თანამედროვე ეპოქის თანამედროვე დაავადება: ქრონიკული დაღლილობის სინდრომი…

ბოლო დროს, გრიპის გარეშე, მუდმივად გტკივათ თავი და კუნთები; თუ ყოველ შემთხვევაში ისვენებთ, მაგრამ მაინც ვერ იკრებთ ძალას, შესაძლოა ქრონიკული დაღლილობის სინდრომი გქონდეთ.

მრავალ დაავადებასთან მსგავსი ნიშნების გამო შეუმჩნეველ ქრონიკულ დაღლილობის სინდრომზე Hisar Hospital Intercontinental-ის შინაგან დაავადებათა სპეციალისტმა, ექიმმა აქიფ ნური დოღანმა გვესაუბრა…

სიზუსტით არ არის ცნობილი დაავადების მიზეზი, მიუხედავად იმისა, რომ არსებობს რამდენიმე თეორია, აღნიშნავს ექიმი დოღანი; „ქრონიკული დაღლილობის სინდრომი არის ნერვული სისტემის ანთება, რომელიც იმუნური სისტემის დარღვევიდან წარმოიქმნება. დაავადება, რომელიც განსაკუთრებით ხშირად 30-50 წლის ასაკის ქალებში გვხვდება, სიმპტომებით გრიპს ან სხვა ვირუსულ ინფექციებს ძალიან ჰგავს. კუნთების ტკივილი, გადაჭარბებული დაღლილობა და თავის ტკივილი ყველაზე ხშირი ნიშნებია. მთავარი მიზეზი სტრესია.“ უთხრა მან.

ქრონიკული დაღლილობის სინდრომი მაქვს?

თუ მინიმუმ 6 თვის განმავლობაში, რაც არ უნდა იმდენს ისვენოთ, არ გივლით დაღლილობა,

ამ დაღლილობას თავისა და კუნთების ტკივილი ახლავს,

ტკივილი გიჭირთ ისე, რომ ყოველდღიურ აქტივობებს გიზღუდავთ,

ვარჯიშის შემდეგ 1 საათში გასაქრობი ტკივილები 24 საათი გრძელდება და არ მცირდება,

დაიწყეთ დავიწყებისა და კონცენტრაციის პრობლემები,

გაწითლება, შეშუპება და სხვა ართრიტის ნიშნების გარეშე სახსრების ტკივილები გაქვთ,

გაქვთ თავბრუსხვევის შეგრძნება,

5-8 საათი გძინავთ, მაგრამ ვერ ისვენებთ,

გაქვთ გადაჭარბებული მგრძნობელობა ხმის, ხმაურის, შუქისა და გარემო ფაქტორების მიმართ,

თუ ტემპერატურა, თუმცა არც ისე მაღალი, მაინც იზრდება (38,3-ზე ნაკლები ცხელება),

თუ ყელში ტკივილი და წვა გაქვთ, კარგი იქნება ექიმს მიმართოთ. შესაძლოა ქრონიკული დაღლილობის სინდრომი გქონდეთ.

დიაგნოსტიკა და მკურნალობა

ქრონიკული დაღლილობის სინდრომისთვის სპეციფიკური ტესტი არ არსებობს. ერთდროულად მინიმუმ ოთხი სიმპტომი უნდა იყოს. განსაკუთრებით მნიშვნელოვანია ხანგრძლივი, მიზეზის გარეშე არსებული დაღლილობა დიაგნოზის დასმაში. ჩატარებული გასინჯვისა და ტესტების საშუალებით შესაძლო მიზეზების გამორიცხვის შემდეგ, დიაგნოზირებული დაავადების სიმპტომური და კომბინირებული მკურნალობაა საჭირო. მკურნალობის მიზანია სიმპტომების შემცირება. ქრონიკული დაღლილობის სინდრომით დაავადებული ბევრი პაციენტი აღენიშნება დეპრესია და ფსიქოლოგიური აშლილობები, რომლებიც მკურნალობით უმჯობესდება. მკურნალობა მოიცავს:

· ქცევითი თერაპია და ზოგიერთი პაციენტისთვის დოზირებული ვარჯიში

· ჯანსაღი კვება

· ძილის მართვის ტექნიკები

· ტკივილის, დისკომფორტისა და სიცხის შემამცირებელი მედიკამენტური თერაპია

· შფოთვის მედიკამენტური მკურნალობა

· დეპრესიის მედიკამენტური მკურნალობის კომბინაცია.

ქრონიკული დაღლილობის სინდრომით დაავადებულ პაციენტებს აქტიური სოციალური ცხოვრებისკენ უბიძგებენ. რელაქსაციისა და სტრესის შემამცირებელი ტექნიკები ქრონიკული ტკივილისა და დაღლილობის შემცირებაში დაგეხმარებათ, მაგრამ ისინი ქრონიკული დაღლილობის სინდრომის მთავარი მკურნალობის მეთოდი არ არის. საშუალო ინტენსივობის ფიზიკური ვარჯიშიც სასარგებლო შეიძლება იყოს. ექიმი დაგეხმარებათ, თუ რამდენი აქტივობის შესრულება შეგიძლიათ და როგორ გაზარდოთ იგი თანდათან. თუ მუდმივ, ხშირ დაღლილობას გრძნობთ, დაავადების სიმპტომები გქონდეთ თუ არა, დაუკავშირდით თქვენს სპეციალისტს. სხვა სერიოზულმა დაავადებებმა შეიძლება მსგავსი ნიშნები გამოიწვიოს და მათი გამორიცხვა აუცილებელია.

ქრონიკული დაღლილობის სინდრომთან გამკლავების რჩევები…

· დაღლილობის მომენტებში ძალიან ბევრი ვარჯიშისგან თავი შეიკავეთ.

· დაბალანსეთ აქტივობის, დასვენებისა და ძილის დრო.

· დიდი დავალებები უფრო მცირე ნაწილებად დაყავით.

· უფრო რთული დავალებები კვირის განმავლობაში გაანაწილეთ.

· ღრმა სუნთქვის ვარჯიშები შეასრულეთ.