ბოლო წლებში ბიომატერიალების ტექნოლოგიის სწრაფმა განვითარებამ ორთოპედიასა და ტრავმატოლოგიასთან დაკავშირებულ მრავალ დაავადებაში თვითდაშლადი იმპლანტები მეტალის იმპლანტებს ჩაანაცვლა.
დაახლოებით 20 წელია, მხოლოდ ხელის მცირე ძვლების მოტეხილობებში გამოყენებადი ეს იმპლანტები ორთოპედიასა და ტრავმატოლოგიასთან დაკავშირებული ყველა სფეროში გამოყენება დაიწყო. ამ ფაქტს ყურადღებას აქცევენ Hisar Hospital Intercontinental-ის ორთოპედიისა და ტრავმატოლოგიის სპეციალისტები და განმარტავენ: ‘ახლა ჩვენ თვითდაშლად იმპლანტებს ვიყენებთ არა მხოლოდ მცირე ძვლების მოტეხილობებში, არამედ, განსაკუთრებით, იმ ყველა ძვალში, რომელიც დატვირთვას არ ატარებს და მექანიკურად მძიმე წნევის ქვეშ არ იმყოფება. ამ იმპლანტებს “bioabsorbable” იმპლანტებს უწოდებენ და გარკვეული დროის შემდეგ ისინი ნამდვილად ძვალთან ერთიანდებიან და ქრებიან. გარდა ამისა, ჩატარებული ბიომექანიკური ტესტები აჩვენებს, რომ ეს იმპლანტები მეტალებთან შედარებით უფრო მსუბუქია და იგივე გამძლეობისაა. ასევე, მოტეხილობების გარდა, ეს იმპლანტები განსაკუთრებით მუხლში წინა ჯვრისებრი იოგის აღდგენისას, მხრის სახსარში მყესებისა და კაფსულების გახევების აღდგენისას, ანუ სპორტული ტრავმების აღმოფხვრისას, უსაფრთხოდ შეიძლება გამოყენებულ იქნას. ამგვარად, პაციენტები ადრეული რეაბილიტაციის შედეგად ძალიან მოკლე დროში უბრუნდებიან სამუშაოსა და ნორმალურ ცხოვრებას. ასევე, რადგან ეს მასალები თვითდაშლადია, მეტალის იმპლანტებისგან განსხვავებით, იმპლანტის მოსაშორებლად მეორე ოპერაცია აღარ არის საჭირო. კიდევ უფრო მნიშვნელოვანია, რომ ისინი რენტგენოგრაფიულ სურათებსა და მაგნიტურ-რეზონანსული გამოსახულების ტექნიკაში არ აფუჭებენ სურათს და არ ფარავენ ანატომიურ სტრუქტურებს, რის გამოც ოპერაციის შემდგომი შეფასება და მონიტორინგიც უფრო ჯანსაღად შეიძლება ჩატარდეს’ — განაცხადეს მათ.
