Иако причината за јинекомастија не е целосно позната, таа се јавува како зголемување на грудното ткиво кај мажите. Најчесто се смета дека се јавува поради прекумерна телесна тежина, но особено бодибилдингот и одредени земени лекови може да предизвикаат јинекомастија.
Најчесто се јавува во пубертетскиот период. Со текот на времето овој проблем може да помине, но ако не помине, се лекува со хируршка интервенција во зависност од состојбата на грудите. Специјалистите од Одделот за општа хирургија на Hisar Hospital Intercontinental дадоа информации за методите на лекување на зголемувањето на грудите кај мажите.
Јинекомастијата не мора секогаш да се јави на двете гради
Структурно, како и кај жените, и кај мажите постои грудно ткиво. Меѓутоа, ова ткиво може да биде значително помало во споредба со жените поради ниското ниво на естроген. Во некои случаи, кога машката градна ќе порасне и добие поголем и женствен изглед од нормалниот, се вели дека станува збор за јинекомастија. Проблемот со јинекомастија може да се јави на една или на двете гради.
Може да се јави заедно со пубертетот
Проблемот со јинекомастија најчесто се јавува кај мажите во возраст од 18 до 25 години, кои влегуваат во пубертет, а по стабилизирањето на хормоните по пубертетот кај 30% од пациентите може да дојде до намалување и спонтано подобрување. Кај приближно 40 до 60% од мажите може да се јави јинекомастија во одредено ниво.
Внимавајте на употребата на лекови и на прекумерната телесна тежина!
Општо земено, кај 65% од пациентите со зголемување на грудите, иако причината не е целосно објаснета, задолжително треба да се испитаат можните основни заболувања. Хормонални нарушувања, заболувања што се манифестираат со недостаток на тестостерон и одредени синдроми, состојби што можат да предизвикаат зголемување на естрогенот, тумори на тестисите, тумори на надбубрежната жлезда, заболувања на тироидната жлезда, тумори на белите дробови и црниот дроб, цироза на црниот дроб, долготрајна употреба на алкохол и одредени лекови и супстанции (антидепресиви, дроги, супстанции што се користат во бодибилдингот) и прекумерно зголемување на телесната тежина се познати причини за јинекомастија.
Јинекомастијата може да биде предвесник на болест кај пациентот!
Бидејќи јинекомастијата може да биде прв знак на одредени заболувања, по внимателен преглед треба да се процени и естетската страна на проблемот. Кај некои пациенти, во зависност од состојбата, јинекомастијата може да предизвика болки. Меѓутоа, причина за јавување на пациентите најчесто се естетските грижи.
Дијагнозата и типот на јинекомастија се утврдуваат со ултразвучен преглед
Јинекомастијата може да се подели на три типа: жлездест, масен и мешан. Кај жлездестиот тип во преден план е зголемувањето на структурите на млечната жлезда. Кај масниот тип, пак, не постои зголемување на грудното ткиво, туку зголемување на масното ткиво околу него. Овој тип особено често се јавува кај пациенти кои често слабеат и дебелеат и кои користат алкохол. Кај мешаниот тип, пак, во одредени пропорции се јавуваат двата типа на зголемување заедно. За утврдување на типот на јинекомастија може да се користи ултразвучен преглед.
Начинот на лекување се применува според состојбата на градите
Основниот метод за лекување на јинекомастија е хируршки. Хируршката интервенција се извршува со два метода. Тоа се директно хируршко отстранување и метод на аспирација на маст, наречен липосукција. Во зависност од состојбата на јинекомастијата, овие методи може да се применат поединечно или заедно.
Кога причина за јинекомастијата е прекумерното грудно ткиво, односно кај жлездестиот тип на јинекомастија, зголеменото грудно ткиво се отстранува хируршки преку кружен рез на врвот на градта. Кога е потребно, може да се примени заедно со липосукција за намалување на околното масно ткиво.
Кај масниот тип на јинекомастија проблемот може да се реши и само со липосукција (аспирација на маст). Овој зафат се извршува преку канили што се вметнуваат низ рез од 2-3 mm. Најголемата предност на оваа опција е тоа што не се формира белег што би претставувал естетски проблем. Операциите може да се извршуваат во општа или локална анестезија. Пациентите може да бидат отпуштени од болница истиот ден по хируршката интервенција.
