Mikroinjeksioni (ISCI) është procedura e injektimit të spermës brenda vezës. Me këtë procedurë, e cila kryhet në ambient laboratorik, pritet që fekondimi të ndodhë në 40-70% të vezëve të pjekura, duke u ndryshuar sipas cilësisë së vezëve dhe spermës.
Si kryhet procedura e mikroinjeksionit?
Me ‘procedurën e heqjes së vezës’ pastrohen qelizat rreth vezës dhe zgjidhen vezët më të përshtatshme për mikroinjeksion.
Nga ana tjetër, spermat e marra nga meshkulli i nënshtrohen, përmes teknikave të ‘përgatitjes së spermës’, disa procedurave laboratorike dhe zgjidhet qeliza e spermës me cilësinë më të lartë.
Sperma futet brenda qelizës së vezës me ndihmën e një mikropipete.
Sperma dhe veza të bashkuara ruhen në një inkubator, një mjedis i ngjashëm me mitrën e nënës. Këtu pritet që të ndodhë fekondimi.
Fakti që brenda vezës formohen dy bërthama, njëri nga nëna dhe tjetri nga babai, do të thotë se fekondimi ka ndodhur.
Cilat janë dallimet midis mikroinjeksionit dhe trajtimit IVF (fekondim in vitro)?
Procedura e mikroinjeksionit dhe trajtimi IVF janë të njëjta në të gjitha hapat, përveç fazës së fekondimit.
Në trajtimin IVF, qeliza e spermës me cilësi të mirë dhe qeliza e vezës vendosen bashkë në mjedisin laboratorik dhe pritet që qeliza e spermës të arrijë vezën me rrugë normale dhe fekondimi të ndodhë vetvetiu. Në procedurën e mikroinjeksionit, një qelizë e vetme spermë e marrë nga meshkulli injektohet brenda qelizës së vezës me ndihmën e një mikropipete të veçantë.
Nga ana tjetër, ndryshe nga trajtimi IVF, i preferuar zakonisht në rastet pa problem të spermës, mikroinjeksioni aplikohet në rastet kur ka problem me spermën dhe në rastet e infertilitetit me shkak të panjohur.
Kujt i zbatohet mikroinjeksioni?
Rastet në të cilat mund të zbatohet procedura e mikroinjeksionit janë si më poshtë.
Ata me numër të ulët të spermës dhe lëvizshmëri të dobët
Gratë që kanë krijuar antitrupa kundër qelizave të spermës në trupin e tyre
Ata që nuk kanë marrë rezultat nga trajtimi IVF
Meshkujt nga të cilët merret sperma me aplikimin e Mikro TESE
Ata me problem infertiliteti me shkak të panjohur