Çfarë është botoksi i stomakut?
Botoksi i stomakut është një trajtim jokirurgjik i obezitetit, i aplikuar me endoskopi, ku toksina botulinike injektohet në zona të caktuara të stomakut, në një thellësi të caktuar, me qëllim ngadalësimin e lëvizjeve të stomakut. Qëllimi është të krijohet ndjesia e ngopjes dhe të zvogëlohet ndjesia e urisë.
Si kryhet operacioni i botoksit të stomakut? A është e mundur trajtimi pa operacion?
Botoksi i stomakut nuk është një operacion. Është një nga trajtimet jokirurgjike të obezitetit. Procedura kryhet me ndihmën e endoskopit. Nuk kërkon anestezi të përgjithshme dhe kryhet pa prerje, me ndihmën e pajisjes endoskopike.
Përse kryhet botoksi i stomakut?
Botoksi i stomakut kryhet për t'u çliruar nga tepricat e peshës. Mekanizmi bazë bazohet në zvogëlimin e lëvizjeve të stomakut dhe ngadalësimin e shpejtësisë me të cilën ushqimi kalon nga stomaku në zorrën e hollë. Kështu sigurohet ndjesia e ngopjes dhe ndihmohet humbja e peshës.
A është një procedurë e dhimbshme?
Gjatë dhe pas procedurës së botoksit të stomakut nuk ndihet dhimbje.
Për kë është i përshtatshëm botoksi i stomakut?
Botoksi i stomakut mund të aplikohet për çdo person me tepricë peshe. Megjithatë, për të kryer këtë procedurë nevojiten kritere të caktuara. Ato janë:
Indeksi i masës trupore e pacientit duhet të jetë nën 40. Për pacientët me indeks të masës trupore 40 e më lart, opsioni i duhur i trajtimit është kirurgjia e obezitetit.
Pacienti duhet të jetë mbi 16 vjeç.
Pacienti nuk duhet të ketë alergji ndaj toksinës botulinike.
Pacienti nuk duhet të ketë sëmundje të muskujve dhe nervave.
Ata që kanë probleme në stomak, si ulçerë apo gastrit, mund ta kryejnë këtë procedurë pas trajtimit.
A ka kufi moshe për botoksin e stomakut?
Botoksi i stomakut mund të kryhet për çdo person në moshën 16-65 vjeç që plotëson kriteret e përshtatshme.
A mund të kryhet tek gratë shtatzëna dhe ato që japin gji?
Tek gratë shtatzëna dhe ato që japin gji, botoksi i stomakut nuk aplikohet.
A ka kufi peshe për botoksin e stomakut?
Botoksi i stomakut mund t'u aplikohet çdo pacienti me indeks të masës trupore midis 25 dhe 40.
Kujt nuk i aplikohet botoksi i stomakut?
Pacientëve shtatzëna dhe atyre që japin gji,
Pacientëve me alergji ndaj toksinës botulinike,
Pacientëve me indeks të masës trupore mbi 40,
Pacientëve me gjendje të avancuar atopike dhe alergjike,
Pacientëve me sëmundje të rënda, si kanceri i stomakut,
Pacientëve me sëmundje të muskujve dhe nervave, si Myestania Graves, nuk aplikohet.
Si e bën botoksi i stomakut humbjen e peshës?
Toksina botulinike (Botoks) e injektuar paralizon përkohësisht shtresën muskulare që siguron lëvizjet e stomakut; për këtë arsye lëvizjet e stomakut ngadalësohen dhe, duke krijuar ndjesinë e ngopjes dhe urinë që vonohet, sigurohet humbja e peshës.
A është efektiv botoksi i stomakut?
Botoksi i stomakut është shumë efektiv nëse injektohet në sasi të mjaftueshme, në zonën e duhur të stomakut.
Sa zgjat efekti i botoksit të stomakut?
Kohëzgjatja mesatare e efektit të botoksit të stomakut është 5-6 muaj.
Sa kilogram humbet me botoksin e stomakut?
Nëse procedura kryhet me efektivitet, në varësi të moshës, gjinisë, indeksit të masës trupore dhe regjimit ushqimor të pacientit, mund të arrihet humbje peshe midis 15-35 kg.
Sa zgjat procedura e botoksit të stomakut?
Kohëzgjatja mesatare e procedurës së botoksit të stomakut është 20 minuta. Procedura kryhet nën sedim (duke e fjetur pacientin), endoskopikisht, me injektimin e një sasie të caktuar të toksinës botulinike në shtresat muskulare të zonave të caktuara të stomakut.
A është e nevojshme qëndrimi në spital?
Pas procedurës së botoksit të stomakut, qëndrimi në spital nuk është i nevojshëm.
Si është procesi para botoksit të stomakut?
Para procedurës së botoksit të stomakut kërkohet agjërim 6 orë. 4-5 ditë përpara procedurës fillohen ilaçe mbrojtëse të stomakut, si lansaprazol/pantaprazol. Para procedurës, pacienti i nënshtrohet vizitës anestezioloqe. Para procedurës sigurohen takimet e para të pacientit me dietistin dhe, nëse është e nevojshme, me psikologun.
A ka efekte anësore / dëme të botoksit të stomakut?
Toksina botulinike aplikohet shpesh dhe në mënyrë të sigurt në procedurat kozmetike. Botoksi i aplikuar në stomak nuk ka efekt anësor të rëndë, nëse pacienti nuk ka alergji dhe sëmundje muskulare.
A shkaktohet dëmtim i përhershëm në stomak pas procedurës së botoksit të stomakut?
Nëse procedura e botoksit kryhet me dozën e duhur, në zonën e duhur të stomakut dhe në shtresën e duhur muskulare, rreziku i lënies së dëmtimit të përhershëm është jashtëzakonisht i ulët.
A do të përjetoj më shumë fryrje me botoks?
Botoksi i stomakut nuk ka asnjë efekt mbi funksionimin e zorrëve. Te ata me ngadalësi të zorrëve, nuk shkakton ndonjë efekt negativ shtesë.
A përhapet botoksi në trup?
Toksina botulinike vepron lokalisht. Meqenëse sasia është shumë e vogël, është shumë e pamundur që ajo të përhapet në trup.
Cili është dallimi midis botoksit të stomakut dhe balonës intragastrike?
Edhe balona intragastrike ka për qëllim krijimin e ndjesisë së ngopjes dhe sigurimin e ngopjes së hershme. Edhe te botoksi vepron i njëjti mekanizëm. Por, në procedurën e botoksit, në stomak nuk vendoset asnjë substancë e huaj.
Çfarë duhet të keni parasysh pas botoksit të stomakut?
Nuk duhet të konsumohen ushqime me vëllim të vogël dhe kalori të lartë.
Duhet të kujdeseni të mos konsumoni pije acidike, shurupa me sheqer, ushqime të paketuara.
Kontrollet pas procedurës së botoksit me kirurgun/dietistin/psikologun nuk duhet të ndërpriten.
Si duhet të jetë ushqyerja pas botoksit të stomakut?
Ushqyerja pas botoksit të stomakut mund të bëhet 2 orë më vonë.
Duhet të kufizohet konsumimi i pijeve acidike, karbohidrateve, shurupave, alkoolit. Duhet të konsumoni llojet e ushqimeve që dietisti juaj i konsideron të përshtatshme, në sasitë e nevojshme.
Duhanit nuk ka asnjë efekt pozitiv ose negativ mbi botoksin e stomakut. Përdorimi i duhanit nuk rekomandohet.
Pas procedurës, për 3 ditët e para nuk rekomandohet pirja e kafesë.
Pas procedurës, dietisti juaj do t'ju përgatisë një listë ushqimore.
