Laboratori I Endoskopisë

Endoskopia është procedurë ku ezofagu, stomaku, traktet biliare dhe zorrët ekzaminohen me një instrument fleksibël që ka në majë një sistem drite dhe mikrokamerë.

Në njësinë e endoskopisë:

• Gastroduodenoskop

• Kolonoskop

• Duodenoskop (ERCP)’ët shërbehen me modele videoendoskopike, mund të bëhen fotografi dhe regjistrime CD.

Njësia e endoskopisë përdoret jo vetëm për qëllime diagnostikuese, por edhe për qëllime terapeutike. Pastrimi, dezinfektimi dhe sterilizimi i endoskopit dhe i instrumenteve të tjera që përdoren janë shumë të rëndësishëm. Në njësinë tonë procedurat kryhen me pajisje automatike larëse dhe sterilizuese. Raportimi i procedurave, fotografimi dhe, kur nevojitet, regjistrimi në CD, arkivimi janë të mundshme dhe një kopje i jepet pacientit. Në procedurat e ekzaminimit endoskopik, komplikimet reduktohen shumë, megjithatë, për të ndërhyrë shpejt në çdo lloj komplikimi dhe reaksioni që mund të shfaqet në seksionin tonë, ekziston CRACH CART (karroca e ilaçeve dhe materialeve për çdo lloj ndërhyrjeje urgjente). Është e pajisur me oksigjen, vakum, monitor, defibrilator dhe materiale për intubim. Ndoshta pjesa më e rëndësishme e ekzaminimeve endoskopike është epërsia e tyre në diagnostikimin e hershëm të kancerit. Vështirësitë në trajtimin e kancereve të vonuara të sistemit tretës dhe madje pamundësia në disa tipe të tyre vazhdojnë të jenë problem i madh. Mundësia për të diagnostikuar kanceret para se të rriten dhe të përhapen bën që trajtimi të jetë gjithashtu i suksesshëm. Megjithëse kanceri i stomakut në Japoni dhe kanceri i zorrës së trashë në Amerikë shfaqen shumë më shpesh se në vendin tonë, vdekshmëria nga këto sëmundje është gjithashtu më e ulët se tek ne. Arsyeja e kësaj është se në Japoni dhe Amerikë kryhen skanime periodike endoskopike. Kanceret e stomakut dhe të zorrës së trashë të diagnostikuara në fazën e hershme zakonisht janë të trajtueshme. Përveç endoskopisë, metodat e imazherisë dhe testet biokimike kanë kontribut të madh në diagnostikimin e sëmundjeve të sistemit tretës. Teknikat e imazherisë si ultratingulli, tomografia dhe rezonanca magnetike përdoren shpesh. Njësia e radiologjisë së spitalit tonë ndihmon seksionin tonë në diagnostikimin e rasteve komplekse, si dhe mundëson marrjen e biopsisë duke parë organe si mëlçia dhe pankreasi (radiologji invazive) dhe vendosjen e diagnozës së saktë. Testet biokimike, përveç testeve rutinë, mbështesin punën e njësisë sonë të gastroenterologjisë me testet e hormoneve dhe markerëve të kancerit.

Endoskopi diagnostikuese

• Ezofagogastroduodenoskopi: Përdoret për ekzaminimin e ezofagut, stomakut dhe duodenit.

• Kolonoskopi: Përdoret për ekzaminimin e kanalit anal, rektumit dhe zorrës së trashë.

• Kolangiopankreatografia retrograde endoskopike (ERCP): Përdoret për ekzaminimin e traktit biliar.

Endoskopi terapeutike (terapotike)

• Polipektomi: Heqja pa operacion e polipeve të zorrës së trashë dhe të stomakut me metodë endoskopike.

• Skleroterapi: Ndalimi i gjakderdhjeve nga varikozitetet dhe gjakderdhjeve nga ulcerat me injeksion, me metodë endoskopike.

• Bandazhimi (ligimi me banda): Trajtimi i varikoziteteve të ezofagut dhe hemorroideve me metodë endoskopike, duke i lidhur me bandë elastike.

• Dilatacioni dhe vendosja e stentit: Zgjerimi, me endoskop, me kateter ose balonë, i ngushtimeve që shfaqen në sistemin tretës për arsye të ndryshme, dhe vendosja e stentëve të përshtatshëm për ngushtimet.

• Gastrostomia perkutane endoskopike (PEG): Hapja e një rruge në stomak me metodë endoskopike për të hapur një rrugë ushqyese afatgjatë te pacientët me ngushtime të ezofagut ose te pacientët që nuk mund të ushqehen nga goja, dhe ushqyerja e pacientit përmes saj.

• Heqja e trupave të huaj: Heqja, me endoskop, e gjilpërave, monedhave etj. që janë gëlltitur për aksident.

• Kolangiopankreatografia retrograde endoskopike (ERCP): Përdoret për heqjen pa operacion të gurëve biliarë, largimin e ngushtimeve të traktit biliar dhe vendosjen e stentit.