Эмбрионды қырыну дегеніміз не?
ЭКҰ (түтік бала) емдеуінде ұрықтанғаннан кейін алынған эмбриондар ана жатырына салынады және сонда өсіп-дамуын жалғастырады. Алайда кейбір жағдайларда ең сапалы эмбрион да ауыстырылса, жүктілік пайда болмайды. Бұның себептерінің бірі — эмбрионды қоршаған қабықтың жарылмауы және ана жатырына бекімеуі.
Эмбрионды қырыну — зона пелюцида деп аталатын, эмбрионның сыртқы қабатындағы қорғаныш қабықты зертхана жағдайында жұқартy немесе тесу. Бұл әдіс, әсіресе, көбею жасында болған, жасы ілгері әйелдерде жүктілік мүмкіндігін арттырады.
Эмбрионды қырыну әдістері қандай?
Эмбрионды қырыну үшін үш түрлі әдіс басым қолданылады.
Механикалық қырыну
Механикалық қырыну барысында ұстағыш пипетка арқылы бекітілген эмбрионның айналасындағы қабыққа микроине арқылы тесік ашылады. Содан кейін қабықта сызық пішініндегі айқас саңылау жасау үшін осы әрекет тағы бір рет орындалады.
Химиялық қырыну
Дәстүрлі түрде қолданылатын бұл әдіс барысында зонаны тесу үшін тирод ерітіндісі (tyrode) деп аталатын қышқылды ерітінді түрі пайдаланылады. Арнайы ұстағыш пипетка арқылы эмбрион бекітіледі де, қышқыл ерітіндімен жанасқан эмбрионның бетінде кішкене тесік ашылуы қамтамасыз етіледі. Содан кейін жуылған эмбрион ауыстырылғанға дейін өсіру ортасында ұсталады.
Лазермен қырыну
Қолдануы оңай және аз уақыт алатындықтан, эмбрионды қырыну үшін ең көп таңдалатын әдіс — лазер процедурасы. Ол 3 немесе 5-күндік эмбрионларда қолданылады. Ана жатырына ауыстырудан қысқа уақыт бұрын, лазердің көмегімен эмбрионның зонасына кішкене тесік ашылады. Содан кейін ауыстыру процедурасы орындалады.
Эмбрионды қырынуды кімдерге қолданады?
Эмбрионды қырыну процедурасы әдетте;
38 жастан үлкен пациенттерде
Қалың эмбрион қабығы бар пациенттерде
Қабық құрылымында проблема бар жағдайларда
Сәтсіз жүктілік әрекеттері болған жұптарда
FSH деңгейі жоғары пациенттер тобында
таңдалады.