Повторувани загуби на бременоста

Повторувана загуба на бременост се дефинира како три или повеќе бремености што завршуваат со спонтан абортус пред 20-тата недела од бременоста. Кај 10-20'% од жените може да се појави 1 спонтан абортус. Односно, 1 од 5 жени може да има 1 спонтан абортус во текот на животот. Но, последователни три или повеќе спонтани абортуси се јавуваат кај 1 од 100 жени. Ова може да ги постави во тешка положба паровите, како и лекарот што ја води болната.

Кога треба да се испитаат загубите на бременоста?

Иако повторувана загуба на бременост се дефинира како три или повеќе загуби, 2 последователни загуби на бременоста, односно спонтани абортуси во второто тримесечје на бременоста, се доволни за започнување на дијагностичко испитување.

Кои се причините?

Причините за повторувани загуби на бременост може да се класифицираат во 6 групи;

Причини поврзани со згрутчувањето на крвта

Хормонални причини

Системски болести кај мајката

Причини поврзани со имунолошкиот систем

Структурни нарушувања на матката кај мајката

Генетски нарушувања кај идната мајка и идниот татко

Кои испитувања се направаат при испитување на причините за спонтаните абортуси?

1. Испитувања поврзани со згрутчувањето на крвта: Тромбофилијата е нарушување поврзано со згрутчувањето на крвта. Предизвикува згрутчување на крвта во крвните садови. Кај жените со ова нарушување може да се појави нарушено циркулирање на крвта во плацентата, што може во подоцнежните фази на бременоста да доведе до губење на бебето во матката.

2. Хормонални причини:Кај 15-25% од болните со повторувани загуби на бременост постои состојбата наречена „лутеална фазна дефект“. Покрај тоа, недостаток или вишок на многу хормони, како хормоните на тироидната жлезда, може да предизвика загуби на бременоста.

3. Болести кај мајката: Дијабетес, синдром на полицистични јајници, тироидни болести и дебелина кај мајката може да доведат до повторувани загуби на бременост.

4. Причини поврзани со имунолошкиот систем: Кај повторувани загуби на бременост се смета дека одредени нарушувања на имунолошкиот систем на мајката ѝ штетат на бремноста.

5. Структурни нарушувања на матката кај мајката: За здрава бременост многу е важна матката во која се сместува бебето. Деформации на матката, маси, сраснувања, миоми и полипи може да предизвикаат спонтани абортуси. Кај болните со повторувани загуби на бременост најчесто се утврдува структурата наречена септум, која ја дели шуплината на матката на два дела.

6. Генетски нарушувања кај идната мајка и идниот татко: Како што е познато, за формирање на бебе потребно е здравите гени од мајката и таткото да се спојат. Кај парови со повторувани загуби на бременост може да се направи генетско испитување и кај идната мајка и кај идниот татко. Но, поважно е дека кај болните со повторувани загуби на бременост генетското испитување на материјалот од претходниот спонтан абортус ќе биде многу корисно.

Какво лекување може да се направи? Дали мирувањето во кревет има корист?

Во лекувањето, основното и успехот се насочени кон утврдување на причината. Кога причината за загубите на бременоста ќе се утврди со горенаведените испитувања, лекувањето ќе биде многу полесно. Од друга страна, болните кои имале повеќе од една загуба на бременоста често во следните бремености избираат непрекинато мирување во кревет, со цел бременоста да не се загрози. Меѓутоа, спроведените студии покажуваат дека мирувањето во кревет не ги намалува загубите на бременоста. Затоа, наместо на пациентките да им се препорача долготрајно и непрекинато лежење во кревет, може да им се препорача ограничување на активностите, со што ќе поминат во помалку стресен процес. Парови што доживеале повторувани загуби на бременост ги очекуваме во нашиот центар, со цел научна и човечка поддршка и советување на патот кон родителството.