Эндоскопия Зертханасы

Эндоскопия — өңеш, асқазан, өт жолдары және ішектерді ұшында жарық пен микрокамера жүйесі бар иілгіш (флексибл) құрал арқылы зерттеу әдісі.

Эндоскопия бөлімінде:

• Гастродуоденоскоп

• Колоноскоп

• Дуоденоскоптардың (ERCP) видеоэндоскопиялық үлгілері арқылы қызмет көрсетіледі, суреттер түсіріліп, CD-ға жазба жасалуы мүмкін.

Эндоскопия бөлімі тек диагностикалық мақсатта ғана емес, емдеу мақсатында да қолданылады. Эндоскоп пен басқа да қолданылатын құралдарды тазалау, дезинфекциялау және стерилизациялау өте маңызды. Біздің бөлімде автоматты жуу және стерилизациялау құрылғылары арқылы процедуралар жүргізіледі. Процедуралардың қорытындысын рәсімдеу, суретке түсіру және қажет болғанда CD-ға жазу, мұрағаттау мүмкін болып, бір данасы науқасқа беріледі. Эндоскопиялық зерттеу процедураларында асқынулар барынша азайтылғанымен, бөлімімізде туындауы мүмкін кез келген асқыну мен реакцияларға жедел араласу үшін CRACH CAR (Кез келген шұғыл араласуға арналған дәрі-дәрмек және құрал арбасы) бар. Оттегі, вакуум, монитор, дефибриллятор, интубация құралдарымен жабдықталған. Эндоскопиялық зерттеулердің, мүмкін, ең маңызды жағы — ерте рак диагностикасындағы артықшылығы. Ас қорыту жүйесінің кешеуіл анықталған обырларын емдеудің қиындықтары, тіпті кейбір түрлеріндегі мүмкін емес жағдайлар әлі де үлкен мәселе болып қалуда. Обырларды ісіп, таралып кетпей тұрып анықтау емдеуде де жақсы нәтиже береді. Жапонияда асқазан обыры, Америкада жуан ішек обыры еліміздегіге қарағанда әлдеқайда жиі кездесетініне қарамастан, бұл аурулардан болатын өлім бізге қарағанда азырақ пайызды құрайды. Мұның себебі — Жапония мен Америкада эндоскопиялық мерзімді скрининг жүргізілетіндігі. Ерте кезеңде анықталған асқазан және ішек обырларын емдеу әдетте мүмкін болады. Ас қорыту жүйесі ауруларын диагностикалауда эндоскопиядан басқа бейнелеу әдістері мен биохимиялық зерттеулер де үлкен үлес қосады. Ультрадыбыстық, томография, магниттік резонанс сияқты бейнелеу әдістері жиі қолданылады. Ауруханамыздың радиология бөлімі күрделі жағдайлардың диагностикасында бөлімімізге көмектесіп, сонымен қатар бауыр, ұйқы безі сияқты ағзаларды көру арқылы биопсия алуға (инвазивті радиология) және дәл диагноз қоюға мүмкіндік береді. Биохимиялық зерттеулер рутиналық тексерістерге қосымша гормон және обыр маркерлері арқылы гастроэнтерология бөлімімізнің жұмысын қолдайды.

Диагностикалық эндоскопия

• Эзофагогастродуоденоскопия: Өңеш, асқазан және он екі елі ішекті зерттеу мақсатында қолданылады.

• Колоноскопия: Анал каналы, тік ішек және жуан ішекті зерттеу мақсатында қолданылады.

• Эндоскопиялық ретроградтық холангиопанкреатография (ERCP): Өт жолдарын зерттеу үшін қолданылады.

Емдік мақсаттағы (терапиялық) эндоскопия

• Полипэктомия: Жуан ішек және асқазан полиптерін эндоскопиялық әдіспен, операциясыз алу.

• Склеротерапия: Варикоздық қан кетулер мен жара қан кетулерін эндоскопиялық әдіспен, инъекция арқылы тоқтату.

• Бантлигирование (лигатуралау): Өңеш варикозы мен геморроидты түйіндерді эндоскопиялық әдіспен, серпімді таспамен байлап емдеу.

• Дилатация және стент салу: Ас қорыту жүйесінде әртүрлі себептермен пайда болған тарылуларды эндоскоп арқылы бужи немесе баллон көмегімен кеңейту және тарылуларға сай стенттерді орнату.

• Перкутанды эндоскопиялық гастростомия (PEG): Өңеш тарылулары немесе ауыз арқылы тамақтана алмайтын науқастарда ұзақ уақыт бойы қоректену жолын ашу мақсатында эндоскопиялық әдіспен асқазанға саңылау ашып, науқастың осы арқылы қоректенуі.

• Бөтен денені алу: Кездейсоқ жұтылған инені, тиынды т.б. эндоскоп арқылы алу.

• Эндоскопиялық ретроградтық холангиопанкреатография (ERCP): Өт тастарын операциясыз алу, өт жолдарының тарылуын жою және стент орнату мақсатында қолданылады.