ძუძუს ჯანმრთელობის კლინიკა

ჩვენს ექიმებთან ერთად, ჩვენს განყოფილებაში მუშაობენ ძუძუს ჯანმრთელობასა და დაავადებებში სპეციალიზებული ექთნებიც, რომლებიც თავიანთ გამოცდილებას იყენებენ როგორც პაციენტების განათლებაში, ისე მათ მოვლაში. ჩვენს კლინიკაში ყველა პროცედურა სრულდება თანამედროვე ცოდნის, ტექნოლოგიების, გამოცდილებისა და პაციენტებზე გულწრფელი ზრუნვის შერწყმით.

ჩვენი პაციენტზე ორიენტირებული და მულტიდისციპლინური მიდგომის წყალობით, დიაგნოსტიკის, მკურნალობის, მონიტორინგისა და მხარდაჭერის მომსახურება სპეციალურად თქვენთვის იგეგმება. მომსახურებას იღებთ ყოველგვარი შეწუხების გარეშე და ისე, რომ არ გიწევთ ფიქრი, რა უნდა გააკეთოთ შემდეგ. მთელი პროცესის განმავლობაში ყველა საკითხზე გაწვდით ინფორმაციას და უზრუნველვყოფთ თქვენს პირად მონაწილეობას დიაგნოსტიკისა და მკურნალობის მეთოდების არჩევაში.

ჩვენი კლინიკის მნიშვნელოვანი თავისებურებაა ისიც, რომ ძუძუს კიბოს დიაგნოზის მქონე პაციენტებს შეგვიძლია გავუწიოთ საჭირო ფსიქოლოგიური და სოციალური მხარდაჭერა მკურნალობის დროს და მის შემდეგ.

ძუძუს შემოწმება

ეს არის ძუძუს რუტინული შემოწმებები, რომლებიც ტარდება ასაკისა და რისკ-ფაქტორების მიხედვით. ისინი ასევე ცნობილია როგორც სკრინინგული ტესტები.

• ძუძუს გასინჯვა

• რისკების განსაზღვრა

• ლაბორატორიული კვლევები

• მამოგრაფია

• ძუძუს ულტრაბგერითი კვლევა

• ძუძუს MR

ძუძუს დაავადებების დიაგნოსტიკა

ჩვენს კლინიკაში კვლევებს ვატარებთ ფართო პროფილის კლინიკური და პათოლოგიური ლაბორატორიის, ციფრული მამოგრაფიის, დოპლერ-ულტრასონოგრაფიისა და MR-ის გამოყენებით. საჭიროების შემთხვევაში საეჭვო უბნებიდან ნიმუშს ვიღებთ ნემსით ბიოფსიით, რაც თანამედროვე ცოდნის, ტექნოლოგიებისა და მრავალწლიანი გამოცდილების წყალობით საშუალებას გვაძლევს ძუძუს ნებისმიერი დაავადება სწრაფად და ზუსტად დავადგინოთ.

რადგან ვიცით, რამდენად რთულია შედეგების ლოდინი, კვლევის შედეგებს იმავე დღეს გაწვდით, ხოლო პათოლოგიური კვლევის შედეგებს — არაუგვიანეს ორი დღისა. ერთად ვსაზღვრავთ თქვენთვის ყველაზე სწორ და ჯანსაღ გადაწყვეტას.

ინდივიდუალური, ზუსტი და სწრაფი მკურნალობა

ჩვენს კლინიკაში ძუძუს ყველა დაავადების, მათ შორის ძუძუს კიბოს მკურნალობისას, ვიყენებთ მულტიდისციპლინურ მიდგომას. მკურნალობისა და მონიტორინგის ყველა ეტაპზე ერთად ვმუშაობთ და თქვენ და თქვენს ახლობლებს ვრთავთ გადაწყვეტილების მიღების ყველა ეტაპში. როდესაც ოპერაციის შემდეგ დამატებითი მკურნალობაა საჭირო, ვთანამშრომლობთ შესაბამისი პროფილის ექიმებთან და სამედიცინო დაწესებულებებთან; მკურნალობის არცერთ ეტაპზე მარტო არ დაგტოვებთ. ჩვენი ექიმები და ექთნები მუდმივ კავშირზე არიან თქვენთან. ნებისმიერ საკითხზე ჩვენთან დაკავშირება შეგიძლიათ დღე-ღამის 24 საათის განმავლობაში. თქვენი დაავადების შესახებ ინფორმაციას ელექტრონულად ვაარქივებთ — როგორც გამოსახულების, ისე წერილობითი სახით, — რათა ყველა კვლევის შედეგზე ნებისმიერ დროს მარტივად გქონდეთ წვდომა. საჭიროების შემთხვევაში ამ ინფორმაციას სხვა ექიმებსა და დაწესებულებებსაც ვუზიარებთ.

მოზარდის ძუძუს დიაგნოსტიკა და მკურნალობა

სქესობრივი მომწიფების პერიოდში როგორც ბიჭებს, ისე გოგონებს შეიძლება ჰქონდეთ ჰორმონულ ცვლილებებთან დაკავშირებული ძუძუს ჩივილები. ყველაზე ხშირია ძუძუს ტკივილი და გამკვრივება. საჭიროების შემთხვევაში ჩვენი პედიატრიის განყოფილებების კონსულტაციით ვაფასებთ ჩივილებს და ვახორციელებთ მონიტორინგს.

ძუძუს კანის დაავადებების მკურნალობა

• ძუძუს კანის ალერგიული დაავადებების (ეგზემა, კონტაქტური დერმატიტი) მკურნალობა

• ძუძუს ქვეშ კანის სიწითლისა და უსიამოვნო სუნის გამომწვევი კანის დაავადებების (ინტერტრიგო) მკურნალობა

• ძუძუს ქვეშ და იღლიის მიდამოში კანის ნაკეცებში წარმოქმნილი რბილი კანის წანაზარდების (fibroma molle) მკურნალობა

• სქესობრივი მომწიფების პერიოდში ან ორსულობის შემდეგ ძუძუს კანზე გაჩენილი სტრიებისა და წვრილი ნაპრალების მკურნალობა დერმოკოსმეტიკური საშუალებებითა და ლაზერით

• ხალების (ნევუსების) მონიტორინგი

ძუძუს ესთეტიკა

ჯანმრთელი ძუძუს ესთეტიკა გულისხმობს ჯანმრთელ ძუძუზე არსებული თქვენთვის შემაწუხებელი მდგომარეობების — ფორმის დეფექტების, დაშვების, დიდი ან პატარა ძუძუს — ქირურგიულ კორექციას. ძუძუს ესთეტიკურ ოპერაციამდე ჩვენი გუნდი ჩაგიტარებთ ძუძუს ჯანმრთელობის შემოწმებას.

პლასტიკური ქირურგიის ოპერაციები ძუძუს კიბოს ოპერაციების შემდეგ:

ეს არის ახალი ძუძუს აღდგენის ან დარჩენილი და მეორე ძუძუს ფორმის კორექციის ოპერაციები. ოპერაციის ყველაზე შესაფერისი სახისა და დროის შესახებ გადაწყვეტილებას თქვენთან ერთად იღებს გუნდი, რომელშიც შედიან პლასტიკური ქირურგი, ზოგადი ქირურგი, სამედიცინო ონკოლოგი და რადიაციული ონკოლოგი.

ფსიქოლოგიური მხარდაჭერა

ფსიქოლოგიური მხარდაჭერა განსაკუთრებით სჭირდებათ ძუძუს კიბოს მქონე პაციენტებს. ამ მიზნით შემუშავებულია მეთოდები თითოეული პაციენტის საჭიროებების შესაბამისად.

მეძუძური დედები

მშობიარობისთანავე ჩვენი ექთან-ინსტრუქტორები გასწავლით ძუძუთი კვების ტექნიკას და მოგაწვდით ინფორმაციას, როგორ აჭამოთ ბავშვს დედის რძე, რომელიც აუცილებელია მისი ჯანსაღი განვითარებისთვის. ასევე შეგიძლიათ დაესწროთ ჩვენს სასწავლო მეცადინეობებს ისეთ თემებზე, როგორიცაა ძუძუს მოვლა, მშობიარობის შემდგომი პერიოდი და ჩვილის მოვლა.

შეცდომაა ძუძუს შემოწმებისთვის იმის ლოდინი, სანამ ძუძუში ხელით შესაგრძნობი წარმონაქმნი გაჩნდება. ძუძუს კიბოს ადრეული დიაგნოსტიკა მხოლოდ სკრინინგული პროგრამებითაა შესაძლებელი.