Yükleniyor...
hisarhospital

БІЗ ТУРАЛЫ

Hisar Hospital Intercontinental әлемдік стандарттарға сай медициналық қызметімен Түркияның денсаулық сақтау саласында 2005 жылдан бастап, қонағымыздай күтілетін пациенттерімізді білікті медициналық мамандармен жүздестіріп келеді.

СІЗДІҢ ДЕНСАУЛЫҒЫҢЫЗ ҮШІН ҮНЕМІ ЖАНЫҢЫЗДАМЫЗ

Hisar Hospital Intercontinental әлемдік стандарттарға сай медициналық қызметімен Түркияның денсаулық сақтау саласында 2005 жылдан бастап, қонағымыздай күтілетін пациенттерімізді білікті медициналық мамандармен жүздестіріп келеді. Біздің нық адымдармен өсуімізге ықпал ететін ең үлкен қозғаушы күш – ол әлеуметтік жауапкершілікті орындаудағы бұлжымас қағидаттарымыз. Біз жарқын медициналық тарихымыз және болашаққа деген сеніммен келе жатқан осы сапарымызда, көзіміздің қарашығындай сақтайтын құндылықтарымызбен және меншікті капиталымызбен медициналық топқа айналудың негізін қаладық.

Біз салауатты өмір салты принципін ұстанамыз…

Заманауи медициналық технологиялар мен жайлылықты салауатты өмір принциптерімен үйлестіре отырып, Hisar Hospital Intercontinental жалпы ауданы 35 мың шаршы метрді құрайтын, 8 қабаттан тұратын ғимаратта орналасқан. Ортопедия мен травматологиядан омыртқа денсаулығына, акушерлік пен гинекологиядан кардиологияға, онкологиядан гематологияға дейін, соның ішінде неврологиялық ғылымдар, хирургиялық ғылымдар, ішкі ғылымдар, диагностика және бейнелеуді қамтитын 53 түрлі медициналық бөлімдеріміз және таңдаулы академиялық кадрларымыз бар.

Әлем халықтарының таңдауы…

2005 жылдан бері Түркияда медициналық қызметтер тізбегінің маңызды және қуатты буыны ретінде қызмет етіп келе жатқан Hisar Hospital Intercontinental емханасы, Азия мен Еуропаның түйіскен жері Стамбулдың Анадолы жағында, Сабиха Гөкчен халықаралық әуежайы мен Босфор бұғазына шамамен 20 минуттық жерде жаңа қаржылық орталық Умраниеде орналасқан. Осы орталықтардың барлығына жақын болуы себепті Еуропаның едәуір бөлігіне,  Түркі республикаларына, Таяу Шығысқа JCI сапа стандарттарына сай заманауи, жан-жақты және сенімді медициналық қызмет ұсыну арқылы біз тек түрік халқы ғана емес, сонымен қатар шетелдік пациенттер де келіп қызмет ала алатын таңдаулы орталыққа айналдық.

Біз заманауи технологияны сапалы қызметпен біріктірдік

Пациенттер емханамызға жүгінген сәттен бастап барлық дайындықтар мен жоспарлауды біздің тәжірибелі, мейірімді қызметкерлер жүзеге асырады және науқастарымыз сауығып шыққанға дейін теңдей қамқорлық пен жылулық көрсетіледі. Hisar Hospital Intercontinental «пациенттерге мейірімді аурухана» негізінде құрылымдалған. Біз медициналық қызметтерді шеберлікпен атқаратын мейірбикелердің, біліктілігін үнемі арттырып отыратын көмекші персоналдың және заманауи медициналық технологиялардың арқасында денсаулық сақтаудың жоғары деңгейін және кешенді қызметтерін ұсынамыз.

Неліктен Hisar Hospital Intercontinental?

Себебі;

  • Заманауи және сенімді технологиямен мақсатты терапия;
  • Емдеудің жеке жоспарлары;
  • Көп салалы емдеу әдісі;
  • Өз саласының маманы болып табылатын дәрігерлер мен медициналық қызметкерлер құрамы;
  • Соңғы жабдықтар мен құрылғылар;
  • Жоғары клиникалық нәтижелер;
  • Пациент ризашылығы;
  • Тәулік бойғы үздіксіз қызмет;
  • 8 қабаттан тұратын 212 орындық сыйымдылық;
  • 75 м2-тық люкс бөлмелер;
  • 35000 м2 жабық алаң;
  • 7 операциялық бөлме;
  • 53 емхана,
  • 33 төсектен тұратын қарқынды терапия бөлімшелері;
  • Гипербариялық оттегі орталығы,
  • Саусақ ізімен жұмыс істейтін PYXIS компьютерлік дәрі-дәрмек жүйесі,
  • 2200 м2 әлеуметтік күту алаңдары.

Жайлылық үшін ойластырылған сәулет …

Люкс және стандартты бөлмелер минималистік сәнді дизайнымен, кеңдігімен ыңғайлы. Кең лобби алаңдары, күту бөлмелері, ішкі және сыртқы асхана, мейрамханалар және жайлы палаталармен пациенттеріміз және олардың туыстарының сапалы қызмет алуларын қамтамасыз етеміз.

Саусақ ізімен жұмыс істейтін PYXIS компьютерлік дәрі-дәрмек жүйесі …

Біздің емхананың барлық бейнелеу жүйесі цифрлы форматта құрылымдалған. Барлық радиологиялық зерттеулерді суретті архивтеу және байланыс жүйесіне көшіру арқылы нәтижелерді емхана, пациент бөлмесі, тіпті үйден тез алуға болады. Пациенттің қауіпсіздігі мұқият бақыланатын біздің емханада саусақ ізімен жұмыс істейтін PYXIS компьютерленген медицина жүйесі қолданылады. PYXIS дәрі-дәрмек басқару жүйесі – дәрігер тағайындаған дәрі-дәрмекті жабық жүйе ішінен қажетті мөлшерде науқасқа жіберудің тексерілген және қауіпсіз әдісі.

Әлемдегі ең дамыған 640 детекторлы компьютерлік томография жүйесі …

Көптеген ауруларды ерте диагностикалаудан бастап, емдеуді жоспарлауға дейінгі бейнелеудің соңғы әдістерімен үлкен рөл атқаратын жаңа, жоғарғы дәрежелі компьютерлік томография жүйесі, науқасқа ең дәл және ерте диагностиканы ұсынады. Aquilion One – теңдесі жоқ дәлдікпен және айыру қабілетімен әлемдегі ең қуатты және жетілдірілген сканер. Жедел жәрдем пациенттеріне 24 сағат бойы КТ коронарлық ангиографиясын соңғы үлгідегі компьютерленген томография жүйесімен жүргізуге болады. Әсіресе, миына инсульт алған науқастарда сал ауруы қосымша бейнелеу әдісін қолданбай оңай көрінеді. Ол әдеттегі стандартты томографиялық түсіріліммен салыстырғанда радиация мөлшерін едәуір төмендетеді.

Тынышырақ және инновациялық 3 Tesla MR…

3 Tesla MR технологиясы пациенттердің жайлылығы, сапасы және нақты нәтижелері, әсіресе дұрыс диагноз қою және емдеуді жоспарлау тұрғысынан маңызды. 3 TESLA MR әдеттегі құрылғыларға қарағанда кеңірек, қысқа және ыңғайлы. Сондықтан жабық жерден қорқатын және артық салмақты адамдар құрылғыға оңай ене алады.

Көптеген пациенттер МРТ процестерін қараңғы, шулы тіпті қорқынышты деп санайды. Cinema Vision MR бейне жүйесімен седацияны қажет етпей, балалар мен ересектерге арналған сканерлеуді пациент 3D фильм, теледидар көріп немесе сүйікті музыкасын тыңдай отырып өткізе алады. Клаустрофобты пациенттер енді осы жаңа қызықты жүйемен МРТ-ға седация алмай-ақ түсе алады.

Жаңа CinemaVision MR жүйесі өте ыңғайлы және сенімді. Көптеген MR ойын-сауық жүйелерінде қолданылатын дәстүрлі ауыр 3D көзілдіріктері мұнда жоқ. Бұл шатасқан кәбілдер мен сымдарсыз пациентке барынша қолдануы оңай құрылғы.

Заманауи және сенімді технологиямен тиімді емдеу…

Барлық салада қызмет көрсететін біздің емханада адамға арнайы емдеу әдісі қазіргі заманғы технологиямен жүзеге асырылады.