ღრძილის დაავადებები და მკურნალობა

ღრძილის დაავადებების მიზეზები

ღრძილის დაავადებების პირველი მიზეზი არის დანალექები, რომელსაც მიკრობული დენტალური დაფა ეწოდება და რომელიც კბილების ყოველ ზედაპირზე და მათ შორის გროვდება; ის შეიცავს მრავალი სახის ბაქტერიას. თუ ეს დაფა არ გაიწმინდება, დაფაში არსებული ბაქტერიების მიერ გამომუშავებული მავნე ნივთიერებები იწვევს ღრძილის დაავადებებსა და კბილის კარიესს. მიკრობული დენტალური დაფა კბილის ფერისაა, ამიტომ მისი თვალით დადგენა საკმაოდ ძნელია. ეს დაფა რბილია და კბილების გახეხვით და კბილისძაფის გამოყენებით მარტივად მოიცილება. თუ დაფა არ მოიცილება, პაციენტიდან პაციენტამდე განსხვავებულ პროცესში ის კირდება და “‘კბილის ქვად”‘ გარდაიქმნება. კბილის ქვის უხეში ზედაპირი უფრო ადვილად და მეტი დაფის დაგროვებას უწყობს ხელს, რაც ანთების პროგრესირებას აჩქარებს.

ღრძილის დაავადებების მკურნალობა

სტომატოლოგი სპეციალური ინსტრუმენტების გამოყენებით აცილებს კბილის ქსოვილების გარშემო არსებულ კბილის ქვებსა და დაფას. მკურნალობის პირველი ეტაპი სრულდება, როდესაც პაციენტი თავად წმენდს ჯაგრისით, კბილისძაფითა და ინტერდენტალური ჯაგრისით. გადიდებული ღრძილის, უკან დახეული ღრძილის, ალვეოლური ძვლის დნობის შედეგად წარმოქმნილი სიცარიელეების (ჯიბის) და ძვლის დნობების სამკურნალოდ, ადგილობრივი anestezia-ს ქვეშ ტარდება ქირურგიული ჩარევები, რომლებშიც, დაკარგული ქსოვილების აღდგენის მიზნით, დამხმარე ბიომასალები (მემბრანა, ძვლის გრაფტი) გამოიყენება; ამ ჩარევებს პერიოდონტალური ოპერაციები ეწოდება. ოპერაციების შემდეგ 3-6 თვის ინტერვალით კონტროლია საჭირო.