Дамып келе жатқан технологиямен бірге қолданыла бастаған бластоцист трансфері — жетілдірілген ЭКҰ әдістерінің бірі.
Табиғи жолмен пайда болған жүктілікте жұмыртқа жасушасы мен сперматозоид жасушасының қосылуы, яғни ұрықтану нәтижесінде пайда болған бір жасушалы эмбрион, ұрықтанудан шамамен 5-6 күн өткен соң түтіктерден өтіп, ана жатырына бекінуге жол алады. Көлемі ұлғайып, айналасындағы қабықтан шыққан эмбрион осы кезеңде бластоциста деп аталады.
Эмбриондарды ана жатырына ұрықтанудан 2-3 күн өткен соң ауыстыратын дәстүрлі ЭКҰ емінен айырмашылығы, бластоцист трансфері әдісінде эмбриондар даму кезеңінің 5-6-шы күніне дейін зертхана жағдайында ұсталып, үдеріс бақыланады. Бластоциста кезеңіне жеткенде эмбрионның трансферi жүзеге асырылады. Трансферден 12 күн өткен соң жүктілік тесті жасалуы мүмкін.
Бұл әдіс арқылы бала көре алмайтын жұптардың жүктілікке мүмкіндігі дәстүрлі әдістермен салыстырғанда едәуір артады. Алайда әр жағдайға бірдей қолайлы емес. Эмбриннің қай кезеңде трансферленетініне шешім қабылдағанда пациенттің қазіргі ерекшеліктері, жатырдағы даму жағдайы, емдеу тарихы сияқты жеке өлшемдер ескерілуі тиіс.
Бластоцист трансфері кімдерге қолданылады?
Бластоцист трансфері әдетте:
35 жастан төмен әйелдерде
Ұрықтанудан кейінгі 3-ші күні 5 және одан көп сапалы эмбрионы бар жұптарға
Алдыңғы әрекеттерде 2 немесе 3-ші күні сапалы эмбрион трансферленгеніне қарамастан жүктілік болмаған жұптарда
Көпбалалы жүктілікті қаламайтын жұптарда
таңдалады.
Бластоцист трансферінің артықшылықтары қандай?
Жұптар өсу мүмкіндігі жоғарырақ эмбрионды таңдау арқылы жүктілікке көбірек мүмкіндік алады.
Тек ең сапалы бір немесе екі эмбрион таңдалып трансферленетіндіктен, көпбалалы жүктілік деңгейі төмендейді.
Бірнеше сәтсіз әрекеті бар жұптар үшін балама емдеу әдісі болып табылады.