Teknologjitë e reja në fekondimin in vitro vazhdojnë t'u vijnë në ndihmë atyre që presin fëmijë dhe t'i shndërrojnë dështimet e përsëritura në sukses. Nga specialistët e infertilitetit dhe fekondimit in vitro të Hisar Hospital Intercontinental e mësuam aplikimin EmbryoGen, që rrit shkallën e suksesit në fekondimin in vitro.
Sot, me përdorimin e mediumit EmbryoGen, është bërë e mundur përmirësimi i zhvillimit të embrionit edhe brenda mitrës, u deklarua nga specialistët: ‘Veçanërisht te dështimet e përsëritura të fekondimit in vitro, humbjet e përsëritura të shtatzënisë, infertiliteti i pashpjegueshëm, humbjet e përsëritura të hershme (biokimike) të shtatzënisë, aplikimi i preferuar nga ne është ai me të cilin është arritur një rritje prej 28% e shkallës së shtatzënisë. Embrionet ndiqen gjatë 3 ditëve në mjedisin kulturor EmbryoGen. Në ditën e 3-të kryhet transferimi në mitër me një sasi të mediumit EmbryoGen. Kështu arrihet një rritje e dukshme e komunikimit që duhet të ekzistojë midis embrionit dhe mitrës së nënës. Në përbërjen e mjedisit kulturor EmbryoGen ekzistojnë proteina sinjalizuese (GM-CSF) që natyrshëm sekretohen në mitrën e nënës dhe ndihmojnë zhvillimin e embrionit. Këto proteina sinjalizuese sigurojnë komunikimin qelizor midis nënës dhe embrionit, e mbrojnë embrionin nga stresi dhe e forcojnë atë gjatë fazës së implantimit, duke e lejuar diferencimin e tij. Një nga shkaqet e humbjeve të shtatzënisë është se embrioni perceptohet si i huaj nga sistemi mbrojtës i nënës. EmbryoGen rregullon komunikimin midis qelizave të nënës dhe të embrionit, duke rregulluar përgjigjen imunitare që vjen nga nëna’.
