Edhe pse shkaku i jinekomastisë nuk njihet plotësisht, ajo paraqitet si rritje e indit mamar tek meshkujt. Edhe pse zakonisht besohet se shfaqet për shkak të peshës së tepërt, sidomos stërvitja për zhvillimin e trupit dhe disa ilaçe të marra mund të shkaktojnë jinekomastinë.
Më shpesh e vërejtur në moshën e pubertetit, ky problem mund të kalojë me kohë, por në rastet kur nuk kalon, trajtohet me ndërhyrje kirurgjikale, në varësi të gjendjes së gjirit. Specialistët e Departamentit të Kirurgjisë së Përgjithshme të Hisar Hospital Intercontinental kanë dhënë informacion mbi metodat e trajtimit të zbatuara për rritjen e gjirit te meshkujt.
Jinekomastia nuk shfaqet gjithmonë te të dy gjinjtë
Strukturalisht, ashtu si te gratë, edhe te meshkujt ekziston ind mamar. Megjithatë, për shkak të nivelit të ulët të estrogjenit, ky ind mund të jetë mjaft i vogël në krahasim me gratë. Në disa raste, kur gjiri i burrit rritet dhe merr pamje më të madhe se normalja dhe femërore, kjo quhet jinekomastia. Problemi i jinekomastisë mund të jetë njëanshëm ose dyanshëm.
Mund të shfaqet së bashku me periudhën e pubertetit
Problemi i jinekomastisë shpesh shfaqet te meshkujt që hyjnë në pubertet në moshën 18-25 vjeç, dhe pas pubertetit, kur hormonet rregullohen, te 30% e pacientëve mund të ndodhë regresion dhe përmirësim spontan. Rreth 40 deri 60% e meshkujve mund të kenë jinekomastinë në shkallë të caktuar.
Kujdes ndaj përdorimit të ilaçeve dhe peshës së tepërt!
Përgjithësisht, te 65% e pacientëve me problem rritjeje të gjirit, shkaku nuk shpjegohet plotësisht, por sëmundjet themelore që mund të jenë nën këtë gjendje patjetër duhet të hetohen. Çrregullimet hormonale, sëmundjet që shoqërohen me mungesë testosteroni dhe disa sindroma, gjendjet që mund të shkaktojnë rritje të estrogjenit, tumoret e testikujve, tumoret e gjëndrës mbiveshkore, sëmundjet e gjëndrës tiroide, tumoret e mushkërive dhe të mëlçisë, cirroza e mëlçisë, alkooli dhe përdorimi afatgjatë i disa ilaçeve dhe substancave (antidepresivë, substanca narkotike, substanca që përdoren në ndërtimin e trupit) si dhe shtimi i tepërt i peshës janë shkaqe të njohura të jinekomastisë.
Jinekomastia mund të jetë paralajmëruese e sëmundjes te personi!
Meqenëse jinekomastia mund të jetë shenjë paraprake e disa sëmundjeve, pas një kontrolli të kujdesshëm duhet vlerësuar aspekti estetik i çështjes. Te disa pacientë, sipas gjendjes, jinekomastia mund të shkaktojë dhimbje. Megjithatë, shqetësimet estetike mund të përbëjnë arsyen kryesore të vizitës së pacientëve.
Diagnoza dhe lloji i jinekomastisë përcaktohen me metodën e ultrazërit
Jinekomastia mund të ndahet në tre lloje: glandular, yndyror dhe i përzier. Në llojin glandular, në plan të parë është rritja e strukturave të gjëndrës mamare. Në llojin yndyror, nuk ka rritje të indit mamar, por ka rritje të indit yndyror rreth indit mamar. Ky lloj shihet shpesh te pacientët që shpesh shtojnë dhe humbin peshë dhe që konsumojnë alkool. Në llojin e përzier, rritja e dy llojeve ndodh bashkë në përqindje të caktuara. Për përcaktimin e llojit të jinekomastisë mund të përdoret ultrazëri.
Trajtimi zbatohet në varësi të gjendjes së gjirit
Metoda kryesore e trajtimit të jinekomastisë është kirurgjia. Ndërhyrja kirurgjikale kryhet me dy metoda. Këto janë heqja e drejtpërdrejtë kirurgjikale dhe metoda e thithjes së yndyrës, e quajtur liposuction. Në varësi të gjendjes së jinekomastisë, këto metoda mund të zbatohen veçmas ose bashkë.
Kur shkaku i jinekomastisë është teprica e indit mamar, pra në jinekomastinë e tipit glandular, indi mamar i zmadhuar hiqet kirurgjikisht përmes një prerjeje rrethore nga thitha e gjirit. Kur kërkohet, mund të zbatohet bashkë me liposuction për të zvogëluar indin yndyror përreth.
Te jinekomastia e tipit yndyror, problemi mund të zgjidhet vetëm me liposuction (thithje yndyre). Ky proçedurë kryhet përmes kanulave të futura nga një prerje 2-3 mm'lik. Avantazhi më i madh i kësaj zgjedhjeje është se nuk formohet cikatrice që do të ishte problem estetik. Operacionet mund të kryhen në anestezi të përgjithshme ose lokale. Pacientët mund të lëshohen nga spitali në të njëjtën ditë pas ndërhyrjes kirurgjikale.
