Fëmija juaj nuk bëhet me herni sepse qan! Hernia e bën të qajë...

Herniet inguinale, të cilat shfaqen më shpesh tek djemtë dhe për të cilat ekziston një bindje e gabuar se shkaktohen nga të qarit, i biseduam me Specialisten e Kirurgjisë Pediatrike të Hisar Hospital Intercontinental…

Specialistët, të cilët theksojnë se herniet inguinale janë shumë më të shpeshta sidomos në periudhën e të porsalindurit, dhe për këtë arsye familjet duhet të jenë shumë të kujdesshme, thonë: Kur fëmija ndodhet në barkun e nënës, testisi i tij ndodhet në barkun e tij. Në periudhën afër lindjes, nga muaji i 7-të, ai zbret në kanal, e më pas në thes. Këtë zbritje e shoqëron edhe membrana e barkut (peritoneumi). Pas përfundimit të zbritjes, kanali që zbret në thes mbyllet. Pranë asaj shtrese membranore që mbyllet, kalojnë kanali i spermës, arteria, vena dhe strukturat nervore të testisit. Nëse kjo shtresë membranore mbyllet në mënyrë të pamjaftueshme, organet e barkut ecin drejt kanalit. Kjo herni inguinale që shihet tek fëmijët quhet herni inguinale indirekte. Shfaqet më shpesh tek fëmijët e parakohshëm, me peshë të ulët në lindje, tek ata me herni në familje, sëmundje të indit lidhor dhe tek fëmijët me problem testisi të pazbritur. Është sëmundje e lindur dhe më në fund shfaqet. Simptomi më kryesor është fryrja në zonën inguinale. Kjo fryrje shfaqet në gjendje që rrisin presionin e barkut, si kapsllëku dhe të qarit. Për këtë arsye familjet mund të bindën gabimisht se fëmija ka herni nga të qarit. Përkundrazi, fëmijët nuk bëhen me herni sepse qajnë; ata qajnë sepse kanë herni.’ tha…

Që të dalloni herniet inguinale nga sëmundjet e të njëjtës zonë…

Te meshkujt, përveç herniesë inguinale, mund të shihen edhe testis i pazbritur, hidrocelë dhe cist i kordonit spermatik. Nëse shtresa membranore e barkut mbyllet mbi dhe nën kanal, ndërsa mesi mbetet i hapur, shfaqet sëmundja e quajtur cist i kordonit spermatik. Trajtimi i saj është i ngjashëm me trajtimin e hernieve inguinale. Pas vendosjes së diagnozës pritet për një kohë; nëse nuk regreson, kryhet ndërhyrje kirurgjikale.

Te hidroceli, e njohur në popull si “hernia e ujit” dhe e cila shfaqet më shpesh tek të porsalindurit gjatë 6 muajve të parë, membrana shtresore është e mbyllur përgjatë kanalit. Por rreth testisit në thes mbetet e hapur dhe mbushet me lëng. Zakonisht pritet nën kontroll deri në moshën 1 vjeç; nëse nuk përmirësohet pasi fëmija kalon moshën 1 vjeç, operohet.

Herniet inguinale kërkojnë ndërhyrje kirurgjikale urgjente dhe hernia e riparuar me një teknikë të mirë nuk përsëritet!

Hernia është problem që kërkon ndërhyrje kirurgjikale urgjente. Nuk ka mundësi që të përmirësohet vetvetiu. Operacioni duhet bërë sa më shpejt, kur mjeku, pacienti dhe familja janë gati. Nëse nuk operohet, komplikimi më i frikshëm në afat të shkurtër është ngulfatja e hernies. Organet e ngujuara mund të jenë zorra dhe organe të tjera të barkut që zhvendosen brenda thesit të hernies, ndërsa te vajzat shpesh mund të jetë edhe vezorja. Prandaj ndërhyrja e hershme është shumë e rëndësishme. Te djemtë, në afat të gjatë hernia dëmton testisin dhe enët e tij, duke shkaktuar ndryshime qelizore. Për këtë arsye pas vendosjes së diagnozës nevojitet operacion sa më shpejt. Pas operacionit të kryer në anestezi të përgjithshme, pacienti shkarkohet po atë ditë; thirret për kontroll ditën pasi dhe pas 1 jave.

Gjërat që duhen patur parasysh pas operacionit…

Zona e operuar nuk duhet të ekspozohet ndaj asnjë traume.

Nëse hernia ka zbritur deri në thes, thesi mund të fryhet, të skuqet, të marrë pak ngjyrë vjollcë. Kjo është procesi normal i operacionit. Mos shqetësoni.

Nëse ka këto simptoma, drejtohuni menjëherë te mjeku!

Nëse pas operacionit në atë zonë shfaqet fryrje ose skuqje e jashtëzakonshme,

Nëse te fëmija shfaqet fryrje e barkut,

Nëse shfaqen sindroma të zorrëve, si pamundësia për të bërë jashtëqitje, duhet të drejtoheni te mjeku pa humbur asnjë çast.