ორსულობის განმეორებადი დაკარგვები

ორსულობის განმეორებადი დაკარგვა განისაზღვრება, როგორც სამი ან მეტი ორსულობის დამთავრება სპონტანური აბორტით 20-ე ორსულობის კვირამდე. ქალების 10-20'%-ს შეიძლება ერთხელ ჰქონდეს სპონტანური აბორტი. ანუ 5 ქალიდან ერთს სიცოცხლის განმავლობაში შეიძლება ერთხელ ჰქონდეს სპონტანური აბორტი. თუმცა, ერთმანეთის მომდევნო სამი ან მეტი სპონტანური აბორტის ალბათობა 100 ქალიდან ერთში გვხვდება. ეს მდგომარეობა შეიძლება რთულ მდგომარეობაში ჩააყენოს როგორც წყვილი, ისე ექიმი, რომელიც პაციენტის მკურნალობას კისრულობს.

ორსულობის დაკარგვები როდის უნდა იქნას შესწავლილი?

მიუხედავად იმისა, რომ ორსულობის განმეორებადი დაკარგვა განისაზღვრება, როგორც 3 ან მეტი დაკარგვა, ორი მომდევნო ორსულობის დაკარგვა და ორსულობის მეორე ტრიმესტრში სპონტანური აბორტები დიაგნოსტიკური გამოკვლევის დასაწყებად საკმარისია.

რა არის მიზეზები?

ორსულობის განმეორებადი დაკარგვის მიზეზები 6 ჯგუფად შეიძლება დაიყოს:

სისხლის შედედებასთან დაკავშირებული მიზეზები

ჰორმონული მიზეზები

დედის სისტემური დაავადებები

იმუნური სისტემასთან დაკავშირებული მიზეზები

დედის საშვილოსნოს სტრუქტურული დარღვევები

მომავალი დედისა და მამის გენეტიკური დარღვევები

სპონტანური აბორტის მიზეზების გამოკვლევისას რა ტესტები ტარდება?

1. სისხლის შედედებასთან დაკავშირებული ტესტები: ტრომბოფილია არის სისხლის შედედებასთან დაკავშირებული დარღვევა. ის იწვევს სისხლძარღვებში სისხლის შედედებას. ამ დაავადების მქონე ქალებში შეიძლება დაფიქსირდეს პლაცენტაში სისხლის მიმოქცევის დარღვევა, რაც ორსულობის მომდევნო პერიოდებში საშვილოსნოში ნაყოფის დაკარგვას შეიძლება გამოიწვიოს.

2. ჰორმონული მიზეზები:ორსულობის განმეორებადი დაკარგვის მქონე პაციენტების 15-25'%-ში არსებობს მდგომარეობა, რომელსაც „ლუტეინური ფაზის დეფექტი“ ეწოდება. გარდა ამისა, მრავალი ჰორმონის, მაგალითად, ფარისებრი ჯირკვლის ჰორმონების დეფიციტი ან სიჭარბე შეიძლება ორსულობის დაკარგვის მიზეზი გახდეს.

3. დედაში არსებული დაავადებები: დედაში არსებული დიაბეტი, პოლიკისტოზური საკვერცხეების სინდრომი, ფარისებრი ჯირკვლის დაავადებები, სიმსუქნე შეიძლება ორსულობის განმეორებადი დაკარგვა გამოიწვიოს.

4. იმუნური სისტემასთან დაკავშირებული მიზეზები: ორსულობის განმეორებადი დაკარგვისას ითვლება, რომ დედის იმუნური სისტემასთან დაკავშირებული ზოგიერთი დარღვევა აზიანებს ორსულობას.

5. დედის საშვილოსნოს სტრუქტურული დარღვევები: ჯანმრთელი ორსულობისთვის დიდი მნიშვნელობა აქვს საშვილოსნოს, სადაც ბავშვი იდებს ბინას. საშვილოსნოს ფორმის დარღვევები, სიმსივნური წარმონაქმნები, შეხორცებები, მიომები და პოლიპები სპონტანურ აბორტებს შეიძლება გამოიწვიოს. ორსულობის განმეორებადი დაკარგვის მქონე პაციენტებში ყველაზე ხშირად გამოვლენილია სეპტუმი, ანუ საშვილოსნოს ღრუს შუაზე გამყოფი სტრუქტურა.

6. მომავალი დედისა და მამის გენეტიკური დარღვევები: როგორც ცნობილია, ბავშვის ჩასახვისთვის აუცილებელია დედისა და მამისგან მომდინარე ჯანმრთელი გენების შერწყმა. ორსულობის განმეორებადი დაკარგვის მქონე წყვილებში შეიძლება ჩატარდეს გენეტიკური კვლევა როგორც დედის, ისე მამის მხრიდან. თუმცა, ამაზე უფრო მნიშვნელოვანია, რომ ორსულობის განმეორებადი დაკარგვის მქონე პაციენტებში წინა ორსულობის სპონტანური აბორტის მასალის გენეტიკური კვლევა ძალიან სასარგებლო იქნება.

მკურნალობაში რა შეიძლება გაკეთდეს? აქვს თუ არა სარგებელი საწოლში დასვენებას?

მკურნალობის მთავარი და წარმატების საფუძველი მიზეზის დადგენაზეა მიმართული. ზემოთ აღნიშნული ტესტებით, როცა ორსულობის დაკარგვის მიზეზი დადგინდება, მისი მკურნალობა გაცილებით იოლი იქნება. მეორე მხრივ, რამდენიმე სპონტანური აბორტი განცდილი პაციენტები მომდევნო ორსულობებში, ორსულობის საფრთხის თავიდან ასაცილებლად, ხშირად ამჯობინებენ მუდმივ საწოლში დასვენებას. თუმცა ჩატარებული კვლევები აჩვენებს, რომ საწოლში დასვენება ორსულობის დაკარგვებს არ ამცირებს. ამიტომ, პაციენტებს ხანგრძლივად და მუდმივად საწოლში ყოფნის რეკომენდაციის ნაცვლად, შეიძლება შემოთავაზებული იქნას აქტივობების შეზღუდვა, რაც უფრო ნაკლებად სტრესული პროცესის გავლას უზრუნველყოფს. ორსულობის განმეორებადი დაკარგვა რომ განიცადეს წყვილებს, მშობლობისკენ მიმავალ გზაზე მეცნიერული და ჰუმანური თვალსაზრისით მხარდაჭერისა და კონსულტაციის მიზნით, ჩვენს ცენტრში ველოდებით.