სპეციფიკური სწავლის დარღვევა

სწავლის დარღვევა არის დარღვევა, რომელიც დიაგნოზირდება იმ პირებში, რომელთა ინტელექტი ნორმალური ან ნორმაზე მაღალია, როდესაც სტანდარტულ ტესტებში კითხვის, მათემატიკისა და წერითი გამოხატვის უნარი, ასაკისა და მიღებული განათლების გათვალისწინებით, მოსალოდნელზე მნიშვნელოვნად დაბალია. სწავლის დარღვევაში შედის კითხვის დარღვევა, წერითი გამოხატვის დარღვევა, მათემატიკის დარღვევა. სწავლის დარღვევის მქონე ბავშვების დიდ ნაწილს კითხვის სირთულის მქონე ბავშვები შეადგენენ. კითხვა არის ტვინთან დაკავშირებული მაღალი კორტიკალური (ტვინის გარე შრე-ქერქი) ფუნქცია, ამ ფუნქციის ნაწილობრივ დარღვევას 'დისლექსია' ეწოდება. მკითხველმა უნდა გარდაქმნას ვიზუალური ანბანური წერა ენობრივ ცნებებად. ეს ნიშნავს ასოების შესაბამის ბგერებად გარდაქმნას. ამის შემდეგ მას უნდა გაიგოს ასოების განლაგება ქაღალდზე. დისლექსიის მქონე ბავშვში ეს პროცესები არასაკმარისად მუშაობს.

ნიშნები

კითხვის ათვისებაში უჭირთ, ნელა და შეცდომებით კითხულობენ, წაკითხულს ვერ იგებენ.

აქვთ ვიზუალური აღქმის პრობლემები. (ზოგიერთი სიმბოლოს არასწორად აღქმა, მაგ. b-d, p-q, 6-9)

ვიზუალურ ფიგურასა და ფონს ერჩევიან სირთულით (ასოების გამოტოვება, სტრიქონების გამოტოვება)

ვიზუალური მეხსიერება სუსტია.

სმენითი აღქმა არასაკმარისია, სმენილის გარჩევაში სირთულეს განიცდიან.

სიტყვებში ასოებს ან ციფრებს არეული ან შებრუნებული სახით აღიქვამენ (ne-en, 12-21)

კითხვისას სიტყვებს შეიძლება გამოტოვებდნენ.

მარცვლების ბგერების არევა, თანხმოვნების ადგილის შეცვლა.

ხშირად აკეთებენ მართლწერის შეცდომებს.

ენობრივი განვითარება ნაწილობრივ შეფერხებულია, საკუთარი თავის გამოხატვა არასაკმარისია.

აქვთ ორგანიზაციის დარღვევა, დროს კარგად ვერ იყენებენ.

პოზიციის აღქმაში სირთულეს განიცდიან. (ნახტომი თოკით, ბურთის დაჭერა)

მიმართულების განსაზღვრაში, მარჯვნისა და მარცხნის გარჩევაში სირთულეები აქვთ.

მოტორული კოორდინაცია სუსტია. შეიძლება შეინიშნოს მოუხერხებლობა და უნიჭობა.

მათემატიკაში სირთულეები, გამრავლების ცხრილის ვერ სწავლა, სიმბოლოების არევა შეიძლება შეინიშნოს.