ჰემოროიდი არ დარჩეს თქვენში როგორც საიდუმლო!

ჰემოროიდი თითქმის ყველას შეიძლება შეხვდეს ცხოვრების რომელიღაც პერიოდში. ეს კეთილთვისებიანი, მაგრამ ცხოვრების ხარისხსა და სოციალურ ურთიერთობებს საკმაოდ აუარესებს დაავადებაა... ქალებში კაცებთან შედარებით უფრო ხშირად გვხვდება, მშობიარობის ან მოუძრაობელი ცხოვრების წესის გამო წარმოიქმნება.

Hisar Hospital Intercontinental-ის ზოგადი ქირურგიის განყოფილების სპეციალისტი ოპ. ექიმი Pakize Eker Balcıoğlu ისაუბრა ჰემოროიდის მიზეზებზე, სიმპტომებსა და დაცვისთვის კვების რეკომენდაციებზე.

ადრეულ ეტაპზე უოპერაციო მკურნალობით წარმატების მაღალი შანსი!

ჰემოროიდი, განსაკუთრებით ქალებში, ორსულობის პერიოდსა და მის შემდგომ, იმ შემთხვევაში, როცა ნაწლავების ჩვევები იცვლება დიარეით ან ყაბზობით, სტუდენტებში გამოცდების პერიოდში, ადამიანებში, რომლებიც სახლში ან სამსახურში სტრესულ პერიოდებს გადიან, ოჯახური მიდრეკილების მქონეთა შორის გვხვდება და ცხოვრებას აუტანელს ხდის. დაავადებაში კრიტიკული მომენტია სიმპტომების დაწყებისთანავე ექიმთან მისვლა. რადგან ადრეულ სტადიებზე მედიკამენტური მკურნალობა, როგორც წესი, წარმატებული ხდება და ჰემოროიდების პროგრესირებას აჩერებს. საზოგადოდ, ადამიანები ექიმთან სიარულს ერიდებიან და მაშინ მიმართავენ, როცა წამლების მკურნალობა აღარ შველის. ამიტომ, მიუხედავად იმისა, რომ წამლები იცდება, ბევრი პაციენტი იძულებული ხდება ოპერაცია გაიკეთოს.

ჰემოროიდი შეიძლება ასევე შიდა ნაწილშიც გამოჩნდეს

ანუსი, ანუ ნაწლავების გამოსასვლელი ნაწილი, რომელსაც შიდა და გარე კუნთები აკრავს, მის შიდა ზედაპირზე სამი ძირითადი ღეროს სახით არსებობს ვენური, ანუ ე.წ. „გამოყენებული“ სისხლის მატარებელი ვენები – ამ ვენებს ჰემოროიდული ვენები ეწოდება. ეს ვენები უკვე ვიწრო გამოსასვლელ ნაწილში სხვადასხვა ფაქტორების გამო იბერება. ერთი, ორი ან ყველა ერთდროულად შეიძლება დაიბეროს. ასევე შეიძლება დაიბერონ როგორც შიგნით – ისე, რომ ხელით ვერ ვიგრძნობთ, ასევე გარედან ჩანდეს. ჰემოროიდი ყაბზობისას დეფეკაციის დროს ფიზიკური გაღიზიანებით, დიარეისას კი ქიმიური გაღიზიანებით იწვევს სიმპტომებს.

ადრეული დიაგნოსტიკა ძალიან მნიშვნელოვანია!

ჰემოროიდის დროს ძირითადი სიმპტომებია: სისხლდენა, ტკივილი, წვა, ქავილი, ხელით მოსინჯვადი ხორცის ნაწილები ან ლორწოვანი ნაკაწრები, პულსაცია, ჩხვლეტა ან სიმძიმე. ყველა ერთდროულად შეიძლება გამოვლინდეს, ან მათგან ერთი ან რამდენიმე ერთად. ამ დროს ადრეული დიაგნოსტიკა ძალიან მნიშვნელოვანია, რადგან ეს სიმპტომები ყოველთვის არ ნიშნავს ჰემოროიდს – ზოგჯერ ისინი ნაწლავის ავთვისებიანი დაავადებებისა თუ სხვა ანალური დაავადებების მაუწყებელიც შეიძლება იყოს. ამ შემთხვევაში ყველაზე მეტად შიშის მომგვრელი ავთვისებიანი დაავადებებია, ამიტომ უმოკლეს ვადაში ექიმს მიმართვა ძალიან მნიშვნელოვანია.

ვერ შველის წამალი – ოპერაცია აუცილებელია!

გამოკვლევა, ხშირად ნაივე წარმოდგენისგან განსხვავებით, საკმაოდ ნაზად და ნელა ტარდება, არსებული ტკივილის გაძლიერების გარეშე. უპირველეს ყოვლისა, უპირატესობა ენიჭება მედიკამენტურ მკურნალობას, თუმცა ზოგჯერ, როცა წამლები არ შველის, დღეს უკვე არა ძველებური მტკივნეული მეთოდების, არამედ მოკლე დროში ნორმალურ ცხოვრებაში დაბრუნების საშუალებას მცირე ტკივილით მიმდინარე ოპერაციები ირჩევა.

ორსულობის პერიოდში ყველაზე ხშირად ქალებში ჩნდება

ქალებში ორსულობის პერიოდსა და მშობიარობის შემდეგ გამოვლენილ ჰემოროიდულ დაავადებაში, ბუნებრივი და საკეისრო მშობიარობის შემდეგ აღმოცენებულ შეტევებს შორის სიხშირით განსხვავება არ არის, რადგან ჰემოროიდული შეტევა დამოკიდებულია არა მშობიარობის ტიპზე, არამედ თავად ორსულობის ფაქტზე. ორსულობის 9 თვის განმავლობაში საშვილოსნო ბავშვთან ერთად იზრდება და თანდათანობით მატულობს, წნევას ახდენს ბარძაყის არეში არსებულ ფემორალურ ვენაზე – ე.წ. სხეულის ქვედა ნაწილის მქონე, დაბინძურებულ სისხლს შემგროვებელ და ზევით გამწმენდ ორ ვენაზე. ეს, ძირითადად, ორსულობის წინსვლასთან ერთად სისხლის მიმოქცევას ამცირებს და ქვედა ნაწილში დაგროვილი სისხლი ამ არეში არსებულ ჰემოროიდულ, ფეხის ვენებსა და პუბისის, ანუ გენიტალურ არეში არსებულ ვენებში იწვევს დაბერებას. აქედან გამომდინარე, ორსულობის წინსვლასთან ერთად იწვევს ვარიკოზს, ფეხების შეშუპებას, ჰემოროიდის გააქტიურებას და ზოგჯერ გენიტალურ არეში ვენების მტკივნეულ შეშუპებას, რომელიც თიაქრს ამსგავსებს. ორსულობის პერიოდშიც კი, ბავშვისთვის ზიანის არმომტან ზოგიერთ წამალს იყენებენ, რათა დედები დამშვიდდნენ. მნიშვნელოვანია, სიმპტომების დაწყებისას ექიმს მიმართონ. პირველ რიგში, მალამოებითა და ფითილებით და რეკომენდაციებით შესაძლებელია მომავალი დედების დამშვიდება.

ოპერაციით მოკლე დროში მუდმივი განკურნება!

ჰემოროიდის ოპერაციაში მთავარი, ყველაზე მტკივნეული და ხანგრძლივი გამოჯანმრთელების მქონე მეთოდია მილიგან-მორგანის მეთოდი; გამოიყენება ასევე მრავალი სხვა მეთოდი, როგორიცაა ბანდური ლიგირება, ლაზერი, სკლეროთერაპია და ლონგოს მეთოდები. დღეს ყველაზე ღირებული და ყველაზე ნაკლებად მტკივნეული მეთოდი ლონგოა, თუმცა თითოეულ პაციენტში გამოკვლევისას ჰემოროიდის სტადია განისაზღვრება და ირჩევა ყველაზე შესაფერისი მეთოდი. ლონგოს მეთოდი, როგორც წესი, გვიან სტადიებზე გამოიყენება. ამ ოპერაციაში ჰემოროიდული დაავადებისგან მოკლე დროში, ყველაზე ნაკლებად მტკივნეული და მუდმივი განკურნების ალბათობა საკმაოდ მაღალია. 10-15 წუთში შესრულებული ეს მეთოდი 1 ღამით საავადმყოფოში დარჩენას მოითხოვს. 10-15 დღიანი კონტროლის შემდეგ პაციენტს შეუძლია დაუბრუნდეს ყოველდღიურ ცხოვრებას.