurtër pa dëmtuar indin muskular
Injeksioni i botoksit në muskulin përtypës të pjesës së poshtme të faqes (muskuli masseter), nga pika të caktuara, eliminon stresin dhe forcën e tepërt të përtypjes në muskul dhe sjell relaksim të muskulit, duke e zgjidhur problemin e kërcitjes dhe shtrëngimit të dhëmbëve gjatë natës. Aplikimi kryhet në kohë të shkurtër, rreth 15-20 minuta. Meqenëse efekti i Botox-it zgjat mesatarisht 4-6 muaj, dozat e përsëritura për pacientët me ankesa që vazhdojnë mund të bëhen pas 6 muajsh.
