Интензивна Нега

Нашите единици за интензивна нега, во кои се дијагностицираат и лекуваат пациенти со критичен ризик по животот или пациенти на кои по хируршка интервенција им е потребно внимателно следење, се дизајнирани според потребите на пациентите: општа интензивна нега, кардиоваскуларна интензивна нега, хируршка интензивна нега, коронарна интензивна нега и неонатална интензивна нега. Најсовремената, светски призната практика секој пациент во единицата да има посебна соба доследно се применува и во нашата болница. Благодарение на посебните сестрински пултови сместени пред секоја соба, следењето на пациентите се одвива во идеални услови, а во специјално уреден простор во единицата пациентот може да се измие по целото тело без да се крене од креветот. Креветите во Единицата за општа интензивна нега се дизајнирани така што овозможуваат итна интервенција во ургентни состојби. Со монитори што ги прикажуваат виталните функции, електронски шприц-пумпи и инфузиски пумпи што ја контролираат брзината на лековите што се даваат интравенски, апарати за аспирација, вештачко дишење и испитување на срцевата функција, како и друга опрема, тие овозможуваат најдобро лекување и нега.