Инсеминация (IUI) — жүкті бола алмайтын немесе жүктілікте қиындық көретін жұптар үшін жүктілік мүмкіндігін арттыра алатын табиғи бедеулікті емдеу әдісі. Орындау үшін амбулаториялық жағдайлар қажет.
Инсеминация емі кімдерге қолданылады?
Инсеминация емі;
1 жыл бойы қорғалмаған жыныстық қатынасқа қарамастан жүкті бола алмайтын әйелдерде,
Бедеулікті зерттеу тесттерінің нормаль мәнде болуына қарамастан жүктілік бола алмайтын әйелдерде,
4-5 ай бойы аналық без бақылауы мен емі қолданылып, нәтиже алынбаған әйелдерде,
Жатыр мойны бөлінділері дені сау емес әйелдерде,
Вагинизм ауруы бар науқастарда,
Антиспермалық антиденесі бар науқастарда,
ұсынылады.
Оған қоса, инсеминация емін алғысы келетін науқастардың денсаулық жағдайына қойылатын кейбір шарттар да бар.
Әйелдер үшін;
Аналық бездің нормаль резерві,
Аналық бездердің жұмыс істеуі,
Түтіктердің ашық болуы,
Дені сау жатыр,
Ерлер үшін;
Нормаль мәндегі сперманың құрылымы,
Инсеминация үшін жеткілікті сперма саны мен қозғалысы
қажет. Жоғарыдағы шарттарды орындай алмайтын науқастар үшін инсеминация емінде табысқа жету мүмкіндігі азаяды.
Инсеминация рәсімі қалай жасалады?
Инсеминация рәсіміне бақылау етеккір циклінің 2-ші немесе 3-ші күнінен басталады.
Ол үшін;
1-3 апта бойы жұмыртқалардың дамуын ынталандыру үшін ауыз арқылы қабылдайтын таблетка немесе ине жасалады, ал даму процесі ультрадыбыс арқылы мерзім-мерзіммен бақыланады.
Жұмыртқа қапшықтарын ‘фолликул’ деп атайды. Овуляцияны қамтамасыз ету үшін фолликулдардың өлшемі орташа 18-20 мм-ге жетуі күтіледі.
Жеткілікті піскен фолликулдарға овуляцияны туындататын ине ретінде белгілі hCG иненің берілуі арқылы овуляция жүзеге асырылады.
Шамамен 34-36 сағаттан кейін андрология зертханасында түрлі өңдеулерден өтіп, жуылған және ең жақсы қозғалғыштары таңдалған спермалар канюль көмегімен әйелдің жатырына жіберіледі. Инсеминация үшін тірі сперма қолдану қажет болғандықтан, сперма үлгісі инсеминация күні таңертең алынуы тиіс.
Спермалардың жұмыртқаны ұрықтандырып, эмбрион түзуі және жатыр қабырғасына бекінуі күтіледі.
Осылайша жүктілік орын алады.
Инсеминация рәсімі жалпы алғанда орта есеппен 15 күнге созылады. Осы кезең ішінде рәсім 2-3 рет ультрадыбыс көмегімен бақыланады.
Жиі қойылатын сұрақтар
Инсеминация ауыратын рәсім бе?
Инсеминация рәсімінің қалыпты гинекологиялық тексеруден айырмашылығы жоқ. Анестезия қажет емес, ауырсынусыз рәсім. Науқас 15 минут демалғаннан кейін қалыпты өміріне оралуы мүмкін.
Инсеминация емі ең көп дегенде қанша рет жасалуы мүмкін?
Инсеминация рәсімінде әр етеккір кезеңіне жүктілік ету жиілігі 5-15 пайыз аралығында. Табыс көрсеткіші қозғалғыш спермалар саны артқан сайын жоғарылайды. Ең жақсы нәтижеге жету үшін қозғалғыш спермалар санының мл-ге 10 миллионнан асуы ұсынылады.
Рәсім ең көп дегенде 2 немесе 3 рет жасалуы мүмкін. 3-тен көп әрекет жасалғаннан кейін табыс мүмкіндігі төмендейді. Бұл кезеңнен кейін, әдетте, ЭКО (экстракорпоральды ұрықтандыру) емі ұсынылады.
Инсеминациядан кейін жүктілік қашан орын алады?
Инсеминация жасалғаннан кейін шамамен 12-14 күн өткен соң жүктілік тесті жасалып, жүктілікті күтуге болады.
Инсеминациядан кейін жүктіліктің барысы қандай?
Жүктілік қалыптасқаннан кейін барысы қалыпты жүктілік сияқты бақыланады. Қосымша бақылау қажет емес.