შარდის ფერის ცვლილება თირკმლის კიბოს მაუწყებელი შეიძლება იყოს

თირკმლის კიბო, რომელიც ადრულ სტადიაზე სიმპტომს არ იძლევა, ამოსაცნობად რეგულარული შემოწმებაა საჭირო. მისი მკურნალობა კი ინდივიდუალურად, შემთხვევის შესაბამისი მეთოდებით ტარდება. სიგარეტის მოწევა, სიმსუქნე, მოძრაობის უქონელი ცხოვრება, ხორცისა და რძის პროდუქტების ჭარბად მოხმარება თირკმლის კიბოს რისკს ზრდის – ამის შესახებ აცხადებენ Hisar Hospital Intercontinental-ის უროლოგიის განყოფილების სპეციალისტები, რომლებიც 1-7 აპრილის კიბოს კვირეულთან დაკავშირებით თირკმლის კიბოს შესახებ ინფორმაციას გვაწვდიან.

ყოველწლიურად ათასობით ადამიანს უსვამენ თირკმლის კიბოს დიაგნოზს

ყოველ წელს 10 ათასიდან ერთს უსვამენ თირკმლის კიბოს დიაგნოზს. რადგან თირკმლის კიბო ფარულად მიმდინარეობს, დიაგნოზის დასმისას პაციენტების 25%-ში დაავადება უკვე პროგრესირებული და გავრცელებული იქნება. თირკმლის კიბოების 90% „თირკმლის უჯრედოვანი კიბოს“ ტიპისაა. კაცებში 2-3-ჯერ უფრო ხშირად შეიძლება გვხვდებოდეს დაავადება; იგი შარდწარმოქმნაში მონაწილე თირკმლის ქსოვილიდან იღებს სათავეს. გენეტიკურად გადამდები დაავადების მქონე პირებში ის ადრეულ ასაკში ვლინდება. ყველაზე ხშირად 50-70 წლის ასაკობრივ ჯგუფში გვხვდება დაავადება, და 45 წლის შემდეგ რეგულარული შემოწმების ჩატარება სასიცოცხლო მნიშვნელობისაა.

დაავადება შეიძლება ფარულად პროგრესირებდეს სიმპტომების გარეშე

ულტრასონოგრაფიის ფართოდ გამოყენებასთან ერთად, ნებისმიერი მიზეზით ჩატარებული ულტრასონოგრაფიის დროს შემთხვევით, არანაირი ჩივილის საფუძვლის გარეშე, მარტივად შეიძლება თირკმლის კიბოზე ეჭვი გაჩნდეს და ამ გზით დაავადება ადრეულ სტადიაზე გამოვლინდეს. მნიშვნელოვანია, რომ პაციენტის არანაირი ჩივილის გარეშეც თირკმლის კიბო ადრეულ სტადიაზე შეიძლება გამოვლინდეს. რადგან ადრეულ სტადიაზე გამოვლენის შემთხვევაში კიბოსგან სრულად განკურნების შანსი ძალიან მაღალია.

გაეცანით სიმპტომებს!

კიბოს სტადიის მიხედვით შეიძლება გამოვლინდეს სიმპტომები. შარდში შიშველი თვალით შესამჩნევი ან გამოკვლევებში გამოვლენილი სისხლდენა ან შარდის ფერის ცვლილება, თირკმლის არეში დასაჭერი მასა და ტკივილი, ზოგადი სისუსტე, დაღლილობის შეგრძნება, მადის დაქვეითება, წონის დაკლება, განმეორებადი მაღალი სიცხე, სისხლნაკლებობა (ანემია), მაღალი წნევა, ღვიძლის ფუნქციის დარღვევა, გულისცემის აჩქარება, ფეხებში შეშუპება, და კიბოს გავრცელების ორგანოს მიხედვით ტკივილი, ხველა, სუნთქვის გაძნელება, სისხლიანი ნახველის გამოყოფა, ძვლის ტკივილი, თავის ტკივილი, ცნობიერების დაკარგვა, დამბლა და მსგავსი სიმპტომები.

რეგულარულად ჩატარებული დიაგნოსტიკური მეთოდებით კიბო ადრეულ სტადიაზე შეიძლება გამოვლინდეს

წელიწადში ერთხელ თირკმლის ულტრასონოგრაფიისა და შარდის სრული ანალიზის ჩატარება თირკმლის კიბოს ადრეული დიაგნოსტიკისთვის რეკომენდებული ყველაზე მნიშვნელოვანი მეთოდია. განსაკუთრებით, კიბოს განვითარებისთვის რისკ-ფაქტორების მქონე ადამიანებმა აუცილებლად უნდა მიმართონ უროლოგიური ონკოლოგიის სპეციალისტ-უროლოგ ექიმს, რადგან ეს სასიცოცხლო მნიშვნელობისაა.

მკურნალობის მეთოდი პაციენტის მდგომარეობის მიხედვით განისაზღვრება

თირკმლის კიბოს დროს ყველაზე ეფექტური მკურნალობის მეთოდი ოპერაციაა. ოპერაციის სახეობა პაციენტის სამედიცინო მდგომარეობის, კიბოს ლოკალიზაციის, სტადიის, ზომისა და რაოდენობის მიხედვით განისაზღვრება: ან რადიკალური ოპერაციით, როცა თირკმელი, თირკმლის ზედა ჯირკვალი და მის გარშემო არსებული გარსი და ცხიმოვანი ფენები ერთად სრულად ამოიკვეთება, ან ნაწილობრივ, როცა მხოლოდ კიბოიანი ქსოვილი ამოიკვეთება და თირკმლის დარჩენილი ნაწილი ინახება. მიზანი უნდა იყოს კიბოიანი ქსოვილის ამოკვეთისას ნორმალური თირკმლის ქსოვილის შენარჩუნებაც. რადგან თირკმლის მთლიანად ამოკვეთისას დარჩენილი მეორე თირკმელი ორგანიზმის დატვირთვას მარტო უნდა გაუძლოს და დროთა განმავლობაში ქრონიკული თირკმლის უკმარისობისა და გულ-სისხლძარღვთა დაავადებების განვითარების რისკი გაიზრდება. მოკლედ, ჩასატარებელი ოპერაციის სახეობის განსაზღვრა თითოეული პაციენტისთვის დეტალური შეფასების შედეგად მიღებული გადაწყვეტილებაა.

ოპერაციის მეთოდი განისაზღვრება სიმსივნის გავრცელების ხარისხითა და სტადიით

ოპერაციის მეთოდის განსაზღვრისას დაავადების სტადია მნიშვნელოვანი კრიტერიუმია. დღესდღეობით, ლაპაროსკოპიული ან რობოტით დახმარებული მეთოდები ხშირად გამოიყენება, მიუხედავად ამისა, მოწინავე სტადიის დაავადების დროს კვლავ ღია ქირურგია არჩევანია. ამ მეთოდების შერჩევისას როლს თამაშობს კიბოსა და პაციენტთან დაკავშირებული ფაქტორები. დიაგნოზის დასადასტურებლად ამოღებული ნიმუშები პათოლოგიური მეთოდებით იკვლევენ და განისაზღვრება სიმსივნის სახეობა, ხასიათი და გავრცელების ხარისხი. შედეგიდან გამომდინარე, ზოგიერთ პაციენტს ქირურგიის შემდეგ დამატებითი მკურნალობა შეიძლება დასჭირდეს. რეციდივის მაღალი რისკის გამო ეს პაციენტები ახლოდან უნდა იქნენ დაკვირვებულნი. თირკმლის კიბოს 80% გამჭვირვალე უჯრედოვანი კიბოს ტიპისაა და, მიუხედავად იმისა, რომ კიბო ქიმიოთერაპიისა და რადიოთერაპიის მიმართ რეზისტენტულია, მათზე პასუხს არ იძლევა.

მედიკამენტები აუცილებლად ექიმ-სპეციალისტის კონტროლის ქვეშ უნდა იქნას მიღებული და გამოყენებული.

ქირურგიის შემდეგ საჭიროების შემთხვევაში ან მოწინავე დაავადების დროს ქირურგიის დამატებით გამოიყენება ბიოლოგიური მკურნალობა. თირკმლის კიბოს დროს ამჟამად ყველაზე ეფექტური ბიოლოგიური მკურნალობა „სამიზნედ მიმართული მკურნალობაა“. გამოიყენება მედიკამენტები, რომლებიც ხელს უშლიან კიბოიანი ქსოვილის სისხლძარღვებით უზრუნველყოფასა და გამრავლებაში მონაწილე მიკრომოლეკულების წარმოქმნას ან მათი ზემოქმედების გამოვლენას. მედიკამენტის შერჩევისას მნიშვნელოვანია პაციენტთან დაკავშირებული ფაქტორები და კიბოს პათოლოგიური ტიპი. მათი გვერდითი მოქმედებების გამო, გამოცდილ ცენტრებში გატარება აუცილებელია.

რეციდივის რისკის წინააღმდეგ რეგულარული კონტროლი აუცილებელია!

თირკმლის კიბოთი დაავადებული პაციენტებისთვის მკურნალობის შემდეგ ძალიან მნიშვნელოვანია, რომ ისინი ხშირად და რეგულარულად იმყოფებოდნენ კონტროლის ქვეშ. კონტროლის სიხშირისა და შინაარსის თითოეული პაციენტისთვის ცალ-ცალკე განსაზღვრა უფრო გონივრული გზაა. ქირურგიული მკურნალობით კიბოიანი ქსოვილის მთლიანად ამოკვეთის შემთხვევაშიც კიბოს რეციდივის რისკი 20-30%-ია. ამ ალბათობის შემამცირებელი ღონისძიება ამჟამად არ არსებობს. ამიტომ, დაავადების რეციდივის შემთხვევაში მისი დაუყოვნებლივ გამოვლენისა და მკურნალობისთვის რეგულარული კონტროლის გაგრძელება სასიცოცხლო მნიშვნელობისაა.

თქვენი კვების რეჟიმი თირკმლის კიბოს არ უნდა გამოიწვევდეს

ისევე, როგორც ნებისმიერი კიბოს დროს, თირკმლის კიბოსაც დროს კვების რეჟიმი მნიშვნელოვანია. კიბოს მთავარ მიზეზთაგან ერთ-ერთი სიგარეტის მოწევაა. სიგარეტის მოწევის ჩვევა თირკმლის კიბოს წარმოქმნაში ყველაზე მნიშვნელოვანი ფაქტორია. სიგარეტი შეიცავს მრავალ ქიმიურ და კიბოს გამომწვევ ნივთიერებას, ამიტომ მისგან თავის შორს დაჭერა და თუ იყენებთ, უახლოეს ვადაში მისი მიტოვება კიბოსთან ბრძოლის ყველაზე მთავარი ღონისძიებაა. კვების რეჟიმში ხანგრძლივი დროის განმავლობაში მაღალკალორიული, ცხიმიანი კვება ან დიეტის გამოყენება, ხორცისა და რძის პროდუქტების მსგავსი მაღალი პროტეინის შემცველი საკვების ჭარბად მოხმარება კიბოს გამომწვევი შეიძლება იყოს. ასევე, ხანგრძლივი რადიაციის, ჰემოდიალიზისა და ქიმიური ნივთიერებების ზემოქმედება თირკმლის კიბოს რისკ-ფაქტორის მზარდ მიზეზთაგანია. ოჯახის ანამნეზში კიბოთი დაავადებულ პირებს კიბოს განვითარების რისკი 2-ჯერ უფრო მაღალი აქვთ. ამიტომ, აუცილებლად უნდა გაიაროთ რეგულარული გასინჯვა.