Түп бебек әдісімен бала сүйгісі келетін отбасылардың табыс мүмкіндігін арттыратын жаңа әдістердің бірі – ERA әдісін бедеулік және түп бебек мамандарынан білдік…
Era әдісі дегеніміз не?
Түп бебек емдеуінде табысты арттыру үшін жаңа әдістердің бірі – Era әдісі, Endometrial Receptivity Assay деген сөздердің бас әріптерінің қысқартылуынан тұрады. Бұл әдісте жатыр ішкі қабығынан алынған кішкене бөлшек 200-ден астам түрлі генетикалық тестке ұшыратылып, жатыр ішкі қабығының эмбрионды қабылдауға дайын екендігі дұрыс уақытта анықталады. Осылайша сапасы жақсы эмбрионды дұрыс уақытта жатыр ішіне салу арқылы жүктілік мүмкіндігі арттырылады.
Қалай қолданылады?
Науқасымыздың жатыр ішкі қабығынан өте кішкене үлгі аламыз. Бұл кішкене үлгіні алу кезінде жалпы анестезия беру қажет емес. Локалды анестезия және тыныштандырғыш емдеумен бұл кішкене бөлшекті оңай алып, генетикалық талдауға жібереміз. Генетикалық талдау бізге сол сәтте жатыр ішкі қабығының балаға қабылдауға жарамды-жарамсыз екенін айтады. Егер шынында да сол күні жарамды болса, науқасқа трансферді жоспарлай аламыз. Бұл процедура үшін эмбрионды мұздатып сақтаймыз. Қолайлы күн анықталғанда бір айдан кейін сол күні эмбрионды еріту арқылы ана жатырына орналастыруға тырысамыз. Әрине, жақсы нәтижелер біз үшін маңызды. Бүкіл әлемде қабылданған әдіс болғандықтан, біз де клиникамызда Era әдісін қолданамыз. Көп рет байқап көріп, жүкті бола алмаған науқастарға ұсына алатын жаңа әдіс – Era әдісі.
Қандай науқастар үшін қолайлы әдіс?
Түп бебек емдеуінде эмбрионның жатыр ішіне бекінуі мақсатында белгілі бір күндері трансфер жасалады, ал трансфер күні жұмыртқа жинау күнінен шамамен 5 күн кейін болады. Науқас бұрын 3 рет түп бебек жасап көрген болса және осы үш әрекетте барлығы 4 немесе одан көп сапалы және сау эмбрион салынған, әлі де жүкті бола алмаса, бұл біз үшін маңызды мәселе деген сөз. Эмбрион жасап, жатырға сала аламыз, бірақ ешқашан бекінбейді. Онда эмбрионнан емес, жатырдан туындаған мәселе бар деп ойлаймыз. Осы жерде Era әдісі көмекке келеді. Әдістің негізгі мақсаты – эмбрионды жатыр қай күні қабылдай алатынын өлшеу. Осы әдіспен көп рет түп бебек жасап, жүктілікке қол жеткізе алмаған кейбір науқастарымызда жүктілікке қол жеткізе алғанымызды көрдік.