Ендоскопска Лабораторија

Ендоскопијата е постапка за преглед на хранопроводот, желудникот, жолчните патишта и цревата со свиткив (флексибилен) уред, на чиј врв има систем со светло и микрокамера.

Во ендоскопската единица:

• Гастродуоденоскоп

• Колоноскоп

• Дуоденоскопи (ERCP): услугите се даваат со видеоендоскопски модели, а може да се направи снимка и запис на CD.

Ендоскопската единица се користи не само за дијагностички, туку и за терапевтски цели. Чистењето, дезинфекцијата и стерилизацијата на ендоскопот и на другите користени инструменти се многу важни. Во нашата единица постапките се изведуваат со автоматски уреди за миење и стерилизација. Може да се направи извештај за постапките, нивно сликање и, по потреба, снимање на CD и архивирање, а еден примерок му се дава на пациентот. Иако при ендоскопските испитувања компликациите се сведени на минимум, за брза интервенција при секаков вид компликации и реакции што можат да се појават во одделот, достапна е CRACH CAR (колица со лекови и материјали за секаков итен третман). Опремена е со кислород, вакуум, монитор, дефибрилатор и инструменти за интубација. Можеби најважниот дел од ендоскопските прегледи е предноста во раната дијагноза на карцином. Тешкотиите при лекувањето на задоцнето откриени карциноми на дигестивниот систем, па дури и невозможноста кај некои типови, и понатаму остануваат голем проблем. Можноста карциномите да се дијагностицираат пред да пораснат и да се прошират е охрабрувачка и при лекувањето. Иако карциномот на желудникот во Јапонија и карциномот на колонот во Америка се многу почести отколку во нашата земја, процентот на смртност од овие болести е помал од нашиот. Причината за тоа се периодичните ендоскопски скрининзи што се спроведуваат во Јапонија и Америка. Лекувањето на карциномите на желудникот и колонот, дијагностицирани во рана фаза, обично е можно. Во дијагнозата на заболувањата на дигестивниот систем, покрај ендоскопијата, голема улога имаат и методите на сликање и биохемиските испитувања. Ултразвук, компјутерска томографија, магнетна резонанца и слични технологии за сликање често се користат. Нашата радиолошка единица му помага на одделот при дијагностицирање на комплицирани случаи, а истовремено овозможува земање биопсија од органи како црниот дроб и панкреасот под контрола на слика (инвазивна радиологија) и поставување конечна дијагноза. Биохемиските испитувања, покрај рутинските, со испитувања на хормони и маркери за карцином ја поддржуваат работата на нашата единица за гастроентерологија.

Дијагностичка ендоскопија

• Езофагогастродуоденоскопија: Се користи за преглед на хранопроводот, желудникот и дванаесетпалниот црев.

• Колоноскопија: Се користи за преглед на аналниот канал, ректумот и дебелото црево.

• Ендоскопска ретроградна холангиопанкреатографија (ERCP): Се користи за преглед на жолчните патишта.

Терапевтска ендоскопија

• Полипектомија: Ендоскопско отстранување на полипи во дебелото црево и желудникот, без операција.

• Склеротерапија: Запирање на крварења од варикси и крварења од улкус со ендоскопска инјекција.

• Бантлигација: Лекување на варикси на хранопроводот и хемороиди со ендоскопско врзување со еластична лента

• Дилатација и поставување стент: Проширување на стеснувања во дигестивниот систем, настанати од различни причини, преку ендоскоп со булка или балон, и поставување соодветни стентови на стеснувањата.

• Перкутана ендоскопска гастростомија (PEG): Кај пациенти со стеснувања на хранопроводот или кај оние кои не можат да јадат преку уста, со ендоскопска постапка се прави отвор во желудникот за долготрајно хранење и пациентот се храни преку него.

• Отстранување туѓи предмети: Отстранување со ендоскоп на игли, пари и слични предмети што случајно се голтнати.

• Ендоскопска ретроградна холангиопанкреатографија (ERCP): Се користи за отстранување жолчни камења без операција, за отстранување стеснувања на жолчните патишта и за поставување стент.