კუჭის ბოტოქსი რა არის? კუჭის ბოტოქსის პროცედურა როგორ ტარდება?

კუჭის ბოტოქსი რა არის?

კუჭის ბოტოქსი არის ენდოსკოპიურად ჩატარებული პროცედურა, რომლის დროსაც კუჭის გარკვეულ უბნებში, გარკვეულ სიღრმეზე შეჰყავთ ბოტულინის ტოქსინი, რათა შენელდეს კუჭის მოძრაობა. ეს არის ოპერაციის გარეშე სიმსუქნის მკურნალობის ერთ-ერთი მეთოდი. მიზანია სიმაძღრის შეგრძნების შექმნა და მშიერი შეგრძნების შემცირება.

როგორ ტარდება კუჭის ბოტოქსის ოპერაცია? / შესაძლებელია თუ არა მკურნალობა ოპერაციის გარეშე?

კუჭის ბოტოქსის პროცედურა ოპერაცია არ არის. ის სიმსუქნის ოპერაციის გარეშე მკურნალობის ერთ-ერთი მეთოდია. პროცედურა ენდოსკოპიის კონტროლის ქვეშ სრულდება. ტარდება ენდოსკოპიის აპარატის დახმარებით, ზოგადი ანესთეზიის გარეშე, ჭრილობის გაკეთების გარეშე.

რატომ კეთდება კუჭის ბოტოქსი?

კუჭის ბოტოქსი კეთდება ზედმეტი წონისგან თავის დასაღწევად. მთავარი მექანიზმი ემყარება კუჭის მოძრაობის შემცირებას და საკვების კუჭიდან წვრილ ნაწლავში გადასვლის სიჩქარის შენელებას. ამით იქმნება სიმაძღრის შეგრძნება და ეხმარება წონის დაკლებას.

არის თუ არა ეს ტკივილიანი და მტკივნეული პროცედურა?

კუჭის ბოტოქსის პროცედურის დროს და შემდეგ ტკივილი და მტკივნეული შეგრძნება არ არის.

ვის შეიძლება ჩაუტარდეს კუჭის ბოტოქსი?

კუჭის ბოტოქსი შეიძლება გაკეთდეს ყველასთვის, ვისაც ზედმეტი წონა აქვს. თუმცა ამ პროცედურის ჩასატარებლად გარკვეული კრიტერიუმებია საჭირო. ესენია:

პაციენტის სხეულის მასის ინდექსი 40-ზე დაბალი უნდა იყოს. 40 და მეტი სხეულის მასის ინდექსის მქონე პაციენტებისთვის სწორი მკურნალობის ვარიანტი სიმსუქნის ქირურგიაა.

პაციენტი 16 წელზე უფროსი უნდა იყოს.

პაციენტს ბოტულინის ტოქსინზე ალერგია არ უნდა ჰქონდეს.

პაციენტს კუნთ-ნერვული დაავადება არ უნდა ჰქონდეს.

კუჭში წყლულის, გასტრიტის მსგავსი დაავადების მქონე პირებს მკურნალობის შემდეგ ამ პროცედურის ჩატარება შეუძლიათ.

არსებობს თუ არა ასაკობრივი ზღვარი კუჭის ბოტოქსისთვის?

კუჭის ბოტოქსი 16-65 წლის ასაკში, შესაბამის კრიტერიუმებს დაკმაყოფილებულ ყველა პირს შეიძლება ჩაუტარდეს.

შეიძლება თუ არა ორსულებსა და მეძუძურ დედებში ჩატარება?

ორსულ და მეძუძურ დედებში კუჭის ბოტოქსი არ კეთდება.

არსებობს თუ არა წონის ზღვარი კუჭის ბოტოქსისთვის?

კუჭის ბოტოქსი შეიძლება ჩაუტარდეს სხეულის მასის ინდექსით 25-40 შუალედში მყოფ ყველა პაციენტს.

ვის არ უტარდება კუჭის ბოტოქსი?

ორსულ და მეძუძურ პაციენტებს,

ბოტულინის ტოქსინზე ალერგიის მქონე პაციენტებს,

სხეულის მასის ინდექსით 40-ზე მეტი მქონე პაციენტებს,

მძიმე ფორმის ატოპიური და ალერგიული მდგომარეობის მქონე პაციენტებს,

კუჭში კიბოს მსგავსი მძიმე დაავადების მქონე პაციენტებს,

მიასთენია გრავისის მსგავსი კუნთ-ნერვული დაავადების მქონე პირებს არ უტარდებათ.

როგორ იწვევს კუჭის ბოტოქსი წონის დაკლებას?

შეყვანილი ბოტულინის ტოქსინი (ბოტოქსი) დროებით დააპარალიზებს კუჭის მოძრაობას უზრუნველმყოფ კუნთოვან შრეს, რის გამოც კუჭის მოძრაობა ნელდება და იქმნება სიმაძღრის შეგრძნება და გვიან მშიერი შეგრძნება, რაც წონის დაკლებას უზრუნველყოფს.

ეფექტურია თუ არა კუჭის ბოტოქსი?

თუ საკმარისი რაოდენობით შეიყვანება კუჭის შესაბამის უბანში, კუჭის ბოტოქსი საკმაოდ ეფექტურია.

რამდენ ხანს გრძელდება კუჭის ბოტოქსის ეფექტი?

ეფექტის ხანგრძლივობა საშუალოდ 5-6 თვეა.

რამდენი კილოგრამის დაკლებაა შესაძლებელი კუჭის ბოტოქსით?

პროცედურის ეფექტურად ჩატარების შემთხვევაში, პაციენტის ასაკის, სქესის, სხეულის მასის ინდექსისა და კვების რეჟიმის მიხედვით, შესაძლებელია 15-35kg შუალედში წონის დაკლება.

რამდენ ხანს გრძელდება კუჭის ბოტოქსის პროცედურა?

პროცედურის ხანგრძლივობა საშუალოდ 20 წუთია. კუჭის ბოტოქსის პროცედურა სრულდება სედაციის ქვეშ (ძილში მოყვანით), ენდოსკოპიურად, კუჭის გარკვეული უბნების კუნთოვან შრეებში გარკვეული რაოდენობის ბოტულინის ტოქსინის შეყვანით.

საჭიროა თუ არა საავადმყოფოში დაწოლა?

კუჭის ბოტოქსის პროცედურის შემდეგ საავადმყოფოში დაწოლა საჭირო არ არის.

როგორია კუჭის ბოტოქსამდელი მზადება?

კუჭის ბოტოქსის პროცედურამდე საჭიროა 6 საათიანი მარხვა. პროცედურამდე 4-5 დღით ადრე იწყება კუჭის დამცავი პრეპარატები, როგორიცაა ლანსოპრაზოლი/პანტოპრაზოლი. პროცედურამდე პაციენტს უტარდება ანესთეზიოლოგიური გასინჯვა. პროცედურამდე პაციენტს, საჭიროების შემთხვევაში, დიეტოლოგთან და ფსიქოლოგთან უზრუნველყოფილია პირველი კონსულტაციები.

აქვს თუ არა კუჭის ბოტოქსს გვერდითი მოვლენები / ზიანი?

ბოტულინის ტოქსინი კოსმეტიკურ პროცედურებში ხშირად და უსაფრთხოდ გამოიყენება. კუჭში შეყვანილ ბოტოქსს, თუ პაციენტს ალერგია და კუნთის დაავადება არ აქვს, მძიმე გვერდითი მოვლენა არ აქვს.

წარმოიქმნება თუ არა კუჭში მუდმივი დაზიანება კუჭის ბოტოქსის პროცედურის შემდეგ?

ბოტოქსის პროცედურა შესაბამისი დოზით, კუჭის შესაბამის უბანსა და შესაბამის კუნთოვან შრეში ჩატარების შემთხვევაში, მუდმივი დაზიანების რისკი უკიდურესად დაბალია.

მეტ შებერილობას განვიცდი თუ არა ბოტოქსით?

კუჭის ბოტოქსს ნაწლავების მუშაობის სისტემაზე არავითარი გავლენა არ აქვს. ნაწლავის ატონიის მქონე პირებში დამატებით უარყოფით ეფექტს არ ქმნის.

ვრცელდება თუ არა ბოტოქსი სხეულში?

ბოტულინის ტოქსინი ლოკალურად მოქმედებს. რადგან რაოდენობა ძალიან მცირეა, სხეულში მისი გავრცელება ნაკლებად სავარაუდოა.

რით განსხვავდება კუჭის ბოტოქსი კუჭის ბალონისგან?

კუჭის ბალონის მოქმედების მიზანიც სიმაძღრის შეგრძნების შექმნა და ადრეული გაძღომის უზრუნველყოფაა. ბოტოქსშიც იგივე მექანიზმი მოქმედებს. თუმცა ბოტოქსის პროცედურის დროს კუჭში უცხო სხეული არ თავსდება.

რას უნდა მიექცეს ყურადღება კუჭის ბოტოქსის შემდეგ?

მცირე მოცულობის, მაღალი კალორიულობის საკვები არ უნდა იქნას მიღებული.

გაზიანი სასმელების, შაქრიანი სიროფებისა და შეფუთული საკვების მიღებას თავი უნდა აარიდოთ.

ბოტოქსის პროცედურის შემდეგ ქირურგის/დიეტოლოგის/ფსიქოლოგის კონტროლი არ უნდა დაირღვეს.

როგორი უნდა იყოს კვება კუჭის ბოტოქსის შემდეგ?

კუჭის ბოტოქსის შემდეგ კვება 2 საათის შემდეგ შესაძლებელია.

გაზიანი სასმელების, ნახშირწყლების, სიროფებისა და ალკოჰოლის მოხმარება უნდა შეიზღუდოს. საჭირო რაოდენობით უნდა მოიხმაროთ კვების სპეციალისტის მიერ თქვენთვის შერჩეული საკვები სახეობები.

სიგარეტს კუჭის ბოტოქსზე არც დადებითი და არც უარყოფითი გავლენა არ აქვს. სიგარეტის მოხმარება არ არის რეკომენდებული.

პროცედურის შემდეგ პირველი 3 დღის განმავლობაში ყავის დალევა არ არის რეკომენდებული.

პროცედურის შემდეგ თქვენი დიეტოლოგი მოამზადებს თქვენთვის კვების სიას.